حملة الفحص المجاني

**M_Nabil** · 23-05-2009 06:01 PM

طيب هل حد كلمهم على النمرة اللى كتبنها (19811) وحدد وحجز ولا لأ كلمتهم امبارح محدش بيرد والنهاردة النمرة خارج الخدمة مؤقتا مش عارف ايه النظام كده عموما لو حد رايح يقولى ممكن اروح معه

**kemo0o** · 23-05-2009 06:15 PM

اتصل بالرقم ده
0233446792
19811 ساعات بيهيس

انا هروح وياريت نحدد معاد ونتقابل هناك كلنا

**M_Nabil** · 25-05-2009 12:25 PM

ها يا شباب حد راح ولا لسه أو هيروح بكره ؟ إنشاء الله أنا رايح بكره الظهر لو حد عنده المعاد ده ممكن نتقابل هناك.

**kemo0o** · 25-05-2009 01:22 PM

المشاركة الأصلية كتبت بواسطة m_nabil

ها يا شباب حد راح ولا لسه أو هيروح بكره ؟ إنشاء الله أنا رايح بكره الظهر لو حد عنده المعاد ده ممكن نتقابل هناك.

انت حجزت !! ؟

اصل انا كل لما انوي اكلمهم يكون الساعة عدت 2

**M_Nabil** · 25-05-2009 10:56 PM

المشاركة الأصلية كتبت بواسطة kemo0o

انت حجزت !! ؟

اصل انا كل لما انوي اكلمهم يكون الساعة عدت 2

ايوة ياباشا حجزت رايح بكرة إنشاء الله على الساعة 2 الظهر طيب ما هما شغالين لحد 5 تقريبا جرب كده بكرة

**ahmediz2000** · 26-05-2009 01:28 PM

انا حجزت ورحت امبارح .. هما بيشيكو على الفرامل و التكيييف ودورة التبريد وبس كده ..لو فيه حاجة عاوزة تتظبط هتتدفع مصنعية ..لو مفيش حاجة خلاص مش هتدفع حاجة ... بس عملو فيا حركة زبالة مش عارف مقصودة ولا لأ .... فصلوا السنتر بتاع الانذار .. لما بقفل العربية بالانذار بيعمل صوت بس من غير مايقفل السنتر ... حركة غبية

**M_Nabil** · 26-05-2009 07:11 PM

لسه راجع من شوية روحت في المعاد المحدد دخلت قبلت المهندس المختص هو شاب محترم جدا المهم قالى احنا هنكشف النهاردة على دورة التبريد والتكيف والفرامل والعفشه (مش عارف دخلوا العفشة في الموضوع ليه مع انهم قالوا تبريد وتكييف وفرامل فقط كثر خيرهم برضه) قولتله تمام طلب منى الرخصة وقعد يملأ استمارة فيها بيانات العربية بعد كدة قالى يلا نشوف العربية طلعت معه واستلمها وقالى هتأخد واقت تقريبا ساعتين او ساعتين ونص واتفضل في الاستراحة لحد منخلص الفحص قولتله كان عندى ملاحظة عاوز اقولها التكييف عندى مش شغال على السرعة واحد بالاضافة ان سرعة 3 نفس سرعة 2 مفيش تغير، راح كتبها عنده بعد كدة رحت الاستراحة فضلت قاعد ساعتين بعد كدة شوفت العربية داخله وابتدو يشتغلوا فيها لمدة ساعة الا ربع تقريبا بعدها قعدت معه قالى يعنى عندك حاجات بسيطة وقعد كاتب المقايسه اللى فيها الحاجات اللى عاوزة تغير واصلاح طلعوا 14 حاجه بس بسيطة ههههه المهم سئلته على موضوع التكييف من ايه قالى احتمال تكون البوردة نسيت ابص عليها بس هتأكدلك حالا واستأذن منى 5 دقائق وداخل بص عليها ثانى ورجع قالى دي الحمد لله طلعت مقاومة بلاور و بالمرة سائلته على موضوع الفى تك انه تقريبا مش شغال قالى احتمال كبير يكون الكنترول بس تقريبا مش عندنا بس هتلقيه بره إنشاء الله وبعد كدة شكرته وقلت اروح لقطع الغيار اشوف الاسعار ايه للحاجات دى بس للأسف كانوا قافلوا بعدها اخدت تصريح الخروج واستلمت العربية ومشيت من غير مادفع حاجه طبعا، يعنى الموضوع على بعضه خد 3 ساعات

**mshamy** · 26-05-2009 08:10 PM

المشاركة الأصلية كتبت بواسطة m_nabil

لسه راجع من شوية روحت في المعاد المحدد دخلت قبلت المهندس المختص هو شاب محترم جدا

حمدالله على السلامة يا بك
أعتقد من كلامك ممكن يكون المهندس مصطفى عبد العزيز علشان هوا أكتر واحد محترم في الطقم اللي هناك

**M_Nabil** · 26-05-2009 09:18 PM

المشاركة الأصلية كتبت بواسطة mshamy

حمدالله على السلامة يا بك
أعتقد من كلامك ممكن يكون المهندس مصطفى عبد العزيز علشان هوا أكتر واحد محترم في الطقم اللي هناك

لا هو اسمه ياباشا المهندس سعيد رمزى

الموضوع: حملة الفحص المجاني

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حملة الفحص المجاني من نيسان

غبور ... حملة الفحص المجاني

حملة الفحص المجاني من 6-6 الي 20 6

حملة الفحص المجاني من 6-6 الي 20 6

حملة الفحص المجاني

الكلمات الدلالية لهذا الموضوع

المفضلات

المفضلات

ضوابط المشاركة