صوت غليان فى دورة تبريد الانوس

**samirayad** · 22-05-2009 02:08 PM

هو عندى جانبى شويه مش فى النص .......ممكن تشوف غطاء تانى وجربه عندك الأول (من صديق مثلا ).......

**dr.hany** · 22-05-2009 07:04 PM

طب يا باشمهندس لو فرضنا فرضا انى غيرت الغطا واستمر العيب زى ماهو ..فما هو تخيلك ان العيب يكون منيين؟معلش تقلت على حضرتك خااااااااالص

**samirayad** · 22-05-2009 09:34 PM

طب يا باشمهندس لو فرضنا فرضا انى غيرت الغطا واستمر العيب زى ماهو

أأقولك أيه تانى ....هههههه......

..فما هو تخيلك ان العيب يكون منيين؟

مفيش بقه غير أننا نشتغل بطريقة التوقع الا منطقى ....أزاى ...........

_ أنت بتقول الحراره تمام ......ماشى الكلام

_ وجود هواء فى دورة التبريد ممكن يخللى السريان مختلط ومضطرب (ماء + هواء ).......على أساس ممكن تكون نسبة هواء محتبسه....وبالتالى تعملك حاله شبيهه من هذا ..............

_ وأنا عارف أن وجود الهواء ممكن يسخن المكنه شويه .....بس يمكن يكون فيه نسبه قليله والحراره عاليه شويه بعض الشىء عندك وتقييمك للحراره مش دقيق قوى مثلا ( أو سندر الحراره مش شغال بكفاءه كامله والحراره عاليه .....ولكن مديك بيان غير دقيق على العداد )....

معلش تقلت على حضرتك خااااااااالص

لا ياباشا تقل وميهمكش ......ما أهو أنت حتفتح على نفسك حاجات كتير لما تتقل ......

**dr.hany** · 24-05-2009 10:39 PM

انا بدلت الغطا يا باشمهندس سمير بغطا واحد صاحبي والحمد لله لحد دلوقتى كله تمام وكمان مؤشر الحرارة نزل عن الاول.ربنا يجازيك خيرا

**samirayad** · 24-05-2009 11:13 PM

كده تمام ....والحمد لله على كل شىء .....ولما فعلا أنت غيرت الغطاء ......الدوره حصل تهويه على مراوحها ( زى مابيقولوا ) وعلشان كده الحراره نزلت شويه................

**MMamdouh** · 25-05-2009 11:18 AM

المشاركة الأصلية كتبت بواسطة goldenfish7

ياجماعه انا بسمع ساعات صوت زى كده غليان الميه فى الاربه والخراطيم.بالرغم ان الحراره عندى

طبيعيه جدا يعنى اقصاها قبل النص بشويه وكمان الميه مابتنقص خالص فهل ده طبيعى وللا

ايه .ارجوكم طمنونى

طالما الميه فى دورة التبريد بتغلى يبقى فيه تهريب فى الضغط داخل الدورة

اصلا دورة التبريد بتبقى شغالة تحت ضغط لرفع درجة غليان المية فوق 100 درجة مئوية و المسئول عن تنظيم الضغط دة هو غطاء القربة

الغطا فيه بلفين... واحد لتنفيس الضغط الزائد و التانى للسماح بالهوا للدخول فى الدورة فى حالة انكماش الهواء الموجود بالدورة... و فى غالب الاحوال بلف التنفيس هو اللى بيتغرض للتلف و بيبقى غير محكم

بالتالى اول ما تبطل العربية و المراوح و طلمبة المية تتوقف عن العمل بيستمر الموتور فى نقل حرارتة لمية التبريد و رفع حرارتها و نتيجة غياب مصدر لتبريد المية فا حرارة المية بترتفع جدا و ممكن تتعدى 100 درجة... و نظرا لغياب الضغط نتيجة تلف البلف المذكور بتبداء المية تغلى بالفعل و المية تخرج من البلف التالف اكن المية بتفور من القربة

معظم ان لم يكن كل الغطيان اللى فى السوق اى كلام.. اشترى غطاء قربة المانى بتاع اوبل (موجود عند ابو الحسن)

MMamdouh