حد عنده فكرة عن توكيل سوزوكى ؟ مكانه او معاملته او اى حاجة ؟
عرض للطباعة
حد عنده فكرة عن توكيل سوزوكى ؟ مكانه او معاملته او اى حاجة ؟
أنا عندي سوزوكي فيتارا و أختى عندها سوزوكي ألتو و ما سوف أقوله من واقع خبرات شخصية تراكمية و علاقات صداقة توكيل سوزوكي هو شركة مودرن موتورز العريقة و الشهيرة جداً و التي تقوم أيضاً برعاية و صيانة نيسان في مصر.
خبراتهم طويلة و عريقة و عندهم العمالة المدربة على أعلي مستوى في العديد من بلدان العالم من اليابان الى ألمانيا و غيرها كم أن لديهم المعدات و الأجهزة اللآزمة للكشف و اصلاح أي أعطال في السيارة لا قدر الله - و هي أحد القلاع الصناعية التي أقامها رجل الأعمال الوطني الأول في مصر - الدكتور عبد المنعم سعودي - معاملتهم ممتازة و سريعة و قطع الغيار متوفرة في جميع معارض قطع الغيار و مراكز الخدمة المنتشرة على مستوى الجمهورية و هي :
القاهره الكبرى
مودرن موتورز الصحراوي - ك 28 طريق مصر الاسكندريه الصحراوى - المنطقه الصناعيه - ارض المحولات - ابو رواش الجيزه
تليفون 5392276 / 5392292 / 5390055 / 5390085
فاكس 5390997 / 5390004
---------------------------------------------------------
مودرن موتورز الدقي - الدقى - 18 ش حسين كمال بجوار مطافئ و مرور الجيزه .
تليفون 7605364 / 7605365 / 7605366 ( صيانه دوريه سريعه )
فاكس 7615231
--------------------------------------------------------
مودرن موتورز المطار - الهايكستب - 216 شارع جوزيف تيتو - طريق السندباد - بعد كوبري الحرفيين بمحاذاة سور المطار
تليفون 6247894 / 6247893/6206142
فاكس 6247895
الوجه البحرى -------------------------------------------------------
مودرن موتورز - شبين الكوم - منوفية يخدم جميع مناطق الدلتا و ماحولها و هو يتعامل مع الموديلات المختلفة من السوزوكي
1 مساكن الزراعيين - أمام كلية الهندسة - شبين الكوم
تليفون : 0482327194
و به معرض و مركز خدمة و منفذ بيع قطع غيار
---------------------------------------------------------
مودرن موتورز الأسكندرية - الحضرة القبلية - 3 شارع النقيب شريف رمزى الاسكندرية.
تليفون 4242551 / 4283435
فاكس 4242550
-------------------------------------------------------
و كمان عندهم معرض لموتوسيكلات سوزوكي و مركز خدمة لها في شارع المساحة بالدقي.
و عاملين رقم خدمة مميز جداً للطوارئ و خدمة الطريق في أي وقت أو مكان على مستوى الجمهورية
0123647726
و لكم جزيل الشكر
و السلام عليكم و رحمة الله و بركاته
أخوكم Traffic Master
شكرا يا استاذ Alaa على الرد وبما ان حضرتك معاك فيتارا كنت عاوز اسألك اخبارها ايه معاك ؟ من حيث الاداء و قطع الغيار وملاحظاتك عليها
و الله العربية جميلة و ناعمة وواسعة و اقتصادية جداَ في التشغيل و استهلاك البنزين دي حتى مرة قستها على طريق اسكندرية الصحراوي قطعت 220 كم بأقل من 12 لتر بنزين ، كان نفسي أجيب ال 4 باب 2000 سي سي و لكن سعرها عالي علي شوية بس اتفرجت عليها في المعرض اللي في شارع المساحة بالدقي و هي تستاهل أكتر من كدة و ربنا يقدرنا و نجيبها - ان شاء الله.
و السلام عليكم و رحمة الله و بركاته.
