ياريس ولا بروتون جين 2 ولا النترا؟؟؟

**kholio2005** · 23-05-2009 12:08 PM

يارت يا جماعة لو حد جربهم و يفيدنا احسن عربية فيهم من جميع النواحى (تتحمل الشوارع بتاعتنا و صاجها كويس و قطع غيارها متوفرة و سعر أعادة البيع)و مع العلم ان انا من بورسعيد و عجبنى الجين 2 بس المشكلة فى قطع الغيار , هل ممكن اجيبها مع بورسعيد و هل ممكن اعمل صيانة او فحص او اصلاح برة التوكيل , ؟؟؟
وبرده بفكر فى ا لياريس و الالانتر , علشان قطع غيارهم متوفرة و سعر أعادة البيع افضل !!!

مستنى ردودكم اخوانى

**kholio2005** · 23-05-2009 08:51 PM

فين الردروود ؟؟

**eng.octooo** · 24-05-2009 06:28 PM

بص يا سيدى
الجين تو ثبات +قوة +جمال+صاج قوى +سعر اعادة بيع قليل نسبيا وبعض مشاكل التقفيل +قطع الغيار مش فى كل مكان بس هيا موجودة برة التوكيل

النترا جمال+قوة+صاج اقل من الجين تو +سعر اعادة البيع عالى + صوت الموتور ساعات بيكون عالى +عاوزة عناية لانها ممكن تعمل مشاكل كتيير

الياريس حلوة وشبابية+ صاج ضعيف بس كويس+موتور ضعيف بالنسبة للعربيات التانية بس قوى جدا عليها وحلو+قطع غيار متوفرة وقطع معمرة جداااا سعر اعادة البيع حلو (تويوتا) ومشكلتها الوحيدة هيا الثبات بعد ال120 لو فية تيارات هوائية العربية بتحدف والحل انك تجيب جنوط اكبر واعرض بس لو 90% من استخدامها داخل المدينة ومش هاتسافر كتيير هاتكون احسن اختيار
وياريت الباقى يفيدوك

**ahmed k** · 24-05-2009 07:15 PM

النترا افضل

**د.محمد** · 24-05-2009 08:09 PM

النترا..

**kholio2005** · 24-05-2009 09:07 PM

شكرا جزيلا اخوانى(eng ectto , black ayes , و د. محمد)
اعتقد ان الياريس اختيار كويس , علشان قطع غيارها المعمرة و سعر اعادة البيع كويس
بالنسبة للثبات بعد 120 سمعت ان فيه ناس بتتجيب 160 و 170 و ثابتة معاهم من غير اى تعديل على الجنوط !!! (الموضوع دة صحيح؟؟؟ !!!)
بس اللى مخلينى اقلق منها ان اى خبطة حتى لو كانت بسيطة بتأثر جامد على العربية , و انتو عارفين بقة الامر ميسلمش
ياربت برده نسمع بقيت الاعضاء

**ibrahimelt** · 24-05-2009 10:49 PM

انا راى اليبانى يبانى برده
مشكله الثبات لو انت مش ببتحب الجرى ( اعلى من 140 )
اعتقد ان اليارس منلسبه جدا خاصه بعد سعرها ما قل دلوقتى

**kloda** · 25-05-2009 04:09 AM

جين 2
ثبات تحفة - صاج قوي - موتور قوي (1600- 110 hp ) - انتشرت و سعر اعادة البيع اصبح جيد و لها محلات قطع غيار كتيرة برة
اوبشن كويس جدا ( abs - ebd - mp3 casset - multifunction - sensorparking - )
دة غير ان لوتس داخلة في صناعتها
عيوب التقفيل اختفت تقريبا في 2009
و سعرها مناسب مليون في المائة لامكانيتها
اتفضل حضرتك في منتدي بروتون و اعرف نها كل حاجة
ربنا يوفقك في الاختيار

**M.ABDEEN** · 25-05-2009 08:59 AM

الجين 2 او الالنترا لكن الياريس دي بصراحة غالية غلى الفاضى وضعيفة ومش ثابتة خالص وتابلوها من جوة تعبان يا قلبي الميزة واللي ياريت ما كنتش ميزة ان عليها علامة تويوتا بالاضافة برده قطع غيارها غالية مش عارف ليه ..........

**Opelvectra** · 25-05-2009 10:24 AM

انا اعتقد ان مافيش عربية في اللي انت قولت عليهم دول بقوة و ثبات الجين 2 ما شاء الله عربية تحفة بجد وحش في الجري و ثبات ملوش حل الالنترا صدقني ابعد عنها كل اللي ركبها بيقول القديمة احلي منها ماتور تعبان و مافيش ثبات بالنسبة للقديمة بتاعتها و الياريس اديك قولت غالية علي الفاضي بيتهيقلي الجين جميلة و ممكن كمان تجيب السيدان بتاعها و اسمها بيرسونا و دية غيرو فيها موضوع التابلوة الجين مكانش فيها تابلوة دية بقا فيها و فيها شنطة و مش غالية سعرها مناسب و بعدين بالنسبة لقطع الغيار بيتهيقلي انك راكب عربية موديل السنة ياعني مش محتاج الكلام دا غير بعد 5 سنين علي الاقل و اكيد انت هتأمن فا الموضوع ان شاء الله فيه امان ليك و ربنا يوفقك للي فيه الصح ليك و ابقا قولنا عملت اية

الموضوع: ياريس ولا بروتون جين 2 ولا النترا؟؟؟

LinkBack

أدوات الموضوع

عرض

-

-

-

-

-

المواضيع المتشابهه

مطلوب شراء ماتريكس -النترا - ياريس

بروتون جين 2 ولا ياريس

محتار اشترى النترا ولا ياريس

انهى عربية احسن ال ياريس ولا النترا ؟

تويوتا ياريس و للا هيونداي النترا؟

الكلمات الدلالية لهذا الموضوع

المفضلات

المفضلات

ضوابط المشاركة