مساعدة مطلوبة من الأستاذ سبعاوي على وجه السرعة
قريبي معاه لانوس لسة جايبها و ظبتلها زوايا علشان كانت بتحدف يمين في التوكيل بعد اول الف
المهم انه بعد كده لقاها بتحدف برضه و رحنا كشفنا برة عند 3 مختلفين و النتيجة عند الثلاثة كلآتي:
الزوايا زي الفل تماما و مظبوطة بالسنتي و العجل كله في مكانه كنبر و كستر و خلافه يعني مفيش اي حاجة غريبة
بس بعد كده قريبي سابلي العربية و سافر لقيتها ساعات بتحدف و ساعات لأ و كل ما أعدي على مطب الاقيها بترمي مرة و مرة تانية لأ
طب ايه الأشياء اللي ممكن تخلي العربية ترمي كده او كده غير الزوايا؟؟
مع العلم ان الكاوتش طبعا جديد و بدلت مكانه من قدام لورا و من اليمين للشمال و مفيش فايدة
العجل اعيد ترصيصه و زي الفل
فزورة محتاجة الحل!!