أنا عندي سوزوكي فيتارا و أختى عندها سوزوكي ألتو و ما سوف أقوله من واقع خبرات شخصية تراكمية و علاقات صداقة توكيل سوزوكي هو شركة مودرن موتورز العريقة و الشهيرة جداً و التي تقوم أيضاً برعاية و صيانة نيسان في مصر.
خبراتهم طويلة و عريقة و عندهم العمالة المدربة على أعلي مستوى في العديد من بلدان العالم من اليابان الى ألمانيا و غيرها كم أن لديهم المعدات و الأجهزة اللآزمة للكشف و اصلاح أي أعطال في السيارة لا قدر الله - و هي أحد القلاع الصناعية التي أقامها رجل الأعمال الوطني الأول في مصر - الدكتور عبد المنعم سعودي - معاملتهم ممتازة و سريعة و قطع الغيار متوفرة في جميع معارض قطع الغيار و مراكز الخدمة المنتشرة على مستوى الجمهورية و هي :
القاهره الكبرى
مودرن موتورز الصحراوي - ك 28 طريق مصر الاسكندريه الصحراوى - المنطقه الصناعيه - ارض المحولات - ابو رواش الجيزه
تليفون 5392276 / 5392292 / 5390055 / 5390085
فاكس 5390997 / 5390004
---------------------------------------------------------
مودرن موتورز الدقي - الدقى - 18 ش حسين كمال بجوار مطافئ و مرور الجيزه .
تليفون 7605364 / 7605365 / 7605366 ( صيانه دوريه سريعه )
فاكس 7615231
--------------------------------------------------------
مودرن موتورز المطار - الهايكستب - 216 شارع جوزيف تيتو - طريق السندباد - بعد كوبري الحرفيين بمحاذاة سور المطار
تليفون 6247894 / 6247893/6206142
فاكس 6247895
الوجه البحرى -------------------------------------------------------
مودرن موتورز - شبين الكوم - منوفية يخدم جميع مناطق الدلتا و ماحولها و هو يتعامل مع الموديلات المختلفة من السوزوكي
1 مساكن الزراعيين - أمام كلية الهندسة - شبين الكوم
تليفون : 0482327194
و به معرض و مركز خدمة و منفذ بيع قطع غيار
---------------------------------------------------------
مودرن موتورز الأسكندرية - الحضرة القبلية - 3 شارع النقيب شريف رمزى الاسكندرية.
تليفون 4242551 / 4283435
فاكس 4242550
-------------------------------------------------------
و كمان عندهم معرض لموتوسيكلات سوزوكي و مركز خدمة لها في شارع المساحة بالدقي.
و عاملين رقم خدمة مميز جداً للطوارئ و خدمة الطريق في أي وقت أو مكان على مستوى الجمهورية
0123647726
و لكم جزيل الشكر
و السلام عليكم و رحمة الله و بركاته
أخوكم Traffic Master
يا أستاذ علاء /أولا شكرا على المعلومات القيمه دى.
أنا عايز أشترى فيتارا مش جراند فيتارا .
أنا فهمت من كلامك أنك بتتكلم عن الجراند. فلو سمحت تقدر تفيدنى عنها .
أنا أمامى الان فيتارا بالمواصفات التاليه :
موديل 1998 ياباني مانيوال
4 باب
2000 سى سى 6 سلندر
فابريكه بره و جوه لكن لازم ترش بره علشان الدهان بهتان و متاكل
72000 كم
ومطلوب فيها 70000 جم
أيه رايك ؟ أنا ما عرفش أى حاجه عنها وما ركبتهاش قبل كده ؟ هل فيها اى مشاكل وأيه أخبار قطع غيارها و عند مين غير التوكيل؟
لوسمحت أنا مستنى الرد بفارغ الصبر ويا ريت لو أى أخ مشكورا عنده معلومات يفيدنى............
