الموضوع: انا هاشتري فيرنا 2009 فول اوبشن و محتاج مساعدة .

حضرتك تقصد فيرنا ولا 127 ؟؟؟

مع كامل إحترامى لل 127

مين الى قالك كدة ؟؟

ادخل على الموضوع المثبت وانت تحس انك ركبت العربية وشوف ايه رايك

بس لعلمك
الفيرنا مفيش حد من الاعضاء على الاطلاق مؤشر الحراره عنده عدى النص

والفيرنا من انعم العفشات بتاعة هيونداى
واسال الناس المعدية 100 و150 الف
واتزانها وحش دى ماشى بس ده بعد 120 كيلو انما قبل كدة مفيش مشكلة.

انا معايا فيرنا 2009 عملت بيها حوالي 4500 كيلو من ساعة ما جبتها

مزايا العربية في وجهة نظري الموتور القوي والنعومة على المطبات والعفشة وتوافر قطع الغيار ومراكز الصيانة

عيبها اني بتضايق اوي لما بحس ان العربية بيقل اتزانها بعد المية وتلاتين وبيقل اوي عند 150 وفكرت ارجب جنوط سبور بس مش عارف هتفيد اوي ولالا
وكمان كان نفسي تكون العربية فول اوبشن بجد يعني انا جايب واحدة فول اوبشن لكن لا مرايات كهربا ولا ايرباج ولا اي بي اس وغيره وغيره ويمكن يكون الصالون ضيق شوية بالمقارنة باللانوس مثلا

بس في المجمل عربية حلوة جدا ومش هتندم لو اشتريتها

بالتوفيق

بص يا سيدى !

زى ما اسلام بك قالك إقرأ الموضوع المثبت عشان تعرف مميزات وعيوب العربيه من ناس فعلا معاها العربيه !

بلاش تاخد الكلام من حد من غير خبره عشان أحنا كمصريين صعب علينا جدا نقول معرفش وبالمره لازم اللى قدمنا يعرف اننا خبراء واننا انقذناه من مصيبه كان هيقع فيها بجهله !

هقولك عشان الموضوع ميقلبش لخناقه كالعاده عن عيوبها ومش هتكلم عن مميزاتها !

1 مش عربيه عائليه لان الصالون ضيق بمعنى اللى سايق واللى جنبه مرتاحين جدا لكن الكنبه ضيقه ومش مريحه لو عايز تقعد 3 بالغين ورا .

2 العربيه تسارعها يخوف يعنى لو مبتتحكمش فى نفسك وغاوى شد وجرى بلاش عشان هتمشى على 140 على طول.

3 الفرامل ضعيفه على الموتور ووزن العربيه يعنى وقت استجابه الفرامل طويل بالمقارنه بموديلات تانيه كمان الموتور نفس موتور الماتركس والالنترا القديمه.

4 بقت منتشره تاكسى لو موضوع انك راكب عربيه ملاكى ونفس الموديل ماشى جنبك تاكسى بيضايقك متجبهاش عشان كل ما هتمشى فى شارع هتقابلك.

5 غبور بينزلها بكاوتش نسر دلوقتى والاول كان كاوتش تركى اسمه لاسا .