الموضوع: كاوتش البيتلز

اعتقد انه ماينفعش يركب على الجنط اللى عندك
لانه الجنط اللى عندك مقاسه 15 وده مقاس البيتلز الطبيعى
واللى هتشتريهم 16
هيكونو اكبر من الجنط
وده شرح بسيط للأرقام اللى بتبقى مكتوبه على الكاوتش
P معناها اطارات سيارة للركوب
195 ده عرض الاطار بالملي متر عند اعرض نقطة (يعني 19.5 سم)
55 معناها ان ارتفاع الكاوتش 55% من عرضه (يعني 10.7 سم)
R معناها اطار ريديال Radial يعني بنيه الإطار مكونة من أشرطة معدنية
16 مقاس الجنط بالبوصة (معظم العربيات بتبقى 13 او 14 بوصة)
85 معامل التحميل ومعناه 515 كجم لكل اطار (وهاضيفله جدول تحت)
H معامل أقصى سرعة يتحملها الاطار ومعناه هنا 210 كم /ساعة (وهاضيفله جدول تحت برضه)

جدول معاملات التحميل

جدول معاملات السرعة

شكل الاطار موضح عليه التفاصيل

نيجي لنقطة مهمة
وهي تاريخ تصنيع الاطار
للأسف معظم الحوادث اللي بتحصل بتبقى بسبب ان الاطار صلاحيته انتهت من غير ما الناس ما تعرف
المفروض كل مرة تروح عند بتاع الكاوتش تخليه يكشفلك عليهم كويس
وحاجة تانية هي اللي هانتكلم عليها من ضمن البيانات اللي بتبقى مكتوبة ع الكاوتش وهي تاريخ التصنيع
المفروض الكاوتش ما يُستخدمش بعد 5 سنين من تاريخ انتاجه (يعني كمان مش من تاريخ استخدامه!!) وطبعا الاستخدام يكون زي ما هو مصنع عشانه (اختلاف أنواع الطرق)
كمان وانت بتشترى كاوتش مستعمل
لازم تخلى بالك ان مايكونش فيه اى جزء منتفخ ولو بسيط
ويكون السمك بتاع منطقة الاحتكاك بألارض كويس
وميكونش فيه خوابير كثير
وميكونش فيه عالى وواطى
خلى بالك الكاوتش وهو مش منفوخ بيبان انه كويس
بس بعد مايتنفخ ويركب وتمشى بيه بيبان عيوبه
وميغركش شكل الكاوتش النظيف لانهم بيغسلوه كويس بالصابون وبيخلوه زى الجديد

واى استفسارات اخرى نحن فى الخدمه

صور الموضوع وبعض المعلومات منقوله للامانه