مبتدا اكيد طالب المساعده " و لي كده كام استفسار علي كام طلب "

**jasmido** · 22-05-2009 04:45 AM

[justify]بسم الله الرحمن الرحيم

احب ان اشكر هذا المنتدي الاكثر من رائع و الاعضاء المزهلين الذين يساعدون الناس اول باول و المشرفين الله يخليهم علي كل هذه المجهودات الرائع

انا اسمي احمد عندي 22 سنه في هندسه "اتصالات" عندي اكتر من تسائل عن الريس لاني انا بصراحه بحبه جدا بس في شويه مشاكل معاكم ان شاء الله محلوله

اولا : انا عاوز اتعلم سواقه الريس لاني بصراحه مليش فيها خالص بس حببها جدا جدا جدا فاذا كان احد الاعضاء او المشرفين يقدر علي تعليمي اكون شاكر ليه جدا جدا واذا لا يوجد فبرجاء ان تدلوني علي كدرسه تعلمني او اي حد يقدر

ثانيا : بما اني لم استطيع قياده الريس اكيد مش معايا رخصه فحابب ان تدلوني علي الاوراق و الشهادات و الفلوس المطلوبه علشان اطلعها بعد التعلم ان شاء الله

ثالثا : زي ما انا قلت انا هندسه بس اتصالات يعني اكيد مليش في الميكانيكا و الاعطال الخفيفه اللي ممكن الواحد يعالجها بنفسه بدون الجوء لاي احد فلو ينفع حد يشرحلي كل ده اكون شاكر فضله

رابعا : لما اجي اشتري يا تري احسن الاماكن التي يمكن ان اشتري منها بس بالتقسيط الممل و يكون الريس كويس و تكون اسعاره كويسه انا مش طمعان في حاجه جمده اوي انا عاوز حاجه CBR250 يعني مش طمعان في 1000 سي سي لاني هستخدمه في خروجي مع اصحابي و ارواح الكليه بيه و اخلص بيه كل مشاويري اللي بدات اكرهها بسبب المواصلات

اتمني الا اكون قد اطلت عليكم برجاء المساعده "ان الله في عون العبد مادام العبد في عون اخيه"

احب اشكر مقدما كل اللي هيساعدي حتي ولو برد صغير

ده ايميلي و رقم تليفوني
eng.asm@hotmail.com
0114082804

اللي هيكلمني في اي وقت يعجبك في اي وقت او حتي ارسل علي الميل رقمك و انا اكلمك او ضيفني علي الميل

شكرا يا شباب المنتدي الرائع
باذن الله في حد هيقدر يساعدني شكرا
والسلام عليكم و رحمته الله و بركاته[/justify]

**ZXR** · 22-05-2009 10:48 PM

ان الله في عون العبد مادام العبد في عون اخيه

انت جبت المفيد
الريس ده اذى ابعد عنه
انا بنصحك عشان مجرب
شوف مع اني ولله الحمد خبره في السواقه
وبقالي كتير جدا بسوق
مش يوم ولا شهر ولا سنه

ومازلت بعترف انه خطر خصوصا في مصر
نصيحه ليك انسى الفكره خالص

بتمن الريس هاتلك 127 حتى اهيه سياره وحمياك من الاذى
سلام

**jasmido** · 24-05-2009 10:31 PM

اولا شكرا ليك علي النصيحه بس بجد انا بحبه جدا وعاوز اتعلم سواقته فاتمني المساعده و كل شئ ليه وجهين خير و شر اذا تم استخدامه كويس اصبح خير اما العكس اكيد هيكون شر و شر ملوش اخر

فانا باذن الله هستعمله في الاتجاه الكويس " وسيله انتقال "

**ELGASERCBR** · 25-05-2009 04:17 PM

بص يا سيدي طالما انت واخد قرارك يبقي اقولك المفيد
موضوع القسط ده صعب جدا علي حسب معلوماتي لو عايز تجيب 250 عاده وده اول مره ليك هات حاجه استيراد وفي بدل المعرض عشره بس الاسعار كلها متقاربه ما بين 13500 جم : 15000 جم ولو عايز تسأل عن حاجه معينه ابعتلي او كلمني بعد الساعه 6 pm علي 0103570305 انا محمد الجاسر

**jasmido** · 26-05-2009 04:11 AM

الله يا جاسر باشا مش عرفين نقولك ايه شاكرين افضالك جدا و ان شاء الله لو في اي حاجه هكلمك اكيد شكرا علي اهتمامك

بس لو في اي حاجه اقل من كده شويه يعني علي 9 او 10 يكون اكيد افضل

شكرا

**ELGASERCBR** · 26-05-2009 10:29 AM

صباح الفل
ان شاء الله في ياباشا بس مش استيراد ولازم تكون فاهم كويس في كل حاجه من اول الماتور لحد المرايات لان كل حاجه في المكن ده بفلوس مش قليله وانا لو وقعت معايا حاجه بالسعر ده هقولك

**jasmido** · 27-05-2009 01:20 AM

صباحه قشطه

و الله تسلم يا باشا علي اهتمامك و نتمني اننا نقدر نرد شويه من جميلك ديه علينا

و ايه اخبار التعليم معندكش حد كويس يعلمنا سواقه الريس في السريع كده

ولو عندك حد ياريت تقولينا عليه

تشكر يا باشا علي الخدمات ديه

**ELGASERCBR** · 28-05-2009 01:36 PM

باشا والله انا معرفش حد بيعلم سواقه الريس بس اي حد ممكن يعلمك الموضوع مش صعب وانا ممكن في اي يوم جمعه اعلمك والممارسه هي المقياس وطبعا العقل في الجري بس هو انت هتشتري الاول وبعد كده تتعلم ولا ايه انا معرفش حد بيأجر مكن وانا معيش ريس لو عرفت تتصرف في مكنه اواشتريت كلمني وانا تحت امرك

**ZXR** · 28-05-2009 05:03 PM

في واحد في مصراوي بيأجر ب 60 جنيه

اعمل سيرش على موتوسيكل حتلاقيه

بس نصيحه بلاش خطر

لان الموتوسيكل ادمان

حتى والواحد معاه سيااره بردوا بيسبها ويطلع بيه

سرعه + هورس و ستوبي

صدقني الطريق حيغريك انا بديك نصيحه لاني وقعت قبل كده

عموما لو عايز تقسيط روح لايمن فوزي في مدينة نصر بيقسط

**jasmido** · 07-06-2009 11:41 PM

شكرا يا شباب علي الاهتمام و اسف لاني كان عندي امتحانات و تدريب " ده عيب كليه هندسه كل شويه امتحانات "

و انا باذن الله ناوي اتعلم الاول و بعد كده اشتري لاني مينفعش اعمل زي احمد حلمي في فيلم " اسف علي الازعاج " اشتري الاول و بعد كده معرفش اسوقه فانا بحب اتعلم من السابقين و ياريت يا ELGASERCBR لو تقدر تسيب تليفونك و ايميلك ؟ و انا باذن الله اشوفك بس الاول انت ساكن فين ؟؟؟؟؟؟؟؟؟؟

علي العموم في اقرب فرصه باذن الله انا هتصل عليك و اشوفك ؟

شكرا يا شباب NileMotor و نخدمكم في الافراح و في اي وقت مش افراح بس يعني ؟

الموضوع: مبتدا اكيد طالب المساعده " و لي كده كام استفسار علي كام طلب "

LinkBack

أدوات الموضوع

عرض

مبتدا اكيد طالب المساعده " و لي كده كام استفسار علي كام طلب " - انشر الموضوع فى :

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة