مازدا ٣ الجديدة ( options & prices )

**zodiac** · 10-06-2009 08:14 PM

it was from smart car, from about two weeks ( since their first advertisment in newspaper) but its seems that they have raised the price of the sports trim , anyway i will try to ask again ISA

**som3aa** · 10-06-2009 08:55 PM

يا حماعة هما لاول يوم نزلوا فيه الاعلان قالوا السعر 136 و 156 , رحت اتفرجت عليهم قالوا السعر لسه متحددش (مع انهم كانوا قالولى فى التليفون 136-156) المهم يظهر غلوها قالوا كدا كدا الهبل كتير نخليها 170 , عليا ب 220 .

بجد و الله اللى يشترى المازدا 3 الجديدة ب 170 الف يبقى .........

العربية اتغير فيها الشكل بس و شوية نصابين عايزين يكسبوا زيادة 40 الف جنيه!!!!

**mamido83** · 11-06-2009 12:47 PM

و الله على رأيك يا باشا، ما احنا اصلنا بنرمى فلوسنا
صباح الهبل بجد، يعنى ايه 170 ، لييييييييييه و الله العظيم هيا اخرها 157 للهاى لاين
ده كفاية الريسيل بتعاها و ان ملهاش وكيل محترم
تخيل انت بترمى 157 الف فى الارض، يا ريت حاجة مثلا هتجبلك فلوس و لا هتفضل مسكا سعرها
ده ايه الهبل ده
طب خلاص، متزعلوش، خلوها ب مليون و 177 الف
فولا كدا
الله يحرق دمهم ذى ما بيحرقو دمنا

**waleedseng** · 11-06-2009 03:27 PM

هما حسو إن فيه ناس عاجبها السعر فقالو نزود
بس إحنا الصح نسيبهلهم تصدي

**AHMED REFAT** · 11-06-2009 05:26 PM

احبتى فى الله انا مش عارف التضارب فى الاسعار ده جاى منين وعليه اتصلت بسمارت كار ونمرهم 25243006-7-8 وعنوانهم 151 كوزنيش المعادى واكدوا لى ان الفئة الاولى فقط هى المتواجدة وسعرها 149900 والفئة الثانية نازلة بعد اسبوعين وسعرها 177900 ولا يوجد بها بلوتوث ولا باركينج سينيور كما قيل من قبل والله الواحد مابقاش عارف الصح ايه ... فى انتظار معلومات جديدة

**janjon1978** · 11-06-2009 09:16 PM

اخر استعباط .. طبعا مش هاتتباع و خليها تصدى .. بس الحقيقة انا حساس ان دى حركة تسويقية للشكل القديم و كمان شهرين ولا حاجة سعرها هاينزل يمكن 10 الاف او اكتر زى الهوندا سيتى نزلت 13 الاف

**Ahmed Samy** · 12-06-2009 07:56 PM

المشاركة الأصلية كتبت بواسطة ahmedrefatzm

احبتى فى الله انا مش عارف التضارب فى الاسعار ده جاى منين وعليه اتصلت بسمارت كار ونمرهم 25243006-7-8 وعنوانهم 151 كوزنيش المعادى واكدوا لى ان الفئة الاولى فقط هى المتواجدة وسعرها 149900 والفئة الثانية نازلة بعد اسبوعين وسعرها 177900 ولا يوجد بها بلوتوث ولا باركينج سينيور كما قيل من قبل والله الواحد مابقاش عارف الصح ايه ... فى انتظار معلومات جديدة

طب خليهاله ...

في ناس مش لاقية فلوسها علشان ترميها الرمية دي

**AHMED REFAT** · 12-06-2009 09:56 PM

المشاركة الأصلية كتبت بواسطة janjon1978

اخر استعباط .. طبعا مش هاتتباع و خليها تصدى .. بس الحقيقة انا حساس ان دى حركة تسويقية للشكل القديم و كمان شهرين ولا حاجة سعرها هاينزل يمكن 10 الاف او اكتر زى الهوندا سيتى نزلت 13 الاف

والله ياريت يكون رايك صائبا لان الام 3 كانت امل كبير لمحبى اليابانى ( كماليات كتير وسعر عادل وامكانيات عالية ) يعنى السكل القديم 140000 فول اوبشن اتوماتيك و149900 فتحة سقف وهى هى نفس الموديل مه اختلاف الشكل فقط 177900 يرضى ربنا الكلام ده زيادة 30000 عشان اغير الشكل
لكن مع احترامى مين قال ان سعر السيتى نزل 13000 انا سائل عليها فى المعرض سعرها 127900 نفس السعر المعلن حين نزولها