توكيل سوزوكى كويس ومواعيدة مضبوطة فى التصليح
لكن انا شفت تعليقات كتر عن تقييم التوكيل
الكل اجمع على ان اسعاره غالية جداً و المصنعية كمان
يا ريت تعليق
توكيل سوزوكى من اكتر التوكيلات خبرة واحترام للعميل وللمواعيد واسعارهم فى المصنعية زى اى توكيل آخر ماتعتبرش غالية ولا حاجة
طب ممكن حضرتك تقوللى ايه المشاكل اللى قابلتك فى العربيه او اى عيب سمعته عنها واضح انك مبسوط منها يعنى اصل واحد صحبى نفسه يشتريها بس خايف ايه رأى حضرتك(قصدى جراند فيتارا الكوبيه)
ماهي مواعيد العمل في رمضان
كل عام وانتم بخير
رمضان كريم
أ / علاء شركة على المعلومات دي و بما أنك عندك خافية عن السوزوكي لو ممكن تقولي رأيك في الألتو الجدية لشان عايز أشتريها و حيران بينها و بين البيكانتو و السبارك
ورجاء من افضل مركز خدمة من بين الذين قمت بذكرهم؟
و رأيك في مركز شبين الكوم بالذات
وشكرا
غريب اوي الكلام ده مع احترامي لكل الردود لكن مواعيد الاستلام بجد كلام في الهوا وحكاية الاستلام بعد شهر ونص شهرين ده كدب رسمي
و الله العظيم اسوأ توكيل شوفته في حياتي و اسوا معاملة في واحد هناك بتاع السمكرة ده اسمه احمد عمرو اكتر بني ادم مستفز في الدنيا و الله و كلهم كده انا معايا sx4
و عملت حادثة عشان تتصلح طلعوا عيني و عشان تحجز بتكلم واحد على موبايله مش زي التوكيلات المحترمة و حاجة تقرف والله ده انا عايز ابيعها عشان اخلص منهم
بالعكس توكيل سوزوكي لو العربية لسه جديده متاخيرين في قطع الغيار و السمكرة عندهم عاوز واحده هانم مش وراها حاجة اة عربيه ليها سواق يكون قاعد للعربيه في التوكيل دول صلحو ترس الزجاج الكهربا في الباب في يومين علشان مكنش في قطع غيار و عملوه في المخرطه
ياجماعة توكيل سوزوكى زى الزفت أبعد عنهم أحسن عن تجربة أكتر من مرة
فى توكيل محترم تعمل عنده ظبط زوايا مايعملهاش ويقولك أصل ماعنديش زرجينة (وكان فرع الدقى) بعد الكشف عليها بالكمبيوتر بينصحنى أروح أكمل الظبط فى أبو رواش ( قال أيه دى بسيطة العجلة الأمامية محتاجة تتفتح درجة واحدة بس) بعد 6 ساعات أنتظار لعمل الصيانة !!!
غير محاولة الخداع والسرقة عند تركيب السنتر والأنذار بعد أختيارى لأحسن الماركات التعبانة اللى عندهم ( تمنهم عندهم حوالى 600 ج وبره ممكن تركبهم بــ 350 ج بس) وكل ده علشان أحافظ على الضمان الزفت ده ، بعد أختيارى للماركة يتم أستبدالهم بماركة ونوع تانى مجهول فى علبة بيضاء مفيش عليها ولا أى بيان أو ماركة أو بلد الصنع والأفندى بيدينى المفتاح ومبروك ياباشا ومعتمد على أنى نسيت شكل المفتاح بتاع الماركة اللى أخترتها فى الأول وشوف البجاحة لما لفت نظره أنه مش هوه ده المفتاح برضه مصر على الكدب وبيقنعنى انه هوه، مسكت عينة تانية من الموجود على العرض وبينت له الفرق يقوللى أيوه حضرتك أصل أنا لقيت ميزة أحسن فى المفتاح أنما الجهاز هوه هوه ، ياأبن ......... أزاى مفتاح تانى يشتغل على جهاز مش جهازه؟! فى النهاية لما مالاقاش فايدة قال تحت أمر حضرتك نركب اللى أنت عايزه بس أنا كنت عايزلك الأحسن !!!
