حمد لله على السلامة و ربنا يكفينا شر طرقنا جميعا يا رب
عرض للطباعة
حمد لله على السلامة و ربنا يكفينا شر طرقنا جميعا يا رب
ألف سلامة عليك يا كريم وربنا يحميك ويحمينا من شر الطريق
وأهم حاجة يا جماعه نعود نفسنا قبل ما نطلع بالعربية اننا نقول دعاء الركوب ونتأنى في طريقنا ونعمل حساب خطأ الغير وربنا الحافظ
حمدلله على سلامتك ياكريم
قدر الله وماشاء فعل و إنا لله وإنا إليه راجعون
ربنا يرحم المتوفى ..ربنا يحسن ختامنا جميعا يارب
الحمد لله على سلامتك يا كريم
بس يا ريت لو تقدر تشرح ازاى الواح يسيطر على العربية فى حالة زى دى اكون شاكر علشان انا واعضاء كتير معندناش خبرة فى حاجة زى كدة
حمدالله على سلامتك يا كريم وربنا يحمينا من كل شر ويرحم السائق
لازم الواحد يتعظ يا جماعه ويلبس حزام الامان وخصوصا فى السفر والسرعات العاليه ...
شكرا على الموضوع
والف سلامة لك ولكل من فى الطريق
والبقاء لله فى من انتقل الى رحمه الله
عظه فى من كان يربط حزام الامان ومن لا يربط
واحد نجى والاخر فى ذمه الله
حسبى الله فى سائق الميكروباص لماذا لا يعطى اشارة تحذر من خلف بما امامه من خطر
الا توجد اشارات انتظار او توقف مفاجىء الا يكفى اشارة باليد كما يفعلوا لتحذر القادم خلفه من ان شىء ما امامه
الامس كنت فى 6 اكتوبر وذهبت من طريق الدائرى واتجاهى من موقف العاشر بمدينه السلام وذهبت بميكروباص فعلا الذاهب على الطريق الدائرى فى حكم الميت كل دقيقه بالسرعه الرهيبه من كل السائقين
ولا حياة لمن تنادى
ألف حمد لله على سلامتك يا أستاذ كريم ...
و شكراً على نقل تجربتك
الله يسلمك ويسلمكم جميعا من كل سوء
وشكرا جزيلا على دعاوتكم ولكم مثلها ان شاء الله
لاء هيا فعلا كانت بالليل
http://www.postimage.org/aVqGDX9.jpg
الساعة 12:20 بعد نص الليل وده اللي كان مخلي الموقف في منتهى السوء خاصة ان المنطقة دي مفيهاش اعمدة انارة اطلاقا
اصلي رحت ابات في شقتنا في اسكندرية عشان مش بحب اسوق الصبح بدري واعشان اكون صاحي براحتي
قبل اي شيء هيا ارداة المولى اولا واخيرا واللي مقدر لينا هانوشوفه مهما كانت مهارتنا ومش هانكون اكتر من سيينا اللي مات في حلبة سباق
شوف
انا لما لقيت الموقف ده وكنت ماشي في طريق مستقيم ضربت فرامل بشدة مع كلبشة الدركسيون بايديا الاتنين
وهنا مهم جدا انك حتى لو ماسك الدركسيون بايد واحد بتكون مستعد بالايد التانية
لاني قبلها بلحظات كنت لسه قافل السكة مع دكتور احمد سامي زميلنا وكنت بتكلم من بلوتوث العربية
ورغم انه ماكنش سامعني كويس الا اني مارديتش احول المكالمة عشان ماشغلش ايدي
لما كلبشت الدركسيون بايديا منعت العربية انها تلف حوالين نفسها
ولو طبعا العربية كان فيها abs ماكنتش لفت خالص بس كانت هاتاخد مسافة اكتر للوقوف ويمكن كنت لبست ساعتها مباشرة في الاسياخ
ولما العربية هديت سرعتها شوية قدرت انقلها الحارة اللي في النص لكن على سرعة عالية كدة ماكنش هاينفع
رغم اني باخد غرز قطم وقت اللزوم بس ساعتها فعلا احداثيات الطريق ماكنش ينفع واما كنت هاتسبب بكارثة
اخر تحذير انك اياك وفرملة اليد حتى لما تهدي عشان ماتلفش حوالين نفسها وربنا يستر علينا جميعا
انا لله وانا اليه راجعون