نصيحة ما بين رينو كليو ودايو لانوس

**titoboy** · 23-05-2009 03:47 PM

انا يا جماعة قدامى عرضين....
العرض الاول:
لانوس موديل 2001 جميع الكماليات مانيوال عاملة 150 الف كليو عايزة تتعمل سمكرة وتترش هى فابريكة من جوة وبرة وطالب فهيا 40 الف جنية

العرض التانى:
رينو كليو موديل 2001 جميع الكماليات مانيوال عاملة 64 الف كيلو ده مش عايزة تتعمل فيها ولا دوكو ولا سمكرة ولا اى حاجة العربية كانت مرفوعة سنين وهى فبركية برده جوة وبرة

عايز اعرف اخد انهى واحدة فيهم وايه اخبار قطع الغيار مع العلم ان الرينو غالية فى قطع الغيار بس انا عايز اعرف اراء الناس فى الاتنين دول وياريت ترده عليا فى اقرب وقت علشان اختار ما بينهم

**aks601** · 24-05-2009 05:21 PM

العربية الرينو عربية قوية وجميلة لو حا تقدر تصونها صح

**Ahmed Selim** · 24-05-2009 06:12 PM

المشاركة الأصلية كتبت بواسطة aks601

العربية الرينو عربية قوية وجميلة لو حا تقدر تصونها صح

+11111111111

أسعار صيانتها هتلاقيها فى موضوع مثبت فى قسم رينو

و اللنوس برضه كويسة بس فى فرق 85 ألف كم اللنوس مشياهم أكتر و دول مش قليلين.

لو تقدر على الكليو توكل على الله و أكشف عليها و مش هتندم بأذن الله و لو مش هتقدر يبقى أصبر و دور على لانوس تانية تكون ماشية أقل.

بالتوفيق إن شاء الله

**pro_samir** · 24-05-2009 09:20 PM

لو عايز الأضمن كل الناس هتقولك خليك فى الانوس
بيعها سهل والعربية منتشرة وقطع غيارها موجودة باسعار كويسة
وكعربية فهيا ممتازة
طبعا الرينو ممتازة برضو بس ملهاش سوق فى مصر

**yaskhl** · 25-05-2009 03:44 AM

فيه واحد كان عمل إعلان لانوس 2001 فابريكة بالكامل والعداد أقل من 68000 وحالتها ممتازة أحسن من اللى بتقول عليها ومافيهاش مصاريف وطالب 43000 هاشوف لك نمرة الموبايل يتاعه

**Ahmed Selim** · 25-05-2009 09:46 AM

المشاركة الأصلية كتبت بواسطة nour87

و موضوع العداد دة مش مهم هو مش كبير اوي للدرجة

تفتكر 150 ألف مش كتير ؟؟؟؟

اللانوس سوقها أحسن.....معاك فى دى
الكليو موضوع طرمبة البنزين ده مش مشكلة عامة فى العربية و بتتصلح ب 150 جم مش بتتغير.

عموماً ربنا يوفق صاحب الموضوع فى اللى هو عاوزه بس نصيحتى ليه بلاش عداد فوق ال 100 ألف كم عشان العربية ( أياً كانت ) متتعبهوش

**M.FOUAD** · 25-05-2009 11:19 AM

المشاركة الأصلية كتبت بواسطة ahmed a.maksoud

تفتكر 150 ألف مش كتير ؟؟؟؟

اللانوس سوقها أحسن.....معاك فى دى
الكليو موضوع طرمبة البنزين ده مش مشكلة عامة فى العربية و بتتصلح ب 150 جم مش بتتغير.

عموماً ربنا يوفق صاحب الموضوع فى اللى هو عاوزه بس نصيحتى ليه بلاش عداد فوق ال 100 ألف كم عشان العربية ( أياً كانت ) متتعبهوش

لا مش كثير العربية موديل 2001 .بمعنى اخر لو العربية الطبيعي بتعمل 20الف في السنة المفروض تكون عاملة دلوقتي 160الف .لان التوكيل مثلا بيعطيك ضمان 60 الف كيلو او 3 سنين ايهما اقرب يعني 20 الف في السنة.و موضوع العداد دة مش مهم ابدا في اي عربية مستعملة اهم حاجة حالة الموتور لانك ممكن بسهولة جدا اي حد يغير في ارقام العداد و بدل 150 تبقى 50 زي ما التجار بيعملوا