207 rc بيجو
175 حصان .... حكاااااااااااااااااااية
عرض للطباعة
207 rc بيجو
175 حصان .... حكاااااااااااااااااااية
الجالينا مدخلتش اوربا و معدتش اختبار التصادم و فشلت فشل ذريع
لو هتغير من رينو ميجان يبقى يأما تركب فولكس ,بيجو,اوبل مش اقل من كدا و الا مش هتحس باى تغير بل بلعكس هتحس انك نزلت من عربيه عاليه الى عربيه اقل منها
أفهم حكاية توفير ال 20 ألف دى ؟؟؟
ضمان مش معناه صيانة مجانية....
هتعمل صيانة و هتدفع عادى...بس لو حاجة طلعت بايظة و عيب صناعة يبقى هتتغير على حسابهم ...و الكلام سارى لمدة الضمان ( 5 سنين )...
طبعا إنت علشان ما اتعاملتش مع توكيلات غير رينو من فترة مش عارف المعاملة شكلها إيه بره EIM ....
على كل برضه ما نورتنيش بالأرقام و المنطق ليه الجالينا ؟؟؟
لو على الضمان....عندك السيراتو برضه 5 سنوات ضمان و معاملتهم زى رينو...علشان نفس الشركة..و هى العربية تقدر تقول عليها نسخة رياضية من ال Elantra ...و آخرها 126 ألف جنيه و شكلها هتعمل شغل كويس و تلاقى ليها حاجات بره التوكيل...
الفيكترا عربية ممتازة و اللي بينتقدها يبقى مركبهاش
بس طبعا لو حتجيب Jetta TSIمش FSI يبقى الجيتا أفضل.. بس يفضل تكون تبع ضمان و مركز صيانة خليجي علشان تضمن الموتور حد يفهم فيه و احسن من التوكيل
لو عايز رأيي الشخصي .. خليك في الفرنساوي , البيجو او السيتروين او تظل على الرينو !!
لو لسه باقى على العشرة مع الرينو....السينيك تستاهل إلقاء نظرة دقيقة و ععلى الواقع...اليومين دول عليها عرض من التوكيل و سعرها نازل علشان آخر دفعة و الشكل الجديد نزل بره
أنا شخصيا و بدون زعل بأحبها أكتر من ال Laguna
مشكلة البيجو إن ال 308 هاتشباك و بس و سعرها كام مش عارف
السيتروين مافيش غير ال C4 و عندها أزمة تغيير الشكل زى الميجان و ال C4 Picasso ب 185 ألف و أفتكر إنها 1.6 ديزل مش بنزين و الله أعلم
و الله أنا في قمة الحزن
خصوصا عشان حأفارق حبيبة قلبي و كمان عشان أنتو فاكريني مش مقدرها !
ياجماعة الشركة الجديدة ان شاء الله حتديني قرض و تخصمه من عليا 1600 في الشهر 4 سنين! فقط لو كانت العربية جديدة..يعني لازم ابيعها.
و مش عاوز أقول لكم اني لفيت مش لاقي حاجة ترضيني كسيارة ووكيل أقل من 170 ألف.. و الميزانية ميه و أربعين بس..!
أنا بصراحة قررت طالما كده كده مش لاقي حاجة ترضيني..اجيب حاجة علي قد القرض من اللي ماشية في البلد و السلام و تكون ماسكه سعرها أفيو ولا نيو أكسنت و اصبر سنتين لحد ما الدنيا تفك شوية!