ماّساتي مع مقار :s

**Opelvectra** · 22-05-2009 10:13 AM

عاوز بس الاول قبل ما اقول انا عاوز اية احكيلكو علي مغامرتي انهاردة مع مركز الصيانة بتاع مقار اللي في البحوث روحت انهاردة زي الباشا و دخلت و لقيت معاملة ولا في الاحلام ياعني و يا فندم و كلام يملي الدماغ بصراحة قولت انا بسسسسسسسس انا كدة هعرف اللي في العربية بالمللي المهم يا سيدي الراجل بتاع الاستقبال قالي اية انت علشان اول مرة انا هوديك لأحسن مهندس عندنا المهندس عبد الفتاح روحت يا سيدي داخل مع الخط الاصفر لقيتلك المهندس عبد الفتاح قاعد في الشمس و راجل ربنا يديلو الصحة ياعني بتاع 65 سنة قالي خير قولتلو عفشة و تكييف و دورة مية علشان الصيف عاوز اكشف علي كل حاجة امهم يا سيدي فتح التكييف قالي اية الصوت دا دا بيزن :d ما علينا من الزن قولتلو ايوة مهم قالولي بلاور بتاع التكييف قالي اه قولتلو طاب و اية ياعني بس كدة الكشف خلص علي التكييف ولااية؟ قالي اصل انت علشان تكشف عليه لازم تدخل علي جهاز و بتاع و قعديعملي فيلم قولتلو مش مهم التكييف العفشة اخدنا و طلعنا نجرب ماشي عمال يزعق للناس اللي في الشارع علشان شايف الناس كلها متهورة المهم يا سيدي ولا قالي حاجة بردوا علي العفشة قولتلو طاب الفتيس الكيك داون ضعيف معملش ولا كيك داون واحد قالي هتلاقيها مش عارف جوايط اية و حوار اية عنها يا سيدي و راحت معيطة و لعنت ام اليوم اللي رحت فيه و ضيعت ساعة من وقتي مع الناس دية المهم لما دخلنا علي المجري دية لقيت الاتي زيت كتير تحت الفتيس و الماتور و قعدة الفتيس مقطوعة و شداة الاستبلايزر فا يا جماعة حد يعرف ميكانيكي محترم و يكون قريب ياعني جسر السويس او حاجة قريبة لشبرا علشان اللي بتعامل معاه دا مستحيل اروحلو تاني علشان حرامي المفروض انو مغيرلي قاعدة الفتيس و مغيرلي علبة الدريكسيون و يا ريت اللي يعرف اسعار شدادة الاستبلايزر اوبل 95 2000 سس يقولي و يقولي مكان محترم لقطع الغيار و شكرا لحسن تعاونكم معنا و البقاء لله في التكييف :s

**pharonicking** · 22-05-2009 10:36 AM

البقية فى حياتك
اسوا تكيفات هى الالمانى وعن تجربة"

**tamertamer** · 22-05-2009 09:38 PM

تعالة فى يوم مدينة نصر وانا هعمل معاك الواجب فى صابر قلى فى جامع ربعة ممممممتاز وقطع الغيار سبهالى هننزل وسط البلد وهظبطك وربنا المعين حد يخش التوكيل برجلية يراجل

**فادى محمد** · 22-05-2009 10:12 PM

السلام عليكم ... مشكله تكييفات الاوبل في حاجتين : اولا مواسير التكييف ملاصقه للفرن وده بيعرضها لحراره عاليه جدا يؤدي لتلفها - ثانيا الكباس بطيء مش زي الياباني - بس كل مشكله ليها حل او تعديل . انا عندي بعد ماصلحت التكييف عزلت مواسيره بورق به الياف زجاجيه من اللي بيستخدم في عزل افران الغاز وده اشتريته من عند بتوع قطع غيار البوتجاز والغساله - بالنسبه لبطيء الكمبروسر نتغلب عليها بشويه صبر لحد ما يحضر الفريون ومانركنش العربيه في الشمس ونغطيها . وسمعت انه في ناس بتغير الكمبروسر ده بواحد ياباني ( ساندن ) وده تمنه 1000ج مع تعديل القاعده ومخارج الفريون .

**sabri989** · 23-05-2009 11:09 PM

انا مركب ساندن ياباني على عربيتي الكورسا 95 1200 سي سي و ماشاء الله شغال زي الفل و مركب ترموستات 90\80 والدنيل زي الفل

**sabri989** · 23-05-2009 11:12 PM

وعلى فكرة انا رحت التوكيل و نفس اللي حصل معايا في مقار و منصور هما مش فاضيين الا للشيفورلية

**Opelvectra** · 25-05-2009 08:52 AM

يا باشا ربنا يخليك انا مش عاوز اتعبك بس انا شغلي جنب مدينة نصر اوي انا عاوز اشوفك تبص علي العربية بس و لو تعرف ناس و كدة تقولي انا مش عاوز اتعبك معايا بس تعبت والله لو كدة يا ريت يا باشا تبعتلي رقمك و انا هكلمك ان شاء الله و اجيلك مكان ما تكون و متشكرين يا باشا علي الرد

**goofy_in_love** · 26-05-2009 02:39 AM

طيب هوا عملك حاجه في دوره التبريد و الا ايه انت جبت سيرتها في الاول و موصلتلهاش :d

**Opelvectra** · 30-05-2009 09:12 AM

عملي اية بس دا بص علي المروحة اللي علي الريداتير كدة قالي اه دول موصلنها من بره قولتلو ايوة علشان الفيشة اتكسرت :s و بس علي كدة حاجة قرف ياعم

الموضوع: ماّساتي مع مقار :s

LinkBack

أدوات الموضوع

عرض

ماّساتي مع مقار :s - انشر الموضوع فى :

-

-

-

-

-

-

-

المواضيع المتشابهه

فحص فى مقار ايه رأيكم

مركز مقار مدينه نصر

مقار

توكيل اولاد مقار

حد جرب مركز مقار ؟؟

الكلمات الدلالية لهذا الموضوع

المفضلات

المفضلات

ضوابط المشاركة