كلامك بيقول ان الكوبلن هياخد الصرة ويخرج وده كلام مستحيل الحدوث..... ولو تقصد حاجه غير كده حاول توضح اكتر لآن الكلام مش ماشى مع بعضه
وده الشرح
الشمعدان بيتشحط فيه البليه
الصره بتتشحط في البليه من ناحيه بره
الكوبلن بيركب من الناحيه المقابله وبيدخل في المشرشر الداخلى للصره وبعدين يتربط الصاموله بتاعه الكوبلن وديه وظيفتها مش بس ربط الكوبلن ولاكن ديه بتقوم بإحكام الصره على البلي .. وديه لو هوت سنه البلي بيبوظ بس ما علينا مش موضوعنا.
بالنسبه لشرح حاله الكوبلن لما يتوفي ديه انا قلتها في كلامي وبالتحديد بند ثانياً (ثانياً بالنسبه للكوبلن التالف لما بيتساب فترة يطقطق ده بيخليه مع الوقت يفرط البلى الى جواه ....ليه ؟ لأن مع صوت الطقطقه ده بيحصل تكسير للشبكة الداخليه للكوبلن وده بيخلى البلي يخرج من مكانه واحده ورا واحده .. (يخرج بره الكوبلن خالص لآن بتكون الكاوتشه بالسلامه) ويفضل الكوبلن يطقطق ويطقطق والصوت يزيد لغايه ما تيجي تمشي بالعربية متتحركش من مكانها تاخد الغيار عادى ومتمشيش وكده البلي الى في الكوبلن كله وقع في الأرض واكس نقل الحركة من الفتيس بيلف على الفاضي جوه الكوبلن)
اما بالنسبة للأخوة الى سالو على اسعار الكبالن
تمن الكبالن للانوس :
1- 120 جم للصيني وعليهم ضمان سنه بس برضه مجبتهمش
2- 200 جم للأصلي
3-370 جم الأيطالى والألماني
4-490 جم للياباني
اللأسعار ديه لعدد 2كوبلن يمين وشمال
اما بالنسبة للكبالن الياباني ديه بتاعه اللانوس مش متوفقه ولا حاجه هيا بس شركة يابانية وبتعمل CV Joint لأنواع عربيات كتير زي SK كده شركة المانيه وبتعمل طنابير وكبالن وحاجات تانيه كتير لكذا نوع عربية