Bendix
FBK
Remsa
عرض للطباعة
Bendix
FBK
Remsa
انا كنت داخل اعرفكم نتيجة تجربتي للنوع fbk
ولقيت الموضوع الجميل ده ووفر عليا عمل الموضوع
المهم
وعن تجربتي له بعد 1000 كم
بيصفر زي بتاع التوكيل بالظبط
وكان كلام الميكانيكي اللي غيرهولي سابقا انه خامته كمان رديئه
اما باقي الانواع منتظر من الاخوه الكرام اللي جربوه يفيدونا عن تجربه ومكان الشراء
تحياتي
شكرا يا تويتى وربنا يسهل والاعضاء يرودو علينا
لان اعتقد هيه ديه اكتر حاجة بتخنق كل اللى معاهم الجين تو
على فكرة اللى راكب عندى بردو fbk
وبيصفر احيانا على السرعات البطيئه
هما الناس اللى فى ماليزيا بيغيروا تيل الفرامل بايه؟ لو حد يعرف منتدى ماليزى او كدة يشوف ويقولنا ممكن نبعت نجيب طلبية لينا كلنا ، هو تيل بالانجليزى يعنى ايه؟.
تيل فرامل يعنى
Brake Pads
أستاذ تويتى ............. كنت عايز أشارك فى موضوعك الأولانى بخصوص تيل الفرامل بس قلت أصبر شويه لحد مجرب التيل بتاعى لأنى كنت لسه مغيره من 3 أسابيع و عامل بيه دلوقتى حوالى 1500 كم
بس أنا كان ليا تعليق صغير على مشاركتك اللى قلت فيها "وكان كلام الميكانيكي اللي غيرهولي سابقا انه خامته كمان رديئه " معلش هوه الميكانيكى بتاعك حكم على أى أساس أن التيل خامته وحشه أو رديئه و أن ده أحسن من ده, معلش مع أحترامى الراجل ده بيفتى و مش بيتكلم على أى أساس أو حتى تجربه لأن الفرق فى الجوده فى التيل مش بالشكل.
المهم أن رحت التوكيل من 3 أسابيع و غيرت التيل لأن كان فى مشكله فى الطنابير و كانت حتتغير فى الضمان فقلت أغير التيل بالمره لأنه كان ٌقرب يخلص و بصراحه معنديش وقت ولا خلق أروح التوكيل تانى أغيره. بس الغريب أنى بعد ماغيرته كنت متوقع القى صفاره أو حكه بس مالاقتش حاجه من دى خالص والتيل الجديد (الماليزى) كان زى القديم (الألمانى) بالظبط فى الصوت والأداء وبكرر ماحصتش بأى فرق على الرغم أنى كنت متوقع عكس كده حسب ماكنت بأسمع
فأعتقد أن التوكيل غير نوع التيل اللى كان بيستعمله أو أن الطنابير الجديده مع التيل الجديد مش عاملين مشكله دلوقتى بس حتظهر المشاكل اللى أنتو قلتوها بعدين
أنا بس حبيت أحكيلكم تجربتى لحد ما نستقر على موضوع التيل ده بس أنا مانصحش أى حد يغير التيل بره التوكيل عشان ضمان الطنابير
علي فكرة أحب أضيف ان التيل اللي ما بيعملش صوت بيبقي ما فيهوش نحاس كتير و فيه اسبستوس كتير و ده خطر علي البيئه و شركات أوربية كتير لا تقر استخدامة !
أما إحنا في المحروسة .. فنفضل استخدامه
الريمسا أفضل
و الله يا جماعة بما أني لسة ما غيرتش التيل فمش هاقدر أشارك معاكم في أي أستطلاع .
و منتظرين الناس اللي جربت تيل من برة التووكيل تقول رأيها و لو أني مش مع موضوع تغيير التيل خارج التوكيل علشان ضمان الطنابير .
و شكرا لمشاركة الأستاذ أحمد تويتي و مشاركتنا معه تجربته مع التيل الخارجي و ربنا يبارك له إن شاء الله .
و شكرا للأستاذ م مرموش على تبليغه عن تجربته مع التيل الموجود في التوكيل حاليا .
يعنى كده يا جماعه آخر كلام الريمسا هو الحل ولا ايه ؟؟؟
تحياتى
الاستاذ م - مرموش
اولا اهلا بحضرتك
ثانيا الراجل الميكانيكي مالوش ذنب وهو الراجل شرحلي حاجه وانا شفتها بعيني واقتنعت بيها
واللي هي
ان شكل التيل بيبان مبدأيا واللي هو لما يكون فيه نحاس كتير لازم يصفر ودي بتظهر على شكل قطع صفراء صغيره على التيل
ثالثا لما التيل بتاع التوكيل بعد 7000 كم وعلى طرق سريعه مش جوه البلد احس بحكته في رجلي واسمع منه الصفاره الجميله دي واقرر اني اغيره بره يبقى ده راجع لانه الخامه بتاعته لما فكيناه من العربيه وشفناه ناشفه جدا بدليل اننا لقيناه مانقصتش سماكته وكأنه مش بيخلص وده بالتالي بياثر على الطنابير
من المفروض انه يحصل تأااكل للتيل مع المشي ولكن منين بأه
الضمان بتاع الطنابير مش هيهمني لاني لو غيرت التيل بره 3 مرات يبقى جبت تمن الطنابير الجديده
ولا ايه ؟؟؟؟
تحياتي
بالمناسبه انا من الاعضاء اللي عمري مااقول اي معلومه وانا مش متأكد منها
لازم اكون مجربها او سمعتها من مصدر موثوق منه
ولكن مش بحب افتي
أخى الأستاذ تويتى
أولا أنا ماقلتش أنك بتفتى خالص, أنا كان قصدى على الميكانيكى (عشان ماتفهمنيش غلط) :_Alshmokh11:
ثانيا أنا مشاركتى كان القصد منها أنى بعتقد أن التيل اللى فى التوكيل أتغير لأنى مش شايف فيه أى مشكله لحد دلوقتى مع العلم أنى معملتش نفس الكيلومتر بتاعك (ولا حته ربعه ) بس أعتقد أن لو فيه مشكله مش حتستنى كل ده وكانت ظهرت من بدرى (أدينا لسه بنجرب و ممكن تظهر مع الأستعمال)
ثالثا الضمان مهم لأن الطنابير ثمنهم 1400 جنيه (الأماميين فقط) يعن أغلى من تمن التيل (225) فأنا ممكن أضحى بال 225 كل 20,000 كم ولكن مش حجازف ب 1,400 و خصوصا أنهم بيبوظو لوحدهم (مع التيل الأصلى) ..... فى الأخر وجهات نظر
أرجو أن أكون وضحت وجهات نظرى
وشكرا
م - مرموش
انا فاهم وجهة نظرك وانا قلت اشرح فقط وجهة نظري
مع احترامي الشديد جداااا لحضرتك ولكل الاعضاء
وربنا يبارك لنا في سياراتنا اجمعين
تحياتي
يعنى هوا Remsa
ولا ايه؟؟
مش شايف غير 2 بس اللى اختاروه Remsa
وباقى الاختيارات صفر
يا جماعه التيل اللى فى التوكيل دلوقتى مافيهوش حاجه
أنا مجربه لغاية دلوقتى أكثر من 2500 كم و مش فارق عن البوش الألمانى فى حاجه (لابيصفر ولابيحك)
ياريت لو حد غيره برده فى التوكيل قريب يفدنا
مخدتش بالى لأنى ماكنتش واقف ساعتها و هما بيغيروه , كان كل همى أخد التيل القديم و اتأكد أن الطنابير الجديده اللى ركبت جديده فعلا مش متصنفره و بعد كده خرجت بره لأنى كنت متخيل أن التيل اللى حيركب هوه التيل القديم اللى بيصفر مع الكل فامخدتش بالى من علبة التيل ولا ماركته
التيل اللي بيركب في التوكيل حاليا نوعه بروتون ( مصنوع عن طريق الشركة نفسها )
و دي صورة العلبة
http://i39.tinypic.com/34hhxts.jpg
التيل عندى أبتدى يصفر بس على خفيف بعد تغييره ب 3000 كم (كده يبقة التيل اللى راكب عندى هوه نفس النوع اللى كان بيركب زمان و التوكيل ماغيروش)
لأ صفاره بسيطه وأنا لامس فرامل على سرعه بسيطه (أقل من 10 كم/ساعه) بس بتختفى لو دايس فرامل جامد على سرعه أعلى.
