الموضوع: كبالن الدايو

المشكله انه فى صوت طقطقه مع الملف الجامد جدا و مفيش مع الملفات العاديه فهل ده كوبلن بايظ

مفيش شك .....كده الكبلن المفروض تغيره

و لا ممكن يمشى شويه ؟؟؟

فيه ناس بتمشى بالكبلن وهو بيطقطق (بس داخل البلد ) ولكن فى السفر خطر جدا ......وعن نفسى أنصحك بتغييره على طول

علما بانى مغير مساعدين و بيض طرف و تيش و الزوايا مظبوطه ... بس بعد تغيير العافشه

يعنى البيه العفشجى ....مكنش قادر يكشفلك على كاوتش الكبلن وهو بيشتغل فى العفشه ويشوف حالته ......ويغيره ويغير شحم الكبلن كمان ...!!!!!!!!!![quote][فوجئت بشحم كتير على العجله من الداخل روحت للعفشجى قالى ان ده شحم من الكوبلن لان الكاوتشه بتعته مكنتش راكبه كويس /quote] ماهو هروب الشحم من الكبلن ( بسبب تلف الكاوتشه ....أو ملصان القفيز ) هو ده اللى بيبوظ الكبلن فى الغالب ( أن لم يكن السبب الرئيسى )

..جاب لفه لزق شى كرتون و لفها على الكاوتشه و قالى عمرها محتجيب شحم تانى

دا عفشجى أى كلام.(أزاى بيلزق كده وخلاص مع أن المفروض يغير الشحم والكاوتشه ...لأن كده برضه شحم الفرده دى قل جامد ....وحتى النسبه اللى قفل عليها تلاقى فيها رمل وتراب كمان ).....دا عامل زى الدكتور اللى بيلم الجرح على وساخه..ههههههههههه..........

علما بان الكوبلن اللى جاب شحم غير الكوبلن اللى بيطقطق ...وكمان نسيت اقول ان الكوبلن اللى بيطقطق الكاوتشه بتاعته مكسوره ...

ماهو تلف الكاوتشه اللى بوظه.......والتانيه اللى لف عليها شيكرتون .....حتحصلها برضه للأسف

السؤال بقى هل فى خطوره لاقدر الله فى اللى قولته ده؟؟؟؟

لو أنا مكانك .....حغير الأثنين كبلن (لأن الكبلن لو ملص بقت مشكله لاقدر الله وبالذات مع السرعه العاليه )............

وامتى احس ان الكوبلن لازم يتغير ؟؟؟؟

. ما خلاص ياباشا ....آن الأوان لتغيير الكبالن دلوقتى .................ده رأيى__[gdwl] أنا عن نفسى بأعتبر الطقطقه اللى بتحصل من الكبالن لما بتبوظ فضل من الله على الواحد......على الأقل بينبهه ( سبحانه وتعالى ) أن عندك حالة خطر .....ويجب التعامل معها..........[/gdwl].

ممكن تقولنا يابشمهندس ايه اقصى مخاطر ممكن تحصل من الكوبلن

المشاركة الأصلية كتبت بواسطة moudy88

ممكن تقولنا يابشمهندس ايه اقصى مخاطر ممكن تحصل من الكوبلن

_ أقصى مخاطر أن الكبلن بيملص (لما الحاله تبقى بالسلامه ) وده الخطر الكبير ( ربنا يبعده عنك ).....الرأس بتاعة الكبلن بتفصل مع الفرده وبتبقى مشكله كبيره....لأن مشرشر الرأس بتاعة الكبلن بيركب عليه الصره بتاعة الفرده بالصاموله الخارجيه المتيله

بعد التحية

أنا بيحصل عندى صوت تكة عند الطلوع بالسيارة مع أستقامة العجل أو محاولة الطلوع على الرصيف مثلا
فهل الصوت ده ناتج من الكوبلن ؟؟؟
وشكرااااا

ممكن آه وممكن لا .....واعتقد أتكلمنا مع بعض فى حالة أنه من الكبلن ........ولكنى عاوز أسألك أطمنت على بلى العجل برضه