شوفولي حلفي سرعة العربية

**samirayad** · 24-05-2009 10:22 PM

لا انا اشتريت العربية وكانت بتجيب ال170 وانا مزودتش عن كدة وبعدين ركنت العربية لمدة شهرين لظروف عملي

أنا أستشفيت سبب اللى حصل من الجمله دى ( وركنة العربيه هى اللى عملت كده فى الغالب )

ولقتها مش عاوزة تزيد عن 150

الحدث ده .....بيحتمل حاجتين (تقل فى بلى العجل بسبب عدم حركة العربيه لفتره طويله بالأضافه الى حدوث تآكل خفيف على الشمايز من الداخل بسبب ركنة شنابر المحرك على وضع وقوف معين بدون أتخاذ أسلوب تخزين السياره الصح عند التوقف لفتره طويله .....اللى هما الشهرين )

وبعد تغير الجوانات الخاصة بالفرن لقيت ان العربية مش بتزيد عن ال145

الحته دى اللى غريبه شويه .......فقد يكون سببها أحتمالات تقادم متكرره للبلى (علشان الشنابر أشتغلت تانى والمفروض أنها أستقرت خلاص .....ولكن تقل البلى ممكن يؤدى الى تدهور حاله مستمر بسبب الركنه ) وقد يكون سببها وجود خلل فى تركيب جوانات الفرن مثلا ....وفيه عادم بيهرب خفيف من بين الفرن والبلوك .....وطبعا ده بيعمل خلل فى منظومة الشكمان .............................هذا والله أعلم

وعملت تنظيف لللايدل كنترول وبرضة مفيش فايدة بقت 138بالعافية

دا أيه الموضوع ده ......طيب عملت أيدل ليرن بعد مانضفت البلف

يا باشمهندس سمير نظرا لقلة الكمبيوتر في الشغل فأطريت ادخل من حساب زميلي في العمل الاستاذ ايمن وانا اسف للخفنة دي انا محمد وداخل باسمي domty78 وشكرا لاهتمامك

ياباشا ولا يهمك .....أصل أنا بأحب أعرف الأمور بالضبط ............وسلامى ليك ولأخونا الأستاذ / أيمن

وانا رقم موبيلي 0101590360 ولوحضرتك تفضلت ورنتلي هكلمك علي طول واسف للتداخل اللي حصل جوليتاوي جديد

حرن عليك علشان أسلم عليك ......ولكن يفضل بعد أذنك أستمرار التحاور عن طريق النت ........للمشاركه من قبل جميع الزملاء........................أشكرك

**samirayad** · 24-05-2009 11:06 PM

أنا بعد ما أتكلمنا سويا يامحمد باشا : كنت عاوز أسألك (أنت غلست العربيه فى بنزينه بعد الركنه الأخيره مثلا ).............؟؟؟؟؟

**waleedrahmy** · 24-05-2009 11:50 PM

وقد يكون سببها وجود خلل فى تركيب جوانات الفرن مثلا ....وفيه عادم بيهرب خفيف من بين الفرن والبلوك .....

في اعتقادي ان ده السبب الرئيسي لعدم سحب العربية في السرعات العالية

**samirayad** · 25-05-2009 12:02 AM

المشاركة الأصلية كتبت بواسطة waleedrahmy

في اعتقادي ان ده السبب الرئيسي لعدم سحب العربية في السرعات العالية

والله يا أخويا : وليد الموضوع محير .....وليه أحتمالات كتير .........................ولو هو كان غسل العربيه بخرطوم ضغط عالى.......ممكن يكون ميه دخلت لبلى العجل برضه .......وبكده السحب والسرعه حيقلوا معاه برضه........[gdwl]علشان كده نصحته يغير شحم البلى بعد مايختبر صوت البلى على جهاز الترصيص وهو رافع الفرد واحده واحده..[/gdwl]............