وتقولى أحسن وأقدم وأعرق توكيل !! أبقى سلملى على الزرجينة !!:k40:
بخصوص العربيه نفسها والتوكيل ذو الفكر المبتكر:
بصراحه انا اشتريت العربيه فيها حاجات ممرتش على حد ابداً فى عربيه جديده
اولا الفرامل اما احتاجتها ملقيتهاش ومحستش بده غير بحادثه .
ثانيا كان فى مشكله مش عارفه فى ايه بس كانت بعد ما تبطلها بتفضل تترج تقريبا 45 ثانيه (قالولى فى التوكيل انها من الكهرباء)
ثالثا بعد بالزبط 8 شهور من شراء العربيه مكانتش بتطلع الصبح ابداااا غير بالزق (زى فيلم مراتى مدير عام كده بالزبط) ولو ركنتها فى نص النهار كمان .وديتها التوكيل غيرولى البطاريه بس طبعا بعد 3 أيام عندهم عشان البطاريه مش موجوده عندهم.مش فاهمه ازاى عربيه جديده فى اقل من 8 شهور تغير بطاريه.
غير ان العربيه اما بتروح هناك مش بتهون عليهم العشره خالص بترجع بعد مده طويله جدا مشفتهاش خالص مع اى توكيل تانى مع حد من صحابى.
العربيه عملت حادثتين راحت فيهم التوكيل
الحادثه الاولى قعدت فوق الشهر
والتانيه قعدت فوق الشهرين
الاسعار هناك مش قليله . يعنى الاكصدامات انا لقيت ناس هنا كاتبين انها فى حدود 200 جنيه هناك هتلاقيها فوق ال 600. (بس انا مش مهتمه اوى عشان العربيه متأمن عيلها)
بخصوص المهندس احمد عمرو هو من الشخصيات العبقريه فى التوكيل المبتكر متعرفش توصله نهائى وكمان محدش هناك عارف يوصله يعنى كل ما تكلم حد فى الاستقبال تلاقيه بيقولك ثوانى هشوفه لحضرتك وبعدها بكتييير تلاقى الرد معلش هو مش على مكتبه تقريبا بيجرب عربيه .
وكمان فى هناك شخصيه لطيفه خالص مش فاكره اسمه اوى اسمه حاجه التركى. راااااااااااااااااااااااا ائع . بردو من حزب المهمييين اللى محدش بيعرف يوصلهم
ده طبعا اما بتكون حاجز
مش عارفه بصراحه لومش حاجر ممكن تكون المعامله ايه . بس اكيد مش اسوأ من اللى قلته اصل مفيش اسوأ من كده
يا جماعه المحل ده فيه كل قطع غيار الماروتى و الألتو بأسعار كويسه "موديل حديث و قديم"
* سوزوكي سنتر*
العنوان : - 18 شارع التوفيقة وسط البلد مركز ابو غالي الدور الثاني التجاري اما سنترال رمسيس
التليفون : 25782830
0127890107
مفيش حتي مراكز معتمدة في المنصورة
فعلا هو توكيل محترم جدااااااا
السلام عليكم
الحمد لله أشتريت تسجيل و سماعتين و أنذار و سنتر . بس عايز أعرف تركيبهم بكام فى التوكيل؟؟؟؟؟؟؟؟
السلام عليكم
أنا أشتريت عربية سوزوكي ماروتي موديل2007في شهر 11/2008العربية كانت عاملة23500كم
أنا عملت 24400لحد يوم السبت أول أمبارح وروحت التوكيل فرع الدقي العربية عجباني جدآ جدآ بس في حاجة صغيرة مش عجباني في العربية وهي أنها بتروج عند سرعة 100أو لومشيت بيها مشوار ودخلت سوبر ماركت ورجعت تاني لازم أسخنها تاني مع العلم أن أنا دخلت تقريبا 20دقيقة بس.فطبعا كنت مضايق جدآ من موضوع الرجة دي والفتيس بيعوض شوية.العربية دخلت صيانة 20000كم ليه لأنها أشمل علي حد قول المهندس أللي هناك وطلبت تركيب سنتر وأنذار تكلفة السنتر والأنذار تقريبا 600جنية بالضريبة.وتم تغير فلتر الهواء لأنه مش من ضمن صيانة 20000كم ب30جنية أجمالي تكلفة صيانة 20000كم تقريبا 600جنية أيضا.
