مبرووووووووووووك الأهلي!

**hamedo0** · 24-05-2009 09:39 PM

الف مبروك الدورى علينا يا اهلويا وعقبال الموسم القادم ان شاء الله

**ابو حسين** · 24-05-2009 09:44 PM

الف مبروك للاهلي

**Tam** · 24-05-2009 09:45 PM

المشاركة الأصلية كتبت بواسطة mido777

فاهم قصدك طبعا وياريت الناس تفهم كده برضه
وعلى فكرة انا زملكاوى جدا بس فى نفس الوقت برده عارف انها منافسة رياضية وفى الأول وفى الأخر لازم نقول مبروك للفائز وهاردلك للخاسر

أحييك على الروح الرياضية-المتوقعة من مشجع لفريق عريق ومحترم-و يا رب يا رب المشجعين سواء أهلي أو زمالك أو إسماعيلي تفهم النقطة دي!
ويا جماعة أنا باكررها عشان أوضح أكتر..
أنا أقصد حالات بعينها زي ما محمد بك فهم قصدي..
سؤال بقى للإسماعيلاوية والزملكاوية وسؤال بجد مش تريقة
هل يا جماعة شايفين إن الحكم دة وحش وهو اللي خسر الإسماعيلي زي ما كابتين أحمد العجوز قال؟
ودة سؤال بجد مش تريقة زي ماقلت!

**Terrible_DaRsH** · 24-05-2009 09:51 PM

المشاركة الأصلية كتبت بواسطة tam

الإسماعيلي زي ما كابتين أحمد العجوز قال؟

3 نقاط بس .

اولا احمد العجوز ده مجنون اصلا زى حسام حسن كده و لازم كل ماتش مهما حصل يجيبوا السبب فى الهزيمة على حكم المباراة .

ثانيا : لو فى مصر جابوا لهم حكام اليكترونيين و الله هيعيبوا فيهم برده ..

ثالثا و ده الاهم بلاش نخرج بره الموضوع و نبوظ الفرحة .. ده انا اساسا كنت محضر موضوع مخصص لدرع الدورى لكن انت سبقت بقي :)

مرة تانية مليون مبروك للبطولة المفضلة للرجـــــــال ..

**Tam** · 24-05-2009 10:05 PM

يا درش الموضوع موضوعك يا باشا..ممكن أكتبه بإسمك في قسم الشهر العقاري لما يعملوه
وفعلا الناس كلها ملاحظة إن كل هزيمة بيجيب العيب على الحكم
مبروك للأهلي..وداعا خوزيه..والله بجد الراجل دة باحبه جدا!مع إنه مش قريبي!

**Sharky** · 24-05-2009 10:13 PM

مبروك للأهلى قوزه بالدورى عن جدارة و استحقاق و هو دا الوضع الطبيعى للأهلى
و هادرك لك للإسماعيلى و الزمالك و الترسانة و طلائع الجيش و انبى
و هارد لك خاص جدا لفاروق جعفر و خالد الغندور

و المانجة باظت
ههههه:k48:ههههههههههههههه

**أبومعاذ** · 24-05-2009 10:29 PM

ألف مبروك و عشان الناس اللي مش بتعرف كورة كويس الجون الملغي بتاع الاسماعيلي فاول فعلا بس مش على اللعيب اللي جاب الجون على اللعيب الاجنبي بتاع الاسماعيلي اللي شد حارس الاهلي و خلاه ميعرفش ينط على الكورة و شوفو الكورة دي تاني عشان تتاكدوا
وبرضو الجون بتاع ابوتريكة بتاع الجيش مش فاول لان لما واحد بيزق واحد بيقع على الارض مش بينط لفوق زي ما المدافع بتاع الجيش كان بيمثل