عرض للطباعة
واحد صاحبى هايشتغل سائق لرجل اعمال .......هو مالوش فى الموضوع دة قوى بس دة اللى لقاه
حاليا......هو بيسوق عربيتة 128 وهو اصلا محاسب .....وسنة 24 سنة فهو معظم شغلة هايبقى سفر مع الراجل ........هو مش حافظ طرق قوى......ومش متعود على العربيات الحديثة.....احتمال يركب مرسيدس موديل السنة دى واوتوماتيك......يعنى فرق كبير بين ال128 بتاعتة والمرسيدس.......وهو قلقان جدااااااا ياريت يا جماعة كل واحد يقول خلاصة خبرتة لانة قلقان انة يغلط والراجل معاه......:_Alshmokh22[1]:
حاجة بسيطة جدا ...اقتباس:
المشاركة الأصلية كتبت بواسطة i_am_legend
صديقك هيتعود على الموضوع ده بسهولة ... لكذا سبب ..
1- أولا هيبدأ يبطل يروح جيم عشان يقوى عضلاته من أجل التعامل مع الدريكسيون و الفتيس الخاص بال 128..
فى المرسيدس إختراع إسمه باور سيترنج كهرباء .. و طبعا هيوفر فى الميزانية ..
2- هيبدأ يعرف يعنى إيه ثبات و إتزان ... المرسيدس عندها ثبات ..
3- هيبدأ يتعرف على حاجة إسمها الفرامل و دى هتوقف العربية علطول ... فى ال128 أكيد ماكنش عنده الإختراع ده ...
4- هيبدأ يفهم مفهوم التكييف و الجو الجميل ...
5- هيبدأ يدوس بنزين و العربية تمشى بدل موضوع تغيير النقلة إللى كان بيستلزم مهارات خاصة فى ال128 ..
6- رفاهية القيادة ...
حاجاااات كتيييير!!! يا راجل ده هيتعود عليها هوا .. لأن هو إتنقل من المستحيل للسهل ...
و ربنا يوفقه
أنا طبعا معنديش أي فكرة أفيدك بيها
بس اسمع إن إللي ساق مانيوال ... سهل يسوق أوتوماتيك .. بس هو ياخد بالو ويمشي على الهادي في الأول ... وإللي معاه مش حيعترضوا ... عشان أكيد حيكون خايفين على العربية
المهم ...سيبك من كل ده
ده شاب 100100 برافو عليه ... أنا اتقدم إليه بكل تشجيع وتقدير .. برافو عليه .. إنسان عملي .. خالي ون الكلاكيع والعقد
وربنا حيوفقوا وينجح ويعلا مع رجل الاعمال هذا ... إن شاء الله
طبعا متهيالى الاحسن لة
ان يشوف واحد صحبة عنده عربية اتوماتيك يخرج ماعة مرتين يظبط على العربية ويا سلام على عربية حديثة علشان يتعود على دوسة الفرامل بتاعتها لانها طبعا مختلفة نهائى عن ال128
وربنا معاة ويوفقة يا رب
أنا رأيي يستلف أو حتى يأجر أي عربية أوتوماتيك موديل السنة دي ويلف بيها على قد ما يقدر عشان يتعود على الأوتوماتيك وحساسية الموديلات الحديثة لأن فرق كبير جدا الصراحة
+1111111111
لو يقدر يروح مرسيدس يعمل تست درايف للعربيه ويسيب البايع يشرح له كل حاجه
يبقى كده هو جاهز
وبالتوفيق بإذن الله
+11111111111111111اقتباس:
المشاركة الأصلية كتبت بواسطة s m a r t m a n
بأختصار شديد التركيز
بالنسبة للطرق في كتب للخرائط مفيدة جدا
لما يكون في مشوار جديد عليه ياخد فكرة من الخريطه
زوجي ديما يستخدم كتاب الخرائط بينفعه كتير لما يكون رايح منطقة مش عارفها
اما بقه تغيير العربية فميش شك ان التغيير للافضل واي حد محتاج مشوار واحد علشان رجله تبدأ تاخد على العربية الجديدة
1 خلي بالك فرامل الاتوماتك حساسه جدا
2 خليه يتعامل بحنيه مع العربيه
3 السواقه المريحه اهم حاجه يعني ميغيرش اتجهاته بسرعه
4 وينسي موضوع 128 ده نهائي
5 يحاول يبحث عن خرائط الطرق السريعه او يجيب gprs
6 يركز علي قد ميقدر في الطريق
ربنا يوفقه ويوفقنا جميعا
لازم يدوس فرامل كويس قبل ما يغير
يعرف ان فرامل العربية قوية
يا ريت يطلع بيها فى حتة فاضية معاه حد بيعرف اتوماتيك كويس علشان يعرف ابعادها وحساسية دواساتها
بس انا جبت لك حاجات من كتالوج العربية - انا ما سوقتش اوتو قبل كدة الا مرتين وكان اصحابى هما اللى بينقلوا :shyy:
قبل ما يسيب العرية ينقل على p ثم يشد فرامل اليد
ما يدوسش فرامل وبنزين
لو فى مطلع لازم يدوس فرامل او يشد فرامل اليد
ما ينقلش من N او من P الى D او R والعربية ماشية الافضل تماما ان العربية تكون واقفة تماما
P : توقف دائم ، بتقفل الدركسيون يعنى مش هيتحرك :whtauwant:
N: العربية بتتحرك ، ده مقابل للمور
D : وضع قيادة العادى
اهم حاجة بقى
انه يكون كاتم اسرار للراجل بتاعه ، ما يقلش اى كلمة سمعها فى العربية لحد ، يحافظ على ابتسامة دائمة
ربنا يوفقه :_Alshmokh22[1]:
بس ابقى اقوله على اللى كتب النصايح دى وعرفنا عليه:E_braces[1]::Oc_sun1[1]:
مشكلة كبيرة لو خبطهاله ربنا يسترها عليه
بالنسبة للسيارة:
1- زى ما قال الأخوة الأفاضل يستحسن يتدرب على سواقة الأوتوماتيك حتى لو اضطر يأجر عربية،
2- يعود نفسه على السواقة الهادية الملتزمة الوقائية (مايركزش مع نظرات السائقين الآخرين اللى ممكن يستفزوه عشان يشد معاهم، مفيش داعى للمناورات السريعة والمفاجئة وكذلك الانطلاق أو التوقف العنيف، وهكذا...)
