تظبيط المازدا 323

**bahaa660** · 25-05-2009 02:19 AM

السلام عليكم يا جماعة
انا جبت مازدا 323 1500 سي سي
عاوز ارَوشها واظبطها واعمل عليها شوية تعديلات تليق مع كلاسيكيتها يا ريت تدلوني اعمل ايه لان المنتدي كله مفيهوش شغل عن العربيه دي

**MMamdouh** · 25-05-2009 11:29 AM

whats your budget?
how much HP are you aiming for?

MMamdouh

**bahaa660** · 30-05-2009 01:23 AM

انا عاوز اعدل الشكل الخارجي وداخل السيارة
وعاوز اعظبط السحب كمان وكده
اما الميزانية فا انا من النوع اللي بخطف حاجه حاجه عليمهلي يعني

**dr_timo** · 26-05-2009 08:03 AM

لو تعديل خارجي يبقي سبويلار لطيف كدة ورا مع حبة رموش فوق الابواب ولو فتحة سقف يبقي قشطة وجنوط وياريت تبقي اكبر من اللي فيها درجة او اتنين مع لون ميتاليك لزيز علي زوقك ولو عملتلك اكصدامين هابطين حبة مع عتب يبقي كملتها وكدة اخر حلاوة جوة بقي فرش جلد مع كاسيت سي دي شيك وسماعات حلوة بيونير او كينوود ولو التابلوه تعبان يبقي لببسه جلد مع طقم دواسات حلو وطقم دواسات للبدالات ماشي مع لون الفرش مع كونسول اللي هوة المسند اللي بين الكورسيين اللي قدام مع مخدعين راس شكلهم حلو التظبيط الرياضي بقي مليش فيه اوي لاني مش من هواته ولا من هواة الجري

**khaled_rafea** · 01-06-2009 09:08 PM

لو موديل 82 تقدر تغير الشنب والشبكة والاكصدام والفوانيس قدام ب موديل 83 (انسيابى اكتر و اجمل) و تصب فوانيس خلفية (مش مكلفة و اجمل بكتير وبتعيش)و بالنسبة للصالون تعمل كراسى طيارة وفرش جلد للكراسى و البيبان و تجلد التابلوة وممكن ترشة اى لون يعجبك والسقف تصبة فيبر و تكسية استوفة مع الجنوط ال 14 حتبقى لذيذة,ممكن اعرف منك لونها اية, انا كان معايا زيها و ممكن افيدك ان شاء الله اكتر

**bahaa660** · 02-06-2009 02:31 AM

العربية لونها بيج وفيها اسبويلر بيج برضه وجنوط مازدا 292
ويعني ايه يا باشا اصب السقف واكسيه استوف وده اعمله فين ويتكلف كام

**bahaa660** · 06-06-2009 12:14 PM

المشاركة الأصلية كتبت بواسطة bahaa660

العربية لونها بيج وفيها اسبويلر بيج برضه وجنوط مازدا 292
ويعني ايه يا باشا اصب السقف واكسيه استوف وده اعمله فين ويتكلف كام

محدش هنا والا ايه؟
:)

محدش بيرد ليه

**khaled_rafea** · 17-06-2009 12:58 PM

سورى يا باشا على التأخير الشديد فى الرد, اسف بشدة, انا قصدى تعمل كسوة للسقف استوفة زى الدايو كدة بس دى لازمها فيبر تحتها, و اللون تقدر تعملة نفس لون الجالينا البيج الجديدة والسقف اسود جلد, بالنسبة للصالون يلزمك استورجى كويس و دول كتير جدا و واحد بتاع فيبر شاطر, و ممكن ابعتلك نمرتى على الخاص لو احتجت اى حاجة فى الماذدا

**bahaa660** · 22-06-2009 02:06 PM

المشاركة الأصلية كتبت بواسطة khaled_rafea

سورى يا باشا على التأخير الشديد فى الرد, اسف بشدة, انا قصدى تعمل كسوة للسقف استوفة زى الدايو كدة بس دى لازمها فيبر تحتها, و اللون تقدر تعملة نفس لون الجالينا البيج الجديدة والسقف اسود جلد, بالنسبة للصالون يلزمك استورجى كويس و دول كتير جدا و واحد بتاع فيبر شاطر, و ممكن ابعتلك نمرتى على الخاص لو احتجت اى حاجة فى الماذدا

طيب ياباشا ماقلتليش موضوع السقف ده بيتكلف كام وممكن اعمل في اي شكل زي مكان غاطس مثلا للشماسات والكلام ده وفين بيتعمل
وعندي استفسارات كتير في العربيه دي ياريت نتواصل سوا ياباشا ضروري وياريت تبعتلي تليفونك عالميل
mohamedbahaa660@hotmail.com
اكون في غاية الشكر ياريسنا