طلب من اخواني و اصحابي ...هو عيالي شوية بس مهم جدا

**Lord_Fouad** · 22-05-2009 03:25 PM

انا ساعات بتفرج على جرندايزر و كابتن ماجد و مازينجر و كعبول من على you tube حتلاقيهم كلهم و اكيد حتلاقي باقي اللي انت عايزهم و حتلاقيهم كمان بكذا لغة و من ضمنهم العربية

**horas3000** · 22-05-2009 05:27 PM

و انا اللي كنت فاكر ان انا الوحيد اللي لسة بيتفرج علي الحاجات دي
د احنا طلعنا شلة كبيرة علي كدة
احب اضيف علي اللستة
-الرجل الحديدي
-الشناكل
-السنافر
-ابطال الملاعب
-فارس الفضاء

**Terrible_DaRsH** · 22-05-2009 05:49 PM

هوا تويز ار اص مبيبعش الحاجات دى !! و لا لعب اطفال فقط .

**Ahmed Samy** · 23-05-2009 03:37 AM

انا مادورتش في تويز ار اص فعلا .........

و هاكلم اصحابي في دبي يلفوا لفة كده في الحتت دي ..شكرا يا استاذة نور ..

انما اننا طلعنا ...كتير هههههه

دا احنا كتير قوي بس كل واحد مستخبي لحسن الناس تقول عليه عيل

**pro_samir** · 23-05-2009 04:06 AM

دور على YouTube هتلاقى حاجات كتير ، عندنا ولينا موجود علية و دور على الباقى يمكن تلاقية
وممكن تعمل داونلود منة برضو

**SeiffoZ** · 23-05-2009 07:15 PM

حضرتك ممكن تلاقيها فى المنتديات العربية على الإنترنت ...
و تتحمل بسهولة إن شاء الله

**MoToRiZeR** · 23-05-2009 07:25 PM

و الله يا دكتور إنت 100 100 .. لأن انا كنت بفكر في الموضوع ده
إن حالياَ المادة الكارتونية المقدمة للطفل لا بتزرع جواه قيم ولا بتنمي تفكيره ولا بتساعده في تكوين لغة سليمة .
بالعكس لها ضرر عكسي و بتنمي العنف و تعلم المنافسة الغير شريفة و إنك المفروض تكسب و خلاص .

عشان كدة كنت بقول فعلاَ يبقي شئ ظريف لو الواحد يقدر يربي ولاده علي كارتونات من اللي عارفها
أهو منها كنترول و عارف هيشوفوا إيه و منها إفادة حقيقية من الكارتون .
صحيح الطفل ممكن يحس إنه فضائي شوية اما يقول لصحابه انا بتفرج علي جريندايزر و كابتن ماجد
إنما لو قيسنا الضرر بتاع كارتون الأيام دي .. لأ طبعاَ يبقي فضائي أحسن .

بالنسبة لمازنجر إيه الموضوع ؟ أصلك مكتبتوش بس انا عندي الحلقات كاملة تقريباَ .
و بما إننا متفقين في المبدأ فا سيب عليا الأماكن دي انا هبصلك فيها و أقولك لقيت إيه (كارفور-هايبر-تويز أر أص)
هعمل جولتي و أرد عليك في خلال يومين بالكتير أوي .

و فيه حل ممل شوية و كواليتي مش قوي بس خليه في بالك برضه .
ممكن تنزلهم من يوتيوب .