السلام عليكم ورحمة الله

دى أول مشاركة ليا فى المنتدى العظيم ده

وبدون مقدمات هدخل فى الموضوع على طول

عايز أشترى عربية خلال شهر يونيو القادم (6)

يعنى خلال اسبوعين .. تلاتة بالكتير .. ان شاء الله

هتكون فى حدود 90 ألف - 95 ألف جنيه مصرى .. ومش أكتر من كده

عايز يكون فيها الآتى :

أتوماتيك وليست مانيوال

باور ستيرنج

أنا بسافر كتير كل يوم ... على طريق منه حوالى 5 كيلو وحشين جدا
فأكيد عايزها مش واطية .. وعفشتها كويسة

موتور محترم مش أى كلام

تكييف طبعا

ازاز كهربا فى الأربع أبواب

abs

مرايات كهرباء

توكيل محترم

ويكون شكلها حلو

===========

أنا استبعدت الصينى تماماً

واسبتعدت الياريس مع أنى بحب اليابانى جدا
لكن مش عاجبنى مكان عدادتها اللى فى النص ..
لو كانت العدادات أمامى .. كنت هاشتريها على طول من غير سؤال

كنت هشترى ( جين 2 ) .. بس بعد ما راجعت اللى مكتوب عنها
اكتشفت أن هيكون فيها عيوب تقفيل كتير
ده بالاضافة إلى أن توكيلها مش أد كده ( ده رأى معظم الأعضاء الكرام )
وبالتالى استبعدتها

ومش عارف .. قلقان من الكورى

فى انتظار رأى حضراتكم

ولو فى حد عنده عربية كسر الزيرو
وبحالة فوق الممتازة
ياريت يتواصل معايا

وشكرا جزيلا لكل من تفضل بالدخول