**domty78** · 27-05-2009 01:57 AM

باشمهندس سمير اشكرك جدا جدا حتي تستغيث و الله يا هندسة كان شكك في محلة الميكانيكي رفع العربية علي الكوريك جوة المحل وسمع صوت احتكاك في العجلتين الشمال ولقي ان البلي اللي ورا مسافر خالص واللي قدام فية خشونة وواجب التغير ورحت جبت بلي للعجلتين وركبناه وكانوا عاملين تسعين جنية لللاتنين معا وكدة معمول معايا واجب جامد من محل قطع الغيار زي ماقالي صاخب المخل وركبوا ولكن عشان انا في مصر مفيش مكان غير الدائري يتجري علية وبحظر وجبت 140 ومعرفناش نكمل وتأجل لبكرة الاختبار علي طريق الواحات اكتوبر عشان فاضي ودة هيكون راي الميكانيكي لو محتاج اغير اسطوانة وديسك وبلية او لا ادعولي تجيب فوق ال170 عشان متعورش في فلوس تاني جوليتاوي
[caution]
يرجى من العضو مراعاه الدقة فى كتابة لفظ الجلالة

مشرف القسم[/caution]

**samirayad** · 27-05-2009 07:08 AM

مبروك وربنا يكرهك فى السرعه العاليه دى......وياأخى أبقى أطلع بدرى شويه من بيتك وسافر بسرعه معقوله.........!!!!

**swimmer25** · 27-05-2009 10:53 AM

المشاركة الأصلية كتبت بواسطة domty78

باشمهندس سمير اشكرك جدا جدا حتي تستغيث واللة يا هندسة كان شكك في محلة الميكانيكي رفع العربية علي الكوريك جوة المحل وسمع صوت احتكاك في العجلتين الشمال ولقي ان البلي اللي ورا مسافر خالص واللي قدام فية خشونة وواجب التغير ورحت جبت بلي للعجلتين وركبناه وكانوا عاملين تسعين جنية لللاتنين معا وكدة معمول معايا واجب جامد من محل قطع الغيار زي ماقالي صاخب المخل وركبوا ولكن عشان انا في مصر مفيش مكان غير الدائري يتجري علية وبحظر وجبت 140 ومعرفناش نكمل وتأجل لبكرة الاختبار علي طريق الواحات اكتوبر عشان فاضي ودة هيكون راي الميكانيكي لو محتاج اغير اسطوانة وديسك وبلية او لا ادعولي تجيب فوق ال170 عشان متعورش في فلوس تاني جوليتاوي

السلام عليكم ورحمة الله وبركاته
علي الدائري 140
احلي كلام
اذا انت عارف انك عمرك ما هتجيب فوق 140 بداخل المدينة (اللي انا اعتبرتها الدائري)
تعرف انت ظلمت كام شخص وانت جايب 140 علي الدائري بين باقي السيارات
انت ظلمت كل سائق لسيارة انت مشيت جنبها وانت علي هذه السرعة

فمابالك ب 170
ده انت يا اخي اذا قابلك موقف وانت فقط علي 100 بتقول يارب العربية تقف

انا لما بمشي 110 علي الدائري واكون مستعجل بقعد اؤنب نفسي بعدها واحمد ربنا اني وصلت
علي فكرة انا بحب السرعة جدا ولكن..............

ومش بحب اخض حد ابدا ماشي علي سرعة اقل مني لان ده من ادخال الرعب بداخل قلب اخيك
ده غير طبعا اللي ماشي 50/60 وعلي الشمال بتخنق منهم جدا لانهم بكده مش بيراعوا قواعد المرور

اخيرا اتق الله يا أخي في اخوانك

**kemoelord** · 31-05-2009 03:24 PM

هي يا جماعه الركنة السيارة لمدة او فتره كبيرة مثلا سنه او عدة شهور بتأثر على حالة المحرك والسيارة بشكل عام ,,,,, يا ريت بس حد يوضحلي النقطة ويشرح كيفيه تخزين السيارة بالشكل السليم

**samirayad** · 31-05-2009 04:24 PM

نعم ركنة السياره لمده طويله بدون مراعاة أصول التخزين مش كويسه .......وأدى القواعد العامه للتخزين الصحيح http://www.nilemotors.net/Nile/showthread.php?t=78001