أول تغطية لمقابلة الاسكندرية على يد قاهرى - مايو 2009 -

**أبو صلاح** · 23-05-2009 05:33 PM

المشاركة الأصلية كتبت بواسطة جمال

انا مبسوط انكم انبسطم فى المقابلة الجميلة
وزعلان جدا جدا لانى ماكنتش معاكم , مع انى لغاية آخر لحظة كنت مصمم اجى لكن الظروف حكمت
يوم الخميس مريت على مستشفى مصطفى كامل اطمأن على الضغط وانا اصلى مريض ضغط قديم اوى , الدكتور فى الطوارىء راسه و الف سيف مانى ماشى من عنده فى الطوارىء الا لما ينزلى الضغط, يهديك يرضيك مافيش فايده ( اصل الضغط كان 190 / 120 وانا مطنش )
وهات يا حباية تحت اللسان و حقن فى العرق و حقن فى العضل و حباية تانية تحت اللسان لما هرانى
ومسبنيش الا على المغرب و لازم استريح و اتابع الضغط
قلت لو جيت الحته المقطوعة اللى محمد الطويل هيعتقلنا فيها مش هلاقى اللى يلحقنى هناك , وبعدين ذنبكم ايه اضغط عليكم, مع انى كان نفسى اوزع عليكم شوية ضغط و اخف على نفسى بس ما هنتوش عليه
المرة الجاية ان شاء الله اجيلكم و معاي السكر بقه وحتة جلطه صغيرة
وحشتونى
ويا شنورى احجزلى الاستيكر ماتنساش

الف الف سلامه عليك ياباشا
انا لسه مشفتكش
بس كانت في اعضاء كتير بتحبك وبتحكي عنك

نشوفك على خير ان شاء الله

**أبو صلاح** · 23-05-2009 05:37 PM

يا شنوري انت ومحمد عبد الرحمن
عايز افكركم بحاجة
فاكر لما كنا قاعدين قدام التليفزين واسلام بيك كان بيعمل العجينة (أقصد الطحينة)
وكان بيمسح بالسكينة في رجليه
فاكر انتوا علقتوا قولتوا ايه؟
انا جايب ليجيب شوية ................ ويحطهم على الطحينة

خلوا الموضوع دع سر
ههههههههههههههههه

**M.Mostafa80** · 23-05-2009 05:39 PM

المشاركة الأصلية كتبت بواسطة midoalex

الى حيعرف انا مين حيبقى واد لاماااح وجامد قوى

( اللحمة كانت تحفة النهاردة )

حضرتك الأستاذ أحمد كنت مستضيفنا مع الأستاذ محمد الطويل تمام كدا ولا أنا غلطان

**أبو صلاح** · 23-05-2009 05:39 PM

بص يا MidoAlex
انا بحاول افتكر
بس اعذرني لان المفروض اعرف اسم كل واحد في المنتدى واسمه الحقيقي علشان اجمع

والذاكرة عندي في الضيااااااااااااااااااااا ااع

**أبو صلاح** · 23-05-2009 05:42 PM

المشاركة الأصلية كتبت بواسطة karim_monir

على هامش اللقاء لي عتاب على كل الحاضرين:
المرة اللي فاتت في مقابلة عيد ميلاد المنتدى وبعد ما كلنا ونزلنا نتصور معظم الناس مشيت من غير ما تتطلع تنضف شقة مضيفنا الكريم
وطلعت انا وشنورى واستاذ جمال(اكبرنا سنا ومقاما)وسط رفض شديد من مضيفنا على تقديم مد يد العون في تنضيف الشقة

تكرر ما حصل سابقا امس
رغم تنبيهي اكثر من مرة على الناس ان محدش يمشي لما نخلص تنضيف المكان اللي الطويل باشا استضافنا فيه
لكن في ناس لمت على بسيط وانصرف معظم الناس
ومحمد الطويل مصمم اننا نمشي ونسيب الفيلا هو ينضفها
هل يعقل ان فرد او اتنين ينضفو مكان اكتر من 20 فرد
عايز اقولكم اننا مشينا بعد صلاة العشاء بشوية بعد ما خلصنا تنضيف الفيلا تماما مع الطويل ونسيبه استاذ احمد
طبعا في ناس رفضت انها تمسي الا لما الفيلا تتنضف وتتقفل زي ماتفتحت بالظبط اشكرهم من كل قلبى

شكرا مرة تانية على اليوم الرائع وفي انتظار بقية الصور
ملحوظة:هاضيف الصور لاول مشاركة

والله عندك حق في العتاب ده

وانا بعترف بمنتهى الصراحة اني كنت واحد من الناس اللي انت بتتكلم عنهم دول

**أبو صلاح** · 23-05-2009 05:46 PM

momomero
حبيب قلبي
وحشتني والله
بس لي عتاب عليك
واحنا رايحين مع بعض عمال تقلولي مبحبش الجري تقوم تاخدها وانت راجع على 140
ياراجل حرام

عامة حمد الله على سلامتك يا محمد بيك

**mood_8210** · 23-05-2009 05:48 PM

المشاركة الأصلية كتبت بواسطة mobinilo

يا شنوري انت ومحمد عبد الرحمن
عايز افكركم بحاجة
فاكر لما كنا قاعدين قدام التليفزين واسلام بيك كان بيعمل العجينة (أقصد الطحينة)
وكان بيمسح بالسكينة في رجليه
فاكر انتوا علقتوا قولتوا ايه؟
انا جايب ليجيب شوية ................ ويحطهم على الطحينة

خلوا الموضوع دع سر
ههههههههههههههههه

طب الحمد لله ماكلتش من الطحينة

**abouzaid555** · 23-05-2009 05:55 PM

و الله و عملوها الرجالة و رفعوا راس اسكندرية بلدنا على راى محمد ابنى هو اللى لسة قايلها و الله .
و كل مقابلة و انتم طيبين و ان شاء الله المقابلات الجاية اكون معاكو و الف سلامة على سيادتك يا عميد المنتدى جمال باشا و يارب تكون دلوقتى فى اتم صحة و احسن حال و شكر خاص لكريم باشا منير ملك الشوى و اسلام بيه فريد صاحب اليد الخفية فى الطحينة و شكر كل الشكر لمحمد الشنورى حبيب قلبى و ابن خالتى و محمد عبد الرحمن الفتى المدلل و محمد بيك الطويل شعلة النشاط و الشمعة التى تحترق من اجل الاخرين اخواته فى منتدانا الرائع نايل موتورز و شكر كل الشكر لاخواتى القاهريين اللى شرفونا فى اسكندرية و احمد باشا اسماعيل عين اعيان البحيرة و للاسف مش عاوز اقول اسماء علشان ما انساش اى حد من اخواتى فعلا بقول اخواتى من كل قلبى و ان شاء الله المقابلة القادمة فى القاهرة اوؤكد وجودى انا و كل سكندرى يحب يجى معايا علشان حتى نرد بعض ما عندكم و اتمنى ان يكون جميع الاعضاء وصلو بسلام الى بيوتهم و اتمنى كل اخ حضر المقابلة يؤكد و يطمنا على عودته الى اسرته بكل سلام و اسف جدا على الاطالة و كل مقابلة و انتم جميعا بخير و سعادة .........
أخوكم أحمد أبوزيد