بخصوص اللابتوب ميني

**amir** · 27-05-2009 01:22 AM

المشاركة الأصلية كتبت بواسطة elpasha009

بالظبط كده يا دكتور الله ينور عليك
النصيحة التانية فعلا إنك مش محتاج السيدي نهائي لأنه أولا بيجي معاه ريكفري على الهارد.
الحاجة التانية إنك لو حتى عاوز تنزل نسخة خاصة بيك تقدر عن طريق الفلاش عادي جدا.
أنا منزل نسخة وندوز و2 لينكس بالفلاش وعمري ما عوزت السيدي في حاجة.

ياباشا ويندوز ايه بس
انا حاطه علي جهاز البيت علشان لو اتزنقت في حاجه كده ولا كده
لكن الc drive عامله 10 جيجا
و باقي الهارد 150 d drive
ده بالنسبه للهارد القديم
انما الهارد التاني بتاعي 320 جيجا للينوكس
و كمان الدرايف d عامله ماونت للينوكس باشا

**amir** · 04-06-2009 03:25 PM

المشاركة الأصلية كتبت بواسطة yehia

. لأنى بصراحة أما قعدت دقائق معدودة قدام نت بوك عينيا تعبتنى فعلا .. وبشكل ملحوظ ... رغم ان أغلب وقتى على الكمبيوتر بيكون على desktop وشاشته عادية كمان مش lcd ومحستش بالتعب ده قبل كده

اقولك انا مع اني مش دكتور عيون بس المثل قال اسئل مجرب ولا تسئل دكتور عيون

بص يا سيدي نفس الموضوع كان بيحصلي لما اقعد علي كمبيوتر اخويا فتره كده (شاشه lcd ) ايام ما كانت شاشتي عاديه
بالبلدي كده لما بتغير من ال سي دي ال عاديه او العكس طبيعي تصدع شويه و عينك توجعك لكن بالاساس شاشات ال سي دي اريح و أمن للعين عن العاديه

**amir** · 13-06-2009 03:37 PM

لسه ما اشترتش
انا بعت اللاب القديم بس لسه شويه علي الفلوس لما تجيني
ان شاء الله في خلال اسبوع او اتنين
بس موجود في المحلات كلها هناك مش متذكر اسم محل معين

**amir** · 14-06-2009 02:04 AM

فلوس اللاب القديم وصلتني و نزلت اشتريته النهارده
eee pc asus 1000h و غالبا البطاريه مش 9 خلايا زي ما كنت فاهم
سعره 1900 جنيه من تكنولوجي مول

**amir** · 14-06-2009 02:44 PM

المشاركة الأصلية كتبت بواسطة elpasha009

دكتور أمير
نصيحة لوجه الله خليك في الأسوس EeePC موديل 1000H أو 1000HE ودول الميزة اللي فيهم:
1-الشاشة 10 بوصة وبالتالي القراءة فيها أحسن بكتير من 8 أو 9 بوصة.
2-تقدر تركب أو تغير الرامات والهارد وكارت الوايرليس بسهولة جدا غير موديلات تانية كتير.
3-الكيبورد وضعيتها وزرايرها ممتازة جدا وزي الكيبورد العادية بالظبط (كمان الكيبورد في موديل 1000HE إتحسنت أحسن من 1000H)
4-بطارية 6 خلية وبتفضل شغالة بالضبط 5 ساعات وإنت طالع (موديل 1000HE بيجي ببطارية 9 خلية بتفضل 9 ساعات بس مش موجودة في مصر)
5-الوايرليس بتاعه يعمل بتقنية A/B/G/N وكمان على تردد 2.4 و5 جيجا.
6-إنتشار رهيب جدا في العالم ومبيعات خرافية وتقدر تعمل سيرش بسيط جدا على الجوجل هتلاقي ناس من كتر حبهم فيه عملو عليه شوية تعديلات وبقى تاتش سكرين:)
7-في موديل من 1000HE بيجي مدمج معاه موديم 3G.يعني تحط شريحة المحمول وتشتغل نت علطول من غير الموديم أبو 500 جنيه بتاع أي شركة من شركات المحمول.
8-السماعات وكمان المايك ستيريو.
9-مش فاكر حاجة تاني دلوقتي:)
د/ أمير الجهاز ده معايا من شهر 12 اللي فات وأنا أصلا شغال في السودان والإمارات ومصر يعني مبكملش في أي بلد من دول شهر وأتنقل.وشغلي والله العظيم في الصحراء.أنا مش عاوز أقول لحضرتك شكل الجهاز عامل إزاي دلوقتي وكمان وقع مني كذا وقعة محترمة.
البطارية مع كل الإستخدام ده ولسه زي ماهي مبتقلش عن 5 ساعات.
الجهاز كنت شاريه ب2700 من شهر 12 ودلوقتي على ما أعتقد إن الموديل الأعلى اللي هو 1000HE بقى ب2500 في مصر و2250 في السعودية والإمارات.

المشاركة الأصلية كتبت بواسطة elpasha009

نسيت أقول لحضرتك إني شغال عليه 24 ساعة وشغال بثلاثة أنظمة تشغيل (وندوز و2 لينكس) وبشتغل كل حاجة عليه ماعدا الجرافيك شغل بسيط جدا.
حاجة كمان بسيطة جدا وهي إنك لو عملت سيرش على كل الموديلات الموجودة قدامك مش هتلاقي حاجة فيها كل المميزات ديه وبالسعر ده.

المشاركة الأصلية كتبت بواسطة elpasha009

بالظبط كده يا دكتور الله ينور عليك
النصيحة التانية فعلا إنك مش محتاج السيدي نهائي لأنه أولا بيجي معاه ريكفري على الهارد.
الحاجة التانية إنك لو حتى عاوز تنزل نسخة خاصة بيك تقدر عن طريق الفلاش عادي جدا.
أنا منزل نسخة وندوز و2 لينكس بالفلاش وعمري ما عوزت السيدي في حاجة.

المشاركة الأصلية كتبت بواسطة ehab08

ألف مبروك وربنا يبارك لك فيهومنتظرين تقييم حضرتك ليه

المشاركة الأصلية كتبت بواسطة elpasha009

مبروك يا دكتور على الجهاز بس إزاي البطارية مش 9 خلية؟؟هي مكتوب عليها كام ah؟؟؟

ادي التقييم اللي انا اشتريت علي اساسه
البطاريه مكتوب عليها 6600 mah
بالنسبالي فالتقييم الشخصي بتاعي هياخد وقت طويل شويه