مهزلة مرور شبرا (عبود) مع سيارات هيونداى كلها

**Ramy7_7** · 22-05-2009 11:09 AM

أنا أشتريت فيرنا من أسبوع وموديلها 2010 وفى المرور ما رضيوش يرخصولى موديل 2010 وقالولى ها نرخصهالك 2009 وبيقولولى ترخيص موديل 2010 فى المرور من أول شهر أغسطس مع إن ورق العربية والمبايعة وكل ورقة تخص العربية وورق الإفراج والتصنيع بتاعها بيقول أنها 2010 مع إن كل عربيات هيونداى غبور منزل موديل 2010 فى شهر مايو حسبي الله ونعم الوكيل .
ولو سمحتم يا جماعة ممكن حد يفيدنى فى الإستفسار ده
ياريت يا جماعة لو حد يعرف صيانة الألف مجانا ولا لا
وإذا كانت مجاناً أنا اللى بشترى الزيت ولا الزيت مجانا برضو
والفلاتر كمان أنا اللى بشتريها ولا مجاناً
وتكلفتها الإجمالية كام بإضافة الزيت الــ 5000

**aba** · 22-05-2009 11:53 AM

أنا أشتريت فيرنا من أسبوع وموديلها 2010 وفى المرور ما رضيوش يرخصولى موديل 2010 وقالولى ها نرخصهالك 2009 وبيقولولى ترخيص موديل 2010 فى المرور من أول شهر أغسطس مع إن ورق العربية والمبايعة وكل ورقة تخص العربية وورق الإفراج والتصنيع بتاعها بيقول أنها 2010 مع إن كل عربيات هيونداى غبور منزل موديل 2010 فى شهر مايو حسبي الله ونعم الوكيل .
و انا كمان حصل معايا كدة بس انا عايز اقولك على حاجة دة مش مرور معين لا دى ادارة المرور هى اللى رفضت ترخص 2010 لان بداية اى سنة جديدة فى شهر اغسطس والله اعلى واعلم

**ahmed_gouda** · 22-05-2009 04:01 PM

طيب و بعدين ياعني اللي معاهم 2010 يركنوا العربيات بتاعتهم لغايه شهر 8 ولا ايه طيب ماكانوا يجيبوا 2009 من الاول و اكيد حاتكون ارخص

حسبي الله و نعم الوكيل اللي ليه ضهر ما يضربش علي افاه ( سمك - لبن -تمر هندي )

**Ramy7_7** · 22-05-2009 08:15 PM

لو سمحتم يا جماعة ممكن حد يفيدنى فى الإستفسار ده
ياريت يا جماعة لو حد يعرف صيانة الألف مجانا ولا لا
وإذا كانت مجاناً أنا اللى بشترى الزيت ولا الزيت مجانا برضو
والفلاتر كمان أنا اللى بشتريها ولا مجاناً
وتكلفتها الإجمالية كام بإضافة الزيت الــ 5000

**moudy2002** · 22-05-2009 10:08 PM

باشا انا برضو لسة شارى فيرنا من 3 ايام ورخصت امبارح فى مرور مدينى نصر 2009 دية مش مشكلة مرور بعينه . هو دية فعلا النظام الى موجود .. انا لما كنت باستلام من غبور صلاح سالم المندوب قالى صراحة انه مش هينفع ارخص 2010 لانه ممنوع دلوقتى حتى شهر 8 .. العيب مش فى المرور العيب على الى بيعيلك العربية ومقلكش انك مستحيل ترخص 2010 قبل شهر 8 شكرا

**pharonicking** · 22-05-2009 10:40 PM

دى لعبة من غبور عشان يزود السعر بطريقة نصب عالناس وياخد فلوس زيادة
نصب علنى"

**Ramy7_7** · 22-05-2009 11:38 PM

طب والمرور إيه اللى مدايقه لما أرخصها 2010 هو حرام يعنى أنى أطالب بحقى أولاً أنا لا بقوله يزودلى حاجة من عنده بس اللى المفروض يتعمل هو أنه ينقل بيانات العربية من ورقها بالظبط وما يعدلوش فيه فى المرور

**som3aa** · 23-05-2009 02:40 AM

طب والمرور إيه اللى مدايقه لما أرخصها 2010 هو حرام يعنى أنى أطالب بحقى أولاً أنا لا بقوله يزودلى حاجة من عنده بس اللى المفروض يتعمل هو أنه ينقل بيانات العربية من ورقها بالظبط وما يعدلوش فيه فى المرور

اللى مضايق المرور ان الكلام دا مش صح و تهريج , احنا لسه فى النص الاول من 2009 يبقى ازاى العربية تنزل و تترخص 2010 , التاريخ دا مفروض تاريخ التصنيع , ازاكانت العربية متصنعة و مترخصة و متباعة من 2009 يبقى ازاى تترخص 2010؟؟
دا رايى الشخصى و انا شايف ان التهريج من غبور مش من المرور , اخر السنة الناس ترخص 2010 بمزاجها انما فى شهر 5 2009 يرخصوا العربية 2010 الموضوع زاد اوىىى عن حده فى رايى.

**heshaaam** · 23-05-2009 04:25 AM

المشاركة الأصلية كتبت بواسطة moudy2002

باشا انا برضو لسة شارى فيرنا من 3 ايام ورخصت امبارح فى مرور مدينى نصر 2009 دية مش مشكلة مرور بعينه . هو دية فعلا النظام الى موجود .. انا لما كنت باستلام من غبور صلاح سالم المندوب قالى صراحة انه مش هينفع ارخص 2010 لانه ممنوع دلوقتى حتى شهر 8 .. العيب مش فى المرور العيب على الى بيعيلك العربية ومقلكش انك مستحيل ترخص 2010 قبل شهر 8 شكرا

خلاص رخصها 2009 وهى اكيد انتاج 2008

**Amera** · 23-05-2009 01:59 PM

المشاركة الأصلية كتبت بواسطة ramy7_7

ياريت يا جماعة لو حد يعرف صيانة الألف مجانا ولا لا
وإذا كانت مجاناً أنا اللى بشترى الزيت ولا الزيت مجانا برضو
والفلاتر كمان أنا اللى بشتريها ولا مجاناً
وتكلفتها الإجمالية كام بإضافة الزيت الــ 5000

اولا : مبروك عليك العربية وان شاء الله ترخصها وربنا يباركلك فيها ويديك خيرها ويكفيك شرها .
ثانيا : صيانة الالف كيلو مجانا ودى بتبقى فى ابو رواش وهى مجانا يعنى مش هتدفع فلوس المصنعية ، لكن الزيت والفلتر بفلوس طبعا ، انا معرفش الزيت 5000 بكام لانى حطيت زيت ال10000 ودة ب 230 جنية والفلتر ب30 جنية وطبعا فى ضريبة مبيعات حوالى 10% .

الموضوع: مهزلة مرور شبرا (عبود) مع سيارات هيونداى كلها

LinkBack

أدوات الموضوع

عرض

-

-

-

-

المواضيع المتشابهه

من الزقازيق الى مرور عبود وترعه الاسماعيلية

مرور عبود

فى حد عربيته مرور عبود ولسه مرخص؟

مرور عبود

استفسار عن توافر النمر في مرور شبرا - عبود-

الكلمات الدلالية لهذا الموضوع

المفضلات

المفضلات

ضوابط المشاركة