لوقتي يا جماعه رحت اكشف بالجهاز علي العربيه راح مطلع faults في حرق البنزين وبالتالي الحرق ني والعربيه بتعمل في اللتر 9.45 كم/ لتر (عربية بولو 98 1000 cc ) وبتقطع في السحب بس بسيط يعني ساعات لما ازود بنزيين احس ان العربيه مخنوقه مش بتسحب وساعات الاقيها بتتخنق شويه وبعدين تروح سحبه كويس
قالولي حط بوستر اوكتين وحط بنزين 95 وبردوا العربيه سحبها مش مظبوط , هيا مش بتنتش في السحب والحاجات دي بس ساعات تلاقيها مكتومه مش قادرة تسحب وبتجمع بعد فترة وساعات تلاقيها مكتومه في اول دوسه البنزين وبعدين تبدأ تجمع و شوفنا طلمبه البنزين طلعت سليمه
اعمل ايه بقي يا جماعه عشان حاسس ان كل الميكانيكيا مش فاهمين وبصراحه ملقيتش حد كده يفيدني كل مره حد يقولي هتلاقس السحب 100 - 100 وافرح واول ما اجرب العربيه ملاقيش فرق واحس اني رميت فلوسي في الارض واهي كانت العربيه ماشيه و خلاص
ياريت لوحد يعرف ميكانيكي بيفهم وهل بقي اغير بوجيهات وفلتر بنزين وفلتر هوا ولا الموتور ده اصلا الكبس بتاعه تعبان واجيب موتور 1400 او 1600 واريح دماغي
وياريت حد يفدني بافضل زيت احطه للعربيه عشان اسمع ان فيه حاجه اسمها زيت تخليقي وكلام كبير كده
انا اللي اشتريتها منه كان بيصلحها في التوكيل وبيقوللي بيحطلها موبيل xhp 5000 وسمعت ان الزيت ده 3000 مش 5000
نرجو الافاده من خبراء البولو
المفضلات