الراجل ده فاهمني و فاهم الليلة
كلامك منطقي .. بس محتاج الفلوس
فبأفكر في عربية تجمع الاتنين حلوة و مريحة نوعا ما .. و قطع غيارها مش غالية لكن مش ضروري رخيصة
ده أنا حتي فكرت في النيو أكسنت
عرض للطباعة
يا ممدوح باشا متشكرين على الخبر واحنا عرفنا الموضوع ده من زمان،،
الوحوش ما بيلعبوش
باين عليا حاحتفظ بميجي حبيبتي .. صعب عليا فراقها .. و أجيب جنبها أي حاجة و طبعا لو عملت كده مش حاستفيد بأي نقدية !!!
يعني عندك الرينو سيمبول (افضل عربية قيمة في مقابل السعر ل 2009 على ما أتذكر) و تقييمها كويس جدا على النت .. عندك برضه بدائل تانية زي الفابيا 1400 أو الرومستر و زي اليارس (لو مش بتجري جامد عشان الثبات) و زي كيا ريو و زي اللوجان (داشيا في صور رينو) .. كل دول في حدود 80-90 فيهم عربيات خدمة شاقة زي السيمبول و الفابيا و الرومستر و بسعر معقول في إعادة البيع و فيهم سعر إعادة البيع كويس زي اليارس و إعتمادية في نفس الوقت .. نفس الشيء و لكن بدرجة أقل في الريو.
أما بخصوص الإحتفاظ بالعربية فمش بشجع الإختيار ده .. لأن العربيتين من فلوسك إنت يعرني هاتصرف على عربيتين و إستهلاكك الشخصي مش هايحمل على إستهلاك عربية الشغل كتير (نسبيا) و بعد فترة هاتبقى عاوز تغيير و جايز تضطر إنك تبيع الإتنين فتكون خسرت في الميجان أكتر لأن موديلها قدم أكثر رغم الإستخدام الخفيف ليها و ما تنساش إن الجمارك هاتنزل تدريجيا من أول 2010 يعني بعد خمس سنين المفروض الجمارك تكون بقت 20% بس و ده هاينزل سعر العربية بتاعتك برضه.
بص يا عم موضوع العربية ده شيء محير جدا أهم حاجة في العربية إنك تكون مرتاح لشكلها و قعدتها و إستجابتها لطريقة سواقتك بغض النظر عن أوبشن فوق أو أوبشن تحت أو حتى سعر إعادة البيع .. استعن بالله و ربنا يكتب لك اللي فيه الخير.
شكرا للمساعدة علي أي حال
هو فيه بس شوية حاجات حضرتك ما تعرفهاش زي اني كنت ناوي أجيب عربية لمراتي أصلا و كده مش حيحصل .. صحيح هي تمن الميجان بتاعتي أعلي من ميزانيتها لكن مانا حركبها معاها .. و الميجان خسرت من تمنها كتير و بدأت تثبت علي سعرها دلوقتي
اما بخصوص حاجيب ايه ؟فكل شيىء جايز .. و احتمال مفاجأه بعيده عن دول خاااااااالص
و يمكن يحصل غير كل ده .. لسه .. الصورة حتتضح قريبا
و شكرا لكل اللي ساعدوني تاني