عرض للطباعة
السلام عليكم يا اخوانا وكل سنة وانتم طيبين بمناسبة شهر مضان الكريم
عندى عربية 128 موديل 78 ورثتها عن والدى يرحمة اللة المشكلة انى بعد ما صرفت عليعا اد كدة و عملتلها نصف عمرة متور لما اجى اجرى بيها مبتعديش 100 كم لا وكمان بتترجرج :( اى والهى مع انى زابط زوايا عجل ومرصص وكلة زى الفل هل فى حاجة ممكن اغيرها تحل المشكلة خصوصا ان الحالة جيم ومقرش اغيرها فى الوقت الحالى افيدونا افا دكم اللة
100 كويس قوى عليها، ما تتقلش عليها علشان تستحمل و ما تفتحش بقها.
الحل انك تركب لها كاوتش عريض..175 مثلاً... بس منصحكش باكتر من 100 لان 128 مفيهاش اي عوامل امان.
قم بفحص الكاربيراتير و اسطوانة الدبرياج
الموضوع ممكن يكون لة ابعاد كتير
راجع اولا تقسيمة الكاتينة و ضبط توقيت اشعال الاسبراتير
و نضف الكاربراتير و ركب بوجيهات جديدة كويسة
بالنسبة للرجرجة اولا اتاكد ان مافيش علايات في السست اللي قدام او راق زيادة لسست ورا
و راجع اسطوانة الدبرياج زي ما زميلنا قاللك
و ان الميزان و الركب سلام و مافيش شروخ في فرد الشاسية (العكازين)
و غالبا حاتلاقي علبة الدركسيون مبوشة هات واحدة استيراد و الاحسن لو جديدة لان الاصلاح والحشو مابينفعش و بعد اسبوع حاترجع اسخم من الاول
راجع الحاجات دي و قولنا النتيجة اية
الرجرجة على سرعة 100 كلم في ال 128 غير طبيعي
المشكلة غالباً عفشة
إكشف على العفشة وغير التالف
وبالنسبة لعلبة الدركسيون لو بايظة أحياناً بتعمل رجرجة
وحشو علبة دركسيون ال 128 ممتاز وبيعيش نفس عمر العلبة (بس اللي يعمله يكون بيفهم)
الخلاصة:
*إكشف على العفشة بالكامل (لو بايظة صلحها )
*راجع على سلامة الكاوتش (أحياناً بيكون فيه بلالين بترجرج العربية)
*أظبط زوايا تاني مرة عند واحد كويس (في حالة إن حد إشتغل في العفشة)
وإبقى قولنا الأخبار
الاستاذة Hossam Hassan Nader انا مش عايز اعدى المية لسمح الله لكن مش عايزها تبقى السرعة القصوى للمحرك لان ده معناة انى انا بحمله فوق طاقتة
thegoodhacker Adham ahmed1981 شكرا على المعلومات القيمه دى لكن انا محتاج توضيح اكبر عن اهمية تغيير الكبرايتير او تركيب فتيس خمس سرعات
شكرا ليكم يا جماعة على اهتمامهم وجزاكم الله خيرا
اسف اقصد الاساتذة بالطبع :oops:
اولا اهلا بك يا اخ طارق :)
بص هو 100 معقول اوي و لو الاسطوانه عندك كويسه و انت متاكد و الكاربيراتير مضبوط يبقي العيب دا عيب كبس يعني في غرف الاحتراق و مش حتعرف تعمل فيه حاجه و احسن حل انك تمشي بيها كده لحد ما الموتور ينتهي و يا اما تجيب واحد استعمل يا اما تعمل عمره صح و في الحالتين فيها تكاليف.
بالنسبه للرجرجه ف دا ممكن يكون من الاسكترا زي ما الاخوه وضحوا او ممكن يكون في فرده كاوتش مش كويسه او محتاجه ترصي و ضبط زوايا
بص يا طارق لو عاوز العربية دي تجمع كويس قوي و تجيب توب سبيد من غير ماتغير الموتور
هات الاتنين كاربراتير بتاع الريتمو ابارث النايم وهات اسبراتير الكتروني يركب على موتورك سواء بتاع ريتمو او ريجاتا او 128 الجديد و وسع مداخل و مخارج و ياسلام لو تلعب في طقم صبابات اكبر كمان و عليك بطقم بوجيهات 3 شمعه بوش و تركب فلترين هوا k&N عالاتنين كاربراتير
و شيل فرن الشكمان و اعمل اربع مواسير من وش السلندر جمعهم اتنين اتنين 4و 1 مع بعض و 3 و 2 مع بعض على مشترك V و ماسورة كبيرة و علب مصافيها واسعه وحاتشوف الموتور دة من الاخر
و سيبك من موضوع الفتيس الخمس سرعات لأن مشوار النقلة حايبقى صغير و ههو صغير اساس في ال 128 يبقى لو زودت عزم الموتور و بالتالي سحبة بالكرابراتيرات و الالكتروني حاتبقى محتاج تنقل كل ثانيتين لان مشوا النقلة حايبقى صغير قوي
بالنسبة للفتيس:اقتباس:
المشاركة الأصلية كتبت بواسطة Tarek Omar
إقرأ الموضوع التالي سيفيدك عن الفتيس:
http://www.nilemotors.net/Forum/viewtopic.php?t=4441
بالنسبة لتغيير الكربراتير:
أنا إشتريت سيارتين 128 وكل واحدة كنت لما بشتريها بغيرلها كربيراتير جديد (لأن القديم كان بايظ)
فلو كان الكربيراتير عندك بايظ يبقى غيره والأسعار في هذا الرابط:
http://www.nilemotors.net/Forum/viewtopic.php?t=5081
سؤال أخير: الرجرجه عندك من الموتور ولا العربية كلها بتترج ؟؟؟؟
اشكركم جميعا على اهتمانكم و دة ان دل على شى فانما يدل على ان المنتدى فية ناس محترمة بتهتم بعضو جديد مالوش خبرة زى حالاتى وتحية خاصة للاستاذ hazem_khidr على ترحيبه بيه و ل Adham مع ان مقترحاتة هيكون صعب تنفيذها لاعتبارات مالية
انا قررت بكل اسف اتخلى عن حلم السرعة العالية و مطاردت العربيات المحترمة الى خلقها ربنا خصوصا ان تسارع العربية و عزمها كويس جدا و بتجيب 85 كم على الثالث و مشكلتها الوحيدة فى الرابع الى زى قلته وهحاول احل مشكلة الرجرجة و اشوف واحد بتاع عفشة يكون بيفهم قولوا يا رب.
والهى يا بشمهندس احمد انا بحس ان التارة تحديدا و يمكن مقدمة العربية هى الى فيها الهزة و عشان كدة انا بميل لفكرة انه مشكلة علبة دركسيون و الله اعلم و بانسبه لقطع الغيار هل فى فرق جامد بين الصينى و التركى والايطالىاقتباس:
سؤال أخير: الرجرجه عندك من الموتور ولا العربية كلها بتترج ؟؟؟؟
فعلا غالباً إنت محتاج تروح لبتاع عفشة كويساقتباس:
المشاركة الأصلية كتبت بواسطة Tarek Omar
ترتيب الأفضلية في جودة قطع الغيار:
1 - إيطالي- 2 - تركي- 3 - مصري أو صيني