بس هى عامة بسيطه و مس مضايقانى و كانت موجوده عندى فى الكورسا قبل كده بسبب التراب
بالنسب للنوع أنا معرفشى أنى نوع بس مغيره ب 225 جنيها من حوال شهر فى التوكيل
هو ضمان الطنابير كام كيلو؟
انا جرت تيل تركى من عند ماجد فى المنصوره عامل معاى 30 الف كيلو
احيانا قليله اسمع صفاره مع اول ضغطه بتروح مع تانى ضغطه وبيمسك كويس مع السرعات المعتدله بس مجربتوش مع سرعه عاليه لوقوف مفاجىء لان ان طبيعة سواقتى فى الغالب هاديه
بالرغم اني مش بروتون العبد لله معاه سوزوكي
بس هقولكم تجربتي مع الـfbk
اول ما جيبته التيل كان ما شاء الله هايل و رائع و تمتدح فيه في كل حاجة كان الكلام ده من حوالي سنة لا كان فيه تصفير و لا تزييق و ما شاء الله في الفرملة بس ليه عيب واحد بينزل بودرة البودرة ع اد انه كويس لأنه مش هيأثر ع الطنابير لكن المشكلة انها بتدخل ع السرة و ديه تدربك الدنيا و لازم كل شوية هوا و تنضيف و حاجة تقرف
قولت مش مشكلة خلص القديم و ما شاء الله قعد مدة كبيير
قول اشتري تاني و مش مشكلة البودرة اظبطها بس ارتاح من التصفير جبته للمرة التانية كل الللي اقدر اقوله
سئ سئ سئ سئ سئ سئ
طول الوقت بيصفر عمركم شوفتوا تيل بيصفر من غير ما تدوس فرامل تدوس فرامل يصفر
التيل خلص بسرعة ملحقش يكمل اسمع صوت خبطة لما اجي ادوس فرامل يتضح لي ان التيل خفيف اساسا و تصنيع اللي اخدته كان ردئ و لا تحت بير السلم طبعا غير البودرة
لولا اني عارف الراجل اللي بجيب منه و شوفت الطباعة ع التيل و تثبت انه fbk انا كنت قولت ان انا اضحك عليا و اخدت حاجة مضروبة
و حاليا محتار عايز تيل نضيف زي الفبريكة مش لاقي و اي فتي يقولك هندي أصلي و تلاقيه برده بيصفر و حالته حالة و ميكملش و طبعا اكيد هتدفع ضعف تمنه المشكلة المعتادة عندنا من التجار و جشعهم و طمعهم
هجرب مرة أخيرة من مكان تاني هو أغلي بس برده حاجته نضيفة و اشوف الـfbk تاني جايز حظي جيه في واحد مش تمام
و ليا فكرة ليكم ممكن تجربوها بس محتاجة لف شوية حاولوا تولفوا تيل من اي عربية تانية
يعني مثلا الماروتي تيل الفرامل بتاعها هو هو تيل هوندا سيفيك 82 و 88
الابلاتين بتاع كورولا تسعينات
طقم دبرياج في موديل عندكم اعتقد واجا هو هو طقم هيونداي اكسيل و لانسر
فشوفوا يمكن تلاقوا حاجة احسن
التوكيل افضل واضمن
انا جبت من محل المدينة تيل أمامي أسمه اكس باد .. بيمسك كويس بس هو بيصفر على خفيف اوي بس بصراحة هو عاجبني اوي .. لان الصفارة اللي بيطلعها اهون بكتير من الرعشة والزنة اللي بيطلعها انواع تانية غيره وخصوصا تيل التوكيل اللي بوظلي طنابير العربية ..