الموضوع: يا شباب حد يفيدني بجد اروح احجز frv ؟؟؟

متشكر يا شبااااااااب على رأيكم بجد و يا كمبيولاند انا سمعت ان الجين تو مشاكلها كتير وهي كانت في دماغي فعلا بس ناس معاهم وقالولي مش تمام خالص

المشاركة الأصلية كتبت بواسطة kogak1987

متشكر يا شبااااااااب على رأيكم بجد و يا كمبيولاند انا سمعت ان الجين تو مشاكلها كتير وهي كانت في دماغي فعلا بس ناس معاهم وقالولي مش تمام خالص

الموضوع ده نسبى
كل واحد وظروف عربيته واللى حصل معاه
ايه رأيك انا ليا واحد صاحبى كان جايب مازدا 3 تخيل باعها بعد لما جبها بشهر وقالى مش عاحبنى ادائها

لولا اختلاف الاراء لبارت السلع
ممكن تلاقى واحد جايب عربيه مثلا وتانى يوم عمل بيها حادثه لاقدر الله
هيقلك العربيه هيه السبب وان الفرامل مش عارف ايه

على فكرة انا مش بعيب على frv
هيه عربيه تمام وكل حاجة وصاجها قوى وموتورها كويس

شوف فى قسم المقارانات

المشاركة الأصلية كتبت بواسطة kogak1987

متشكر يا شبااااااااب على رأيكم بجد و يا كمبيولاند انا سمعت ان الجين تو مشاكلها كتير وهي كانت في دماغي فعلا بس ناس معاهم وقالولي مش تمام خالص

الجين 2 مش تمام خالص؟
أنا معايا الجين 2 وماشاء الله عليها عربيه زى الفل
موتور قوى
ثبات عالى
صالون واسع
شنطه واسعه

مع احترامى لكل اللى معاهم الfrv
بس على الأقل الجن مش عربيه صينى

المشاركة الأصلية كتبت بواسطة ezzatfox

الراجل داخل يسأل عن ال frv و عامل الموضوع فى قسم السيارات الصينية - بريليانس .
فجأة الموضوع بقى عن الجين تو و كلة دخل قاللك هات الجين 2 احسن و لما الراجل وضح انها برة حساباتة الموضوع ختم بمقولة على الاقل مش صينى .
طب لية كدة - بجد بقت حاجة مستفزة جدا من ملاك الجين 2 -
فى موضوع تانى برضة معمول على كيفية تقييم السيارات بصفة عامة - و احد معاة الجين 2 دخل حط تقييمة عنها - و للاسف التقييم معجبش - المتعصبين - من ملاك الجين - فنال ما يستحقة من وجهة نظرهم و اتهموة انة بيفرض رأية على بقية الناس و اشياء من هذا القبيل ( على الرغم من انى لم المس منة ذلك - بل وصل الامر الى حد التطاول علية .
لية يا جدعان التعصب دة .
خصوصا ان مفيش مجال لية - يعنى الراجل مش داخل يعمل مقارنة بين الجين و ال frv دة بيسأل عن عربية بعينها - و بعدين اية الالحاح دة - بجد حاجة غريبة جدا .
طب افترضوا معايا ان واحد عامل موضوع فى قسم بروتون بيسأل عن الجين 2 - يدخل واجد يقولة اشترى نيو اكسنت احسن على الاقل دى كورى مش ماليزى - اعتقد بردة انها هتبقى حاجة مستفزة .

يا عزت باشا احنا هنا كلنا بخندم بعض وبننقل تجاربنا ومافيش اي حزازيه ولا استفزاز انت روق كده همه بس اصحاب الجين من كتر ما مبسوطين بيها عايزين الناس كلها تركبها والعربيات الصينى وخصوصا البريليانس حاجه تانيه وفعلا عربية جميله حتى انا بفكر اجيب لمراتى وحده زيها عشان حباها وعلى فكره العربيه محترمه جدا ومنافسه وكلنا بتحترمها حتي شوف مشركتى ديه مالك اف ارفي كان بيهزر مع واحد وانا بحسبه بيتكلم جد فرديدت الرد ده من بدري قبل مشاركتك
http://www.nilemotors.net/Nile/showt...t=68779&page=2
وطلع انه بيهزر يا عمنا احنا بنقدر العربية او انا عن نفسي بقدرها ومعجب بيها وبحب شكلها برضوا ...... روق كده وصافي يا لبن اما بخصوص موضوع المقارنه ده كان حاجه تانيه خالص والمواضيع وضحت فى الأخر ... انت جارنا اللى تحتينا فى المنتدي وميخلصناش زعلك

تحياتى ليك ولل اف ار وكل البرلينسيه واستاذ ايمن وضح شوية حجات على الجين مفيدة فعلا .......... قال لى بقا انت امت هتغير للجين تو ( حته هزار ديه ها مش تعصب ) روق ياباشا روق

تحياتى

المشاركة الأصلية كتبت بواسطة ezzatfox

شكرا يا استاذ محمد على ذوقك و اسلوبك الراقى
انا مش زعلان من حاجة خالص .. بالعكس .. بس حبيت اقول وجهة نظرى فى حاجة استفزتنى
و على فكرة ... انا مش معايا frv انا معايا هيونداى .. بس مش معنى كدة انى ابقى متعصب ليها و اهاجم اى حاجة تانية .. مفيش عربية مفيهاش عيب سواء الجين او ال frv او اى عربية تانية .. اهم حاجة الواحد يشوف اية متطلباتة من العربية .. اللى ممكن يعجب حضرتك و يرضيك ممكن اوى ميرضيش غيرك .
و شكرا ليك مرة تانية .

العفو يا جميل ده من كرم اخلاقك ووجهة نظرك فوق راسي من فوق وانت جبت المفيد ... "اهم حاجة الواحد يشوف اية متطلباتة من العربية .. اللى ممكن يعجب حضرتك و يرضيك ممكن اوى ميرضيش غيرك "

خالص مودتى