لو عندك وقت ودماغ رايقة .. ينفع تكون قاضي وتحكم ؟؟؟

**نور القمر** · 23-05-2009 03:10 PM

اعتقد الغلطة الاكبر للسكري هي استخدام الفيزا
ولولاها باقي الاخطاء مكنتش هتكشف شخصيته

اما بقه لو قاضي عنده انتماء لبلده وحتى لوكانت ادلة الاتهاء لهشام ظرفيه فهو يستحق الاعدام مش علشان قتله لمطربه لكن علشان الفساد الاخلاقي وسرقة فلوس المصريين وممتلكاتهم وصرفها على المطربة سواء وهي حية او لقتلها
وحسبنا الله ونعم الوكيل

**Abo_Lina** · 23-05-2009 03:13 PM

المشاركة الأصلية كتبت بواسطة ahmed anwer

مش عار ف ازاي قاتل محترف و ضابط امن دولة و يسيب تلاتين دليل عليه بالطريقة دي !!!!

ما إنت لما تلاقي جريمة من النوع ده و الادلة بالكثرة دي يبقى حاجة غريبة..
و بعدين البنت دي كانت بتنزل مصر ..طب ما تستنى لحد ما تنزل مصر و تخلص من غير امارات ووجع دماغ

**د.أحمد سمير** · 23-05-2009 09:33 PM

المشاركة الأصلية كتبت بواسطة ahmed anwer

بس مستغرب من السطحية بتاعت السكري ده اللي هوا المفروض ضابط امن دولة و صاحب شركة امن

يعني راجل محترف ،،

ما هو ده بيحط علامات كتيرة على مستوى تأهيل ضباط أمن الدولة
احتراف هؤلاء الضباط ممكن يكون في التحقيقات والضبط والاعتقالات ...الخ
وأسلوب محسن السكري بيدل على الاستسهال الشديد متأثراً بطبيعة العمل الأمني في مصر

الحكاية كانت محتاجة متخصص في الاغتيالات أو حراسات خاصة .. شخص مؤهل جسدياً وعقلياً ونفسياً ..

أنا قطعاً باحاول أفسر فقط علشان محدش يفهمني غلط

تقبلوا خالص مودتي

**د.أحمد سمير** · 23-05-2009 09:37 PM

المشاركة الأصلية كتبت بواسطة tyler_durden

يجب الاستماع إلى الدفاع أيضا و لا يصح اصدار حكم بناء على ما أوردته النيابة فقط ..

الفكرة مش إصدار حكم فقط
الفكرة هي .. هل كانت الأدلة التي أوردتها النيابة تؤدي لإصدار هذا الحكم
أنا معاك فيما يخص محسن السكري .. محتاجين نشوف الدفوع ..
لكن مرافعة النيابة تعني تزخيم جميع الأدلة للوصول لأقصى عقوبة .. مش كدة
طيب هل هذه الأدلة الواردة التي أدت بالفعل لأقصى عقوبة كانت كافية ولا لأ ؟؟
دي وجهة نظري من طرح الموضوع فقط
وتقبل خالص مودتي

**Ahmed Samy** · 02-06-2009 02:12 AM

والله انا لو مكان القاضي

اعدام للاتنين ....بدون شك

**Mostafa.Mahran** · 02-06-2009 04:38 AM

ادى اخرة المشى البطال واحد زى هشام طلعت مصطفى ممكن يتجوز اى واحدة تعجبه بطريقة شرعية و ممكن يتجوز التانية و التالتة و الرابعة لو حب انما المشى البطال نهايته معروفة و حتى الموضوع لو وصل لاعدام فهو الى جابه لنفسة

**AhmedGen2** · 02-06-2009 05:37 AM

محسن السكرى دة غبى جدا ً فعلا ً ، ماهو يا إما هو غبى يا إما فيه حاجة مش مظبوطة ، دة من الآخر بيقول انا يا جماعة اللى قتلتها أهو كان ناقص يصور نفسه وهو بيقتلها.