أنا دفعت 1300جنية تقريبا عشان أشتريت غطاء للعربية من عندهم ثمنة120جنية عليه لوجو سوزوكي.
العربية دخلت الساعة9صباحا خرجت4.30مساءآ
عموما أنا من رأي توكيل سوزوكي محترم جدآ والمعاملة محترمة جدآ.
ملحوظة:خرج مهندس مع العربية لتجربة العربية معي.
الواحد لازم يقول أللي ليه وأللي عليه
فى حاجة محيرانى جداً مع التوكيل ده ومبستريحلوش نهائى خاصة فرع الدقى، المهم أخر مرة روحت فيها كانت لصيانة الــ 10 الاف والعربية ماروتى 2007 المهم العداد كان عامل تقريباً 9860 كم الباشمهندس كتبها 9200 كم فى الأوردر بتاع الشغل ، أنا أفتكرته غلط ولما نبهته قاللى لأ لأ كده أحسن!! طبعاً أنا مش عارف أحسن فى أيه؟! بس طبعاً أكيد فيه سر فى الموضوع ده وطبعاً بيكون لصالح التوكيل والله أعلم
لو حد يعرف ياريت يقولنا ليه دايماً المهندس بيحاول يكتب الرقم الأقل؟ زى الأخ الكريم اللى عربيته تقريباً صيانة الـ 25 ألف والمهندس دخله فى صيانة الـ 20 ألف
السلام عليكم يا أخوانا سؤال أنا أشتريت ماروتي 2009 زيرو ورحت ركبت ليها كاسيت وسماعات بره التوكيل هل يؤثر ذلك على الضمان
انا جبت ماروتى من شهر وقربت اروح اعمل صيانه 1000 ومش عارف اروح انهى فرع احسن وكمان انا شايف من الكلام اللى هنا ان التوكيل مش قد كده انصحونى اعمل ايه؟؟
وشكرا
بصوا يا جماعة اسعارة زي الزفت أنا عندي ألتو 1100 سيسي رحتلهم علشان أغير إستونط الدبريلج ألولي أن الطأم كله لازم يتغير وبعد كدة ألولي أن الحيتغر بس هو الإستوانه ألت الحمد لله وقلتلهم الإستوانة سعرها كام ألولي 275 وحيغرو زيت فتيس و رومان البلي و الحجات ديت حتتكلف 200 جنيه ألت أهو السعر في المعقول وبعد مافكو وركبو بعد طبعاً مطلعوا عيني يومين كنت فاكر أن السعر حيبقى 475 جنيه بس لكن فوجؤت أن في مصنعية 400 جنيه انا مش عارف ليه يظهر أن هما كانو بيصنعوا العربية من جديد و في الأخر بعد الضريبة وصلت التكلفة حوالي الف جنيه تقريباً مش بزمتكم حرام ده أغير إستوانطة الدبرياج بألف جنيه هي عربيتي مرسيدس ولا أه
لاكن للاسف يا جماعة مش بيشتغلو فى السوزوكى سويفت 94
يا استاذ علاء بما ان اختك عندها سوزوكى التو اطلب منك المشوره لانى قدامى عربيه سوزوكى التو موديل 2009 وهى 800سى سى وفيها تكييف كنت عايزه اعرف راى الناس الى معاهم العربيه دى ايه فيها لانى مش بفهم فى العربيات ودى اول مره اسوق وخايفه اجيب حاجه 800 سىسى وفيها تكييف لان فى ناس قلقتنى منها ممكن المساعده
العربية ما شاء الله جميلة جدا و تكيفها كويس و لو حد قالك بيأثر على السحب قللوا ماهو كل العربيات بتتأثر سحبها بالتكييف
أنا اشتريتها في سبتمبر 2008 و ما شاء الله عفشتها حلو ة وشحبها جميل و الباور ستيرنج بتاعها حلو
اشتريها و توكل على الله
:b4_388::b4_388::b4_388:
هايل برافو عليك صح كده
أنا فعلاً مابطمنلهمش خالص فى التوكيل الزفت ده
ركبت عنهم انذار وسنتر بـــ 600 ج
وبيعلق على طول ويقعد يقفل السنتر لوحده وأنت ماشى بالعربية والسرينة تشتغل وتبقى عامل فضيحة فى الشارع ومنظرك وحش جداً ومابعرفش أتصرف أعمل أيه ؟ أقعد أقفل وأفتح وأقف على جنب عامل زى اللى فرحان بالزمارة !!!
