اســعــار بــروتــون واجــا 2009 !!!

**kobadr** · 22-05-2009 06:48 PM

, الشكل الحالى للواجا مستمر لحد 2010 و بدايه 2011

أشكرك جدا ياستاذ مهاب علي المعلومه دي لأن كان فيه كلام ان الشكل الحالى للواجا حيتغير بداية من 2010والكلام ده كان مضايقني لأن عندي الواجا 2008 وأعتقد ان تغيير شكل الموديل بالسرعه دي يفقدها الكثير من قيمتها .

**MohabSaeed** · 22-05-2009 07:19 PM

العفو يا استاذ بدر .

بروتون انتاجها محدود بالمقارنه بالشركات الضخمه و ده بيرفع تكلفة انتاج و تصنيع موديلاتها و علاشان كده بروتون دايما بتحتفظ بالموديل لاطول فتره ممكنه , لان اى موديل جديد بيحتاج مصاريف ضخمه جدا من التصميم حتى خط الانتاج .و طبيعى ان موديلاتها تقعد فتره طويله , علاشان يستردو تكلفه الانتاج العاليه .

و عندك على سبيل المثال ... الويرا من سنه 1993 الى 2005 ... يعنى 12 سنه وبعد كده اتنقل انتاجها لايران !
و البردانا من 1995 و حتى الان بتنتج يعنى داخله على 14 سنه !! مع فيس ليفت مرتين .. فى 98 و مره فى 2003 .

الواجا و هى اكثر نجاحاً منهم اكيد انتاجها حيستمر على الاقل 10 او 11 سنه .

**fox_vip** · 23-05-2009 12:53 AM

السلام عليكم ورحمة الله وبركاته
الواجا الbase نزل منها كميه محدوده و سعرها m/t 76900 & a/t 82900
و الكامله m/t 83900 & a/t 89900
بس اعتقد الكميه الموجوده بتاعة الbase خلصت بس برده هأتأكد بكره انشاء الله.

أخوكم شامي من مبيعات عز العرب أبيس.

**M.Osman** · 23-05-2009 07:50 PM

طب واجا أحسن ولا بيرسونا ؟
أنا أعرف ان الإتنين نفس المحرك ... و بصراحة الإتنين سعرهم مغري جداً ... بس مين الأحسن ؟ او أية الفرق ؟ أنا مش شايف فرق و حاسس انهم في شريحة واحد بالظبط

شكراً أستاذ حسام على الأسعار

**Ayman_52** · 25-05-2009 01:32 AM

الفرق فى الشكل ... الخامات والتقفيل الداخلى ... انتشار قطع الغيار .... اسعار قطع الغيار .... الحجم الداخلى ....

--------------------

الشـــكل :: الواجا كتير كلاسيك عن البيرسونا

الخامات والتقفيل الداخلى :: ودا احسن فى الواجا

انتشار قطع الغيار :: ودا احسن فى البيرسونا

اسعار قطع الغيار :: ودا احسن فى البيرسونا

الوسع الداخلى :: ودا اوسع فى الواجا

------------------

ودى كانت مقارنه فى السريع كده

واى استفسار انا تحت امرك

تحيــــــــاتــى