سؤال وحيره غرقان فيهم لما بفكر فى المستقبل لأسباب بسيطه وملموسه
ياترى العالم هيبقى عامل ازاى فى المستقبل وخصوصا ان كل حاجه حلوه بدأت تنقرض...
انفلوانزا طيور مابقيناش عارفين ناكل الطيور زى الاول وفى مننا بطلها خالص!!!
انفلوانزا خنازير ياترى هيجى علينا الوقت اللى لاقدر الله نلبس كمامات ومانركبش مواصلات ويتعمل عندنا حجر صحى!!!
السرطان اعوز بالله الكل بيشرب سجاير واللى مابيشربش بيشم الدخان بتعها فى الشغل فى الشارع فى البيت وفى كل مكان
وكتير من الاوبئه والفايروسات
الاحتباس الحرارى وثقب الاوزون وتقلب وتغير غير مسيطر عليه عموما (غضب الطبيعه) ياترى هنيجى فى يوم ونسمع عن درجات حراره تتعدى ال50 وممكن اعلى كمان
ياترى هنسمع عن عواصف وفياضانات و زلازل واعاصير وبراكين عندنا هنا
ازمه اقتصاديه مافيش شغل للشباب واالى شغال اتطرد من الشغل ومش هيلاقى غيره طب المتزوج اللى عنده عيله هيعيشهم ازاى هيأكلهم ايه ولو اشتغل شغلانه بسيطه بدخل قليل ازاى هيعيش بيه فى وسط المفرمه دى هيلاقيها من تجار جشعه ولا ايجار كبير ولا من بعض بتوع المرور ولا منين ولا منين
انتهت كرايسلر وكمان النصر وتويوتا بتغرق وغيرهم من الشركات العالميه
خلافات وخناقات بين الدول وبعضها الناس عماله تتدبح والكل بيتفرج لغايه مايجى دوره
جرائم سرقه ونصب وقتل وحرايق وانهيارات وحوادث كارثيه مافيش رقابه مافيش حكم للماتش!!!!
ده غير كتير وكتير وكتير مشعايز اطول عليكم بس
مجرد سؤال؟
تفتكرا هنام ونقوم نلاقى الاخبار ده على التلفزيون
(منظمه الصحه العالميه تقضى على مرض انفلوانزا الطيور وانفلوانزا الخنازير نهائيا وتعلن ان كوكب الارض خالى من تلك الفايروسات القاتله)
(منظمه الصحه العالميه تجرم التدخين وتضع احكاما قاسيه لردع اى شركه تقوم بتصنيع السجائر وخلافها)
(تجربه فعاله للسيطره على ثقب الاوزون واخبار عن سد 40% من الثقب كخطوه بدايه)
(مشروع ......... مذهل للسيطره على الاحتباس الحرارى وتغير مناخ الارض للافضل)
(فكره عربيه مشتركه لحل مشكله الازمه الاقتصاديه والقضاء عليها نهائيا)
(خطه لخفض اسعار المنتجات واستغلال جميع الموارد المهدره والتى يتم تصديرها للخارج )
(افتتاح اولى خطوط انتاج اول سياره مصريه 100% يضع مصر امام الدول الصناعيه الكبرى)
( مصر... اقل نسبه حوادث ومخالفات مروريه للسنه الرابعه على التوالى)
(اليوم انسحاب اخر جندى اسرائيلى من ارض فلسطين فى اطار الانسحاب الكامل وتشكيل دوله فلسطينيه حره)
(لحظه تاريخيه ---محو جمله الاراضى المحتله من كل كتب التاريخ واستبدالها ب (دوله فلسكين الحره)----)
ولاممكن نسمع الاسوأ وبلاش ذكره
طبعا حاجه محيره جدا احنا دلوقتى عايشين كويس بنام كويس بناكل اكل حلو وبنخرج ونتفسح وبنعمل كل اللى احنا عايزينه
طب وبعدين كمان 10 سنين الوضع هيبقى ايه ياترى هنشوف اللى بنشوفه فى افلام الخيال العلمى عن المستقبل ولا هنقول ياريت يوم من بتوع زمان!!!!!!!!!!!!!!!!!!
اسف للأطاله عليكم..