المهم رحت فرع الدقى علشان يظبطوا الموضوع ده
قابلت المهندس بتاع الأستقبال قاللى المسئول هوة بتاع الأكسسوارات اللى أسمه معتز ( حته عيل كداب وفهلوى) بيحاول يقنعنى أن ده أوبشن لحضرتك وأمان ليك علشان لو معاك أطفال الأبواب كلها تقفل بمجرد ماتخش العربية !!!
أديتله تجربة أن الباب بيقفل من غير ماأرده يعنى المسوجر كله بينزل والباب مفتوح فين الأمان بقى!!
كمان لو ربنا هادى السنتر والبانذار وفتحت الباب لازم تفتح الباب اللى جنبك وتقفله علشان اللمبة تطفى ويبطل الصوت
المهم ربع ساعة وكله تمام ياباشا
تانى يوم نفس الموضوع بالظبط حاجة تقرف
عايز افصله خالص بس مش عارف أفصله أزاى؟ خاصة السرينة
ياريت لو حد يعرف يقوللى أعمل أيه
بصراحة انا تعملت مع التوكيل مرة واحدة بس تاني يوم استلمت العربية الماروتي ربنا علشان العين اتخبطت مني والفانوس الامامي اليمني اكسر طبعا الحمد لله علي قد الفانو س انا كنت لسه مرخصتش المهم طبعا علشان انا جديد ومش فاهم قلت اروح التوكيل اركب الفانوس جزارين ايوه جزارين الفانوس تمنه 135 جنيه طبعا بالنسبة لاي فانوس عربية تاني رخيص وعلي فكرة انا كنت مبسوط افتكرت انه رخيص بعد فترة سالت علي في محل في شارع الجيزة لقته هو هو ب70 جنيه والاصلي الهندي المصيبة انا اللمبة بتاعت الفانوس اللي ركبته اتحرقت بعد شهر وركبت لمبة جديدة المرة دي من بره ب10 جنيه وقلت اركب كاسيت قالي هايكلف 600 جنيه وعيل فكرة كاسيت صيني (التوكيل بيبع صيني) بس دي الملحظات علي التوكيل لغاية دلوقتي وربنا يستر علشان انا اصلا سايب العربية للمدام علشان انا بعمل في الخارج
نصيحة سيبك من التوكيل خاااااااااااااااااااااااا ااالص
جزارين فى الفلوس ثمن ومصنعية - معاملة سيئة خاصة للماروتى - جودة منخفضة إن لم تكن مفيش خالص - مفيش ضمير ( ركبت عندهم أنذار وسنتر بعد ماأخترت واحد شكله حلو وعليه علامة سوزوكى راح مبدله ومركب واحد تانى مفيش أى بيانات نهائى عليه ولا على العلبة ولا المفتاح ولا أى حاجة حتى تقول أنه شئ ما ، وقال أيه أنا ركبت لحضرتك الأحسن طبعاً صممت أنه يتغير ويركب اللى أنا مختاره من الأول ، وسلملى على التوكيل )
بص ياسيدى معاك كتالوج الصيانة تعرف منه كل حاجة أيه اللى يتغير وبعد كام كيلومتر وعند أى ميكانيكى أو بنزينة محترمة تغير زيت وفلتر وتربط عفشة وتغير طقم الكهربا ..... ألخ
مع تحياتى
انا مريت بتجربة جعلتنى من الكارهين لهذا التوكيل لكن فى نفس الوقت خلتنى مستغناش عنهم :
أولاً ذهبت للتوكيل فى الدقى لعمل صيانة العشرين و هناك طلب منى باظبط 575 جنية مقابل الكشف على السوائل و تغير طقم الكهرباء و تربيط العفشه و تغيير الزيت و فلتر الزيت .
