انا اول ما شفت الصورة افتكرت هى دى العربية نفس الحادثة بالضبط
عرض للطباعة
انا اول ما شفت الصورة افتكرت هى دى العربية نفس الحادثة بالضبط
أنا واحد صاحبي في أمريكا كان معه تويوتا كامري zero .
دخل وش في وش عربيه تانيه جايه من المعاكس كل واحد متوسط السرعه 60 .
العربيه طلعت total loss . الإيربج ما فتحش والواد راسه دخلت في حديدة الشاماسة وفقد الذاكره حوالي إسبوعين . أعد سنه عشان يزبط نفسه تاني .
راح كلم تويوتا كل اللي عملوه إدولوه خصم 500$ لو حب يشتري عربيه جديده من تويوتا .
على فكره أنا عربيتي في مصر كورولا
يا ساتر يا رب
الصورة دية كنت فى موضوع فى المنتدى وده نصه
السلام عليكم
يوم الخميس ال فات ف شارع السودان امام بوابة تجارة و تحت نفق المترو بالظبط.....
- شاب ف اواخر العشرينات سايق كرولا جه واحد ابن حلال من العيال الجدعان ال بيغرزو من حوالينا كسر علية فجأه......
- طبعا بتاع الكورولا كان ماشي سريع بس دا شارع السودان يعني السريع بتاعو 70 مثلا و فجأه كسر علية شاب بسيارة حمراء خلاه يكسر يمين و لاسف كان ع اليمين اوتوبيس نقل عام من ال يحبهم قلبك وكأنو خبط ف جبل.........
-طبعا الاخ بتاع الكورولا ما لحقش حتي يفكر ف جاجة اسمها فرامل و دخل بالكرولا بكل سرعتو ف ظهر الاوتوبيس(طاااااااااااااا اااااااااااااااااااخ).
- الاوتوبيس اكصدامو وقع و خر شوية زيت .....بسسسسسسسسسسس.
- الكورولا ال هية 2009 و ال الشاب دا شغال سواق عليها (بتاعة شركة) لم....و لن تستطيع التعرف عليها من الامان و لو عملت اية.
- بعد الحادث لا يوجد اثر للفوانيس ولا اكصدام ولا حتي موتور.
- الخبطة كلت وش العربية كلو.
- الوسائد الهوائية ال2 فتحو وطبعا الشاب كان رابط الحزام.
- سبحان الله.... الشاب فتح الباب و نزل من العربية برجلية و لا يوجد فية الا خدوش ف ظهر كفة اليمين و وجع ف صدرو من ضربة الوسادة الهوائية.
و دي صورة العربية.........
الصورة انا حاطتها طبعاً
وده لينك الموضوع الأصلى
http://www.nilemotors.net/Nile/showthread.php?t=66219
اللي انا فهمته من صاحب الحادثة ان الطبلون نفسة اتحرك من مكانة و اعتقد ان ده لية علاقة بالاير باج ممكن تكون في وصلة معينة حصلها حاجة او ممكن تكون ده ميزة عشان الاير باج متفتحش في وش الراكب مباشرة لان ده خطر و الله اعلم.
عموما خليك ورا التامين و التوكيل عشان تعرف سبب المشكلة ده و لو طلع عيب يبقي لازم تاخد حقك
مظبوط يا شاركى
السؤال ليه فى حادثة صاحب العربية الاير باج مفتحتش مع انه ماشى على 120 كم ودخل فى مقطورة وده بفرض ان الايرباج مفهش مشكلة
وفى الحادثة الثانية الاير باج فتح مع انه ماشى على سرعة 70 كم ودخل فى اتوبيس نقل عام على كلام صاحب الموضوع
الاثنين نفس الخسائر فى السيارة
حاسس فى حاجة مش فاهمنها فى طريقة فتح الايرباج ؟ هل من تفسير ؟
يوجد تفسر محتمل....
فى حالة الكورولا اللى على 120:
السيارة خبطت فى جسم متحرك اخر هو المقطورة اللى مؤكد كانت ماشية بسرعة هى كمان..... اذن ممكن فرق السرعة ميكونش جاب الفرق اللى تتفتح عنده الايرباج
يعنى لو الكورولا ماشية 120 و المقطورة ماشية 100 اذن الفرق 20 كيلو بس و هو غير الكافى لعمل الايرباج.....
اما فى حالة السيارة التى اصطدمت بالاتوبيس بسرعة 70، فالاوتوبيس كان ثابت و بالتالى الاصطدام كانت سرعته الفعلية هى 70
انا اعتقد كمان لو انتا لابس الحزام و لقدر الله حصل حادث الاير باج مش هاتشتغل