ما هى بالتحديد فائدة و ضرورة ترصيص الاطارات؟

**Imhotep** · 20-05-2009 04:24 PM

السلام عليكم.....

سيارتى تيريوس 4*4 2009..... اطاراتها كانت جاية من المصنع على ضغط 33..... قللته شوية على 30، العربية بقت انعم.....،

لكن المشكلة اللى ملاحظها دلوقت انه على سرعة 120 الدركسيون بيكون فيه رجة خفيفة..... و من محاولاتى لتجميع معلومات عن الموضوع عرفت انه لابد من الترصيص علشان تروح الرجة.....

سؤالى هو: انا مبوصلش كتير لسرعة 120 و بالتالى المشكلة دى مش مزعجة اوى..... لكن هل توجد خطورة من وجودها..... اقصد هل توجد فائدة للترصيص تجعلنى مجبر اعمله؟

مع العلم بأن واحد صاحبى معاه نفس السيارة بقالها سنتين و سألته على الرجة دى قالى فعلا موجودة بعد ال 120..... لكن عمره ما عمل ترصيص وهو حاليا عامل بالعربية 40 الف بدون مشاكل....

و شكرا جزيلا مقدما للافادة.....

**Imhotep** · 20-05-2009 04:49 PM

و بالطبع اهم من ذلك..... هل فى ضرر لو معملتش ترصيص؟

**samirayad** · 21-05-2009 12:43 AM

الترصيص فائدته التخلص من الرفه run out اللى بتكون موجوده نتيجه أختلاف الأوزان على القطر الخارجى للجنط ....ولابد من تنفيذه للتخلص من الرجه على السرعه العاليه ......داغير ممكن يحصل تلف لبلى العجل والكبالن على المدى البعيد ..........بسبب أختلاف توزيع الأحمال الناتجه عن الرفه ...........................................

_ وبيسمى فى اللغه الهندسيه .....الأتزان الديناميكى للعناصر الدواره DYNAMIC BALANCE

**sab3aawy** · 21-05-2009 09:45 AM

بالضافة الى ما ذكره اخونا المهندس سمير فاحب ان انصك انك لو هترصص حاول ترصص السيارة على جهاز الموتوسيكل الذى يقوب بكشف اماكن الترصيص دون فك العجلة من السيارة، لأنه بيلم فى سكته كل انواع الخروج عن الاتزان سواء الموجودة فى العجلات او طنابير الفرامل اوى اى شئ، بعكس الجهاز المستخدم لكشف اماكن ترصيص العجلة بعد فكها من السيارة حيث يعالج عيوب اتزان العجلة فقط

**Samir Elshahawy** · 21-05-2009 01:46 PM

فيه نقطة حضرتك اثرتها و هي تقليل ضغط الهواء عن الموصي به , سؤالي هو :
أليس هناك ضرر علي الاطارات نفسها من تخفيض الضغط بهذا الشكل مثل زيادة معدل التاكل مثلا ؟؟؟

**ehabbasha30** · 21-05-2009 01:54 PM

طالما الرجة بعد السرعة 100 كم\س بتكون العجل الخلفى هو السبب
لو كانت الرجة عند 70 او 80 كم\س بيبقى العجل الامامى
بس رجة الترصيص بتحس بيها اكتر فى الدركسيون لكن لو العربية كلها بتترج ممكن يكون سبب تانى غير الترصيص
والله اعلم

**samirayad** · 21-05-2009 03:20 PM

أليس هناك ضرر علي الاطارات نفسها من تخفيض الضغط بهذا الشكل مثل زيادة معدل التاكل مثلا ؟؟؟

مفيش شك هناك ضرر من أنخفاض ضغط هواء الأطارات (لأن حيحدث تآكل لأجناب الكاوتش )..........وأنا عارف أنك عارف ياسمره ( بس ده سؤال تقريرى ....يعنى بتنقص الضغط ليه...............هههههههههههه )

**جمال** · 22-05-2009 12:06 AM

الرجرجة اللى بتحس بيها عند 120 مثلا موجودة على جميع السرعات وبيكون لها تأثير سىء على الرولمان بلى بتاع العجل و اجزاء العفشة فيجب الترصيص فى كل الاحوال
وبعدين غريبة جدا ان عربية جديدة و تحتاج ترصيص

**Hosam_Optrawy** · 22-05-2009 04:42 AM

المشاركة الأصلية كتبت بواسطة sab3aawy

بالضافة الى ما ذكره اخونا المهندس سمير فاحب ان انصك انك لو هترصص حاول ترصص السيارة على جهاز الموتوسيكل الذى يقوب بكشف اماكن الترصيص دون فك العجلة من السيارة، لأنه بيلم فى سكته كل انواع الخروج عن الاتزان سواء الموجودة فى العجلات او طنابير الفرامل اوى اى شئ، بعكس الجهاز المستخدم لكشف اماكن ترصيص العجلة بعد فكها من السيارة حيث يعالج عيوب اتزان العجلة فقط

انا اول مره اسمع عن موضوع الموتوسيكل
يعنى معنى كدا يا استاذ سبعاوى ان اغلب الناس وحتى بريدجستون اللى فى عباس العقاد معندوش جهاز الموتوسيكل ده
طب وده نلاقيه فين بس يكون عند حد نضيف زى بريدجستون كدا