- و لما مشيت من هناك العربية كانت تمام و بما أنى ساكن فى أكتوبر عديت على كارفور الصحراوى أشتريت حاجات و جيت مروح حصلت المفاجأة !!!! و أنا ماشى على سرعة 80 أو 90 العربية " أفشت " و الله العظيم كنت "هلبس وش" أمامى و خلفى و المهم لقلة خبرتى فى عالم السيارات فضلت أعافر لحد ما وصلت من الصحراوى إلى أول الشيخ زايد فى حوالى شاعة تقرياً مسافة 1 ك و كانت أعصابى بايظه لأنه طريق سريع . وركنت العربية و حلفت ماتدورش تانى أبداً و طبعاً أتحسبنت على التوكيل و اللى فيه طول المدة دى لأنها و ببساطة كانت ماشيه تمام قبل الصيانه .
- المهم شوفت كهربائى و ميكانيكى معرفوش لكن الميكانيكى شط فى الكوندنسر و قالى لازم نقطرها للورشة فى أثناء المداولات بصيت ى الفاتورة اللى لسه ريحة فلوسها فى أيدى لقيت رقم للطوارئ أتصلت و صرخت و أقسمت أنى هطلع على القسم أعمل محضر فالراجل قالى ثوانى و هكلمك يا باشا و بعد 5 دقائق كلمنى مهندس و قلت له أنى كنت هموت قالى الحمد لله أنك بخير و هنصلحهالك فى مكانها و معلش هنتأخر شويا عليك .
- الكلام ده كان الساعة 7 مساءً و العربية بتاعت الصيانة وصلت الساعة 1 صباحاً لكن بصراحة الراجل غير الكوندنسر فى ثوانى و رجعت زى الاول و الحمد لله .
- بصراحة التوكيل غالى و زفت لكن لو كنت عند أى ميكانيكى أو بنزينه و باظت كان هيعمل معايا كده مش عارف أفيدونى أفادكم الله.
الصراحة يعني انت راجل محترم
وانا عشان مؤدب مش هاقول لك كنت هاعمل ايه لو لا قدر الله كنت مكانك بس هاقول لك ابسط حاجة من غير ماكلمه كنت هاصلع عالقسم وامرمط اللي جايبينهم
575 جنيه في شوية الكلام الفاضي ده وكمان كنت هتعمل حادثة ليه ؟؟؟؟؟؟؟؟؟؟؟ ياخي يل......تييييييييييييييييييي ييييييييييت تيـــــــــــــــــــــــ ــــــــــــــــــت تيـــــــــــــــــــــــ ـــــــــــــــــــــــــ ت
:beatdeadhorse5::beatdeadhorse5::beatdeadhorse5:
فعلاً توكيل زبالة
بس الحمد لله على كل حال والحمد لله على سلامتك ياباشا
أنا نفسى شباب سوزوكى نعمل حاجة إيجابية أكتر للتوكيل الزفت ده علشان يتعدلوا شوية
مش عارف نزود شوية حملة المقاطعة ليهم ولا نشهر بيهم أكتر فى كل المنتديات والمواقع ولا نبعت للشركة الأم فى اليابان علشان يظبطوا حالهم ولا أيه رأيكم ياشباب؟