3- لازم يحاول يحفظ أبعاد العربية (متهيألى دى أصعب حاجة)، ويتعلم كمان يقدر المسافة التى تكفى لركنها (سواء موازى أو عمودى) مع التدريب على الركن بسرعة.
بالنسبة لمعرفة الأماكن:
لو قدر يعرف كل يوم مشاوير الغد هتبقى فين، ممكن يعرف المكان عن طريق جوجل إيرث، أو وايكمابيا.
لو مش هيقدر (مش عارف بصراحة أنصحه بإيه)
وربنا يوفقه، ويجزيك خير عن اهتمامك بمساعدته
انا اتوقع انه اول اسبوع هيكون بدايه تعارف على العربيه وبالتالى هو شخيا هيتعامل معها براحه وسبه وارجع بص عليه كمان اسبوعين هتلاقى بيطير بيها وماشى زى السكينه فى الحلاوه
اهم حاجه قولو انه يجمد قلبه ويقول لنفسه ...ده انا اللى سوقت ال128
ربنا يستر عليه هو قلقان جدااااااااااااااااااااااا اا................
وخايف موت .........خايف يبقى مهزوز والراجل معاه....................
ربنا يوفقه
ابقى طمنا عليه
اهم حاجة إنه ينسى رجله الشمال ,
يعني هيسوق باليمين فقط ,
يإما يدوس على الفرامل أو البنزين ,
و يجمد قلبه ,
انا أول مرة ركبت عربية إوتوماتيك صاحبها قاللي الملاحظة دي و مفيش خمس دقائق و لقيت الموضوع سهل جداً ,
ربنا يوفقه.
على فكرة لو أجر عربية لمدة ساعة واحدة هتفرق معاه جداً علشان لو أول مرة يركب العربية و معاه رجل الاعمال و ارتبك , هيخللي رجل الأعمال يبقى قلقان من سواقته.
هو غالبا كدة هانشوفلة عربية اوتوماتيك لانسر ولا حاجة من اى حد من اصحابى وننزل معاه ونخليه يمشى بيها شوية اهى
اللانسر ممكن تبقى قريبة شوية للمرسيدس فى سواقتها ........
السلام عليكم
مبدئيا مبروك لصديقك على الشغل الجديد وربنا يوفقه
بس انا مش هتكلم على موضوع السواقه والعربيه والكلام ده كله لان اللى بيعرفوا يسوقوا موجودين كتيررررررررررررررررررر
انا هاتكلم من واقع خبرتى انا ذكرت فى كذا موضوع انى قبل شغلى الحالى كان عندى مكتب ايجار سيارات واكيد كان فى سائقين بيشتغلوا معايا
انا كصاحب شغل صدقنى اول حاجه لازم تكون موجوده فى السائق
الامانه والصدق والاحترام والاهم انه مايكونش اسف فى اللفظ رغاى واللى يسمعه من حوار او من موضوع لا يعنيه بشىء لازم يكون امين فى اللى بيسمعه ومايفتيش الاسرار ويكون قليل الكلام انا باتكلم عن السائقين
لكن صديقك اساسا راجل متعلم ومتفتح فاكيد هايكون عنده فن التعامل مع الغير وعدم المناهده لان بجد اغلب الناس عندهم فكره سيئه عن السائقين
بالنسه لصديقك هايتعلم حاجات كتير جدا وعلاقاته باذن الله هاتكون كويسه جدا وياريت ده يكون اتجاهه ويسيبه من الماديات الاهم انه يجتهد ويحبب الناس فيه وهو هايلاقى كل اللى عاوزه وطبعا يحافظ على المواعيد والمظهر والسياره
وربنا يوفقه
تحياتى
وكمان لازم يخلى بالة لأن الأبعاد مختلفة تماما عن أى عربية تانية
بس لو العربية أكيد هيبقى فيها حساسات قدام وورا فا ميقلقش بس يارب يعرف يتأقلم مع التكنولوجيا الحديثة دى لأن الفرق رهيب
وربنا يوفقة انشاء الله
اقتباس:
المشاركة الأصلية كتبت بواسطة bmw323
+1111111111111
اللة ينور