عندى عربية 128 موديل 78 مطلعة مطلعة عنية

**Tarek Omar** · 30-09-2007 04:21 AM

السلام عليكم يا اخوانا وكل سنة وانتم طيبين بمناسبة شهر مضان الكريم

عندى عربية 128 موديل 78 ورثتها عن والدى يرحمة اللة المشكلة انى بعد ما صرفت عليعا اد كدة و عملتلها نصف عمرة متور لما اجى اجرى بيها مبتعديش 100 كم لا وكمان بتترجرج :( اى والهى مع انى زابط زوايا عجل ومرصص وكلة زى الفل هل فى حاجة ممكن اغيرها تحل المشكلة خصوصا ان الحالة جيم ومقرش اغيرها فى الوقت الحالى افيدونا افا دكم اللة

**Hossam_Hassan** · 30-09-2007 12:47 PM

100 كويس قوى عليها، ما تتقلش عليها علشان تستحمل و ما تفتحش بقها.

**Nader** · 30-09-2007 03:23 PM

الحل انك تركب لها كاوتش عريض..175 مثلاً... بس منصحكش باكتر من 100 لان 128 مفيهاش اي عوامل امان.

**Adham** · 30-09-2007 04:32 PM

الموضوع ممكن يكون لة ابعاد كتير

راجع اولا تقسيمة الكاتينة و ضبط توقيت اشعال الاسبراتير
و نضف الكاربراتير و ركب بوجيهات جديدة كويسة

بالنسبة للرجرجة اولا اتاكد ان مافيش علايات في السست اللي قدام او راق زيادة لسست ورا
و راجع اسطوانة الدبرياج زي ما زميلنا قاللك
و ان الميزان و الركب سلام و مافيش شروخ في فرد الشاسية (العكازين)
و غالبا حاتلاقي علبة الدركسيون مبوشة هات واحدة استيراد و الاحسن لو جديدة لان الاصلاح والحشو مابينفعش و بعد اسبوع حاترجع اسخم من الاول

راجع الحاجات دي و قولنا النتيجة اية

**ahmed1981** · 30-09-2007 06:25 PM

الرجرجة على سرعة 100 كلم في ال 128 غير طبيعي
المشكلة غالباً عفشة
إكشف على العفشة وغير التالف
وبالنسبة لعلبة الدركسيون لو بايظة أحياناً بتعمل رجرجة
وحشو علبة دركسيون ال 128 ممتاز وبيعيش نفس عمر العلبة (بس اللي يعمله يكون بيفهم)
الخلاصة:
*إكشف على العفشة بالكامل (لو بايظة صلحها )
*راجع على سلامة الكاوتش (أحياناً بيكون فيه بلالين بترجرج العربية)
*أظبط زوايا تاني مرة عند واحد كويس (في حالة إن حد إشتغل في العفشة)

وإبقى قولنا الأخبار

**Tarek Omar** · 01-10-2007 04:12 AM

الاستاذة Hossam Hassan Nader انا مش عايز اعدى المية لسمح الله لكن مش عايزها تبقى السرعة القصوى للمحرك لان ده معناة انى انا بحمله فوق طاقتة

thegoodhacker Adham ahmed1981 شكرا على المعلومات القيمه دى لكن انا محتاج توضيح اكبر عن اهمية تغيير الكبرايتير او تركيب فتيس خمس سرعات

شكرا ليكم يا جماعة على اهتمامهم وجزاكم الله خيرا

**Tarek Omar** · 01-10-2007 06:26 AM

اسف اقصد الاساتذة بالطبع

**hazem_khidr** · 01-10-2007 06:43 AM

اولا اهلا بك يا اخ طارق :)
بص هو 100 معقول اوي و لو الاسطوانه عندك كويسه و انت متاكد و الكاربيراتير مضبوط يبقي العيب دا عيب كبس يعني في غرف الاحتراق و مش حتعرف تعمل فيه حاجه و احسن حل انك تمشي بيها كده لحد ما الموتور ينتهي و يا اما تجيب واحد استعمل يا اما تعمل عمره صح و في الحالتين فيها تكاليف.
بالنسبه للرجرجه ف دا ممكن يكون من الاسكترا زي ما الاخوه وضحوا او ممكن يكون في فرده كاوتش مش كويسه او محتاجه ترصي و ضبط زوايا

**Adham** · 01-10-2007 01:03 PM

بص يا طارق لو عاوز العربية دي تجمع كويس قوي و تجيب توب سبيد من غير ماتغير الموتور
هات الاتنين كاربراتير بتاع الريتمو ابارث النايم وهات اسبراتير الكتروني يركب على موتورك سواء بتاع ريتمو او ريجاتا او 128 الجديد و وسع مداخل و مخارج و ياسلام لو تلعب في طقم صبابات اكبر كمان و عليك بطقم بوجيهات 3 شمعه بوش و تركب فلترين هوا k&N عالاتنين كاربراتير
و شيل فرن الشكمان و اعمل اربع مواسير من وش السلندر جمعهم اتنين اتنين 4و 1 مع بعض و 3 و 2 مع بعض على مشترك V و ماسورة كبيرة و علب مصافيها واسعه وحاتشوف الموتور دة من الاخر

و سيبك من موضوع الفتيس الخمس سرعات لأن مشوار النقلة حايبقى صغير و ههو صغير اساس في ال 128 يبقى لو زودت عزم الموتور و بالتالي سحبة بالكرابراتيرات و الالكتروني حاتبقى محتاج تنقل كل ثانيتين لان مشوا النقلة حايبقى صغير قوي