فيات موديل 126 موديل 87 ب 15 الف هل دا مناسب ارجوا الرد

**nicolass** · 25-05-2009 10:21 PM

السلام عليكم ورحمه الله وبركاته
العربية دى فيات 128 موديل
موديل 87
الحالة كويسة على حد قوله
واكيد رشة دواخل وكالعادة بيتقال عشان النظافة على اساس انه اهتمام بنظافة سيارتك الداخلية تعطيها اساس بالامان(على اعتبار انها مؤنث) هههههههههههههههههههه
فيها كاست سى دى
واللون لسة مش عارفة ولا عارف الحالته بالظبط
دى معروضة عليا ب 15 هو بدء ب 17 بس قبل ما اشوفها كنت بقولة انه مش هدفع غير 15 هل دا كويس؟؟؟؟؟؟؟؟؟
انا لسة هشوفها بكرا وهروح لميكانيكى او سمكرى مش عارف اروح لمين يعنى مين هيفيدنى اكتر ؟؟؟؟؟؟؟؟؟الميكانيكى ولا السمكرى
والمفروض لو حالتها ممتازة تبقة تساوى 15 ولو اقل تبقة تساوى كام ؟؟؟؟؟؟؟؟؟؟؟
واية المعيار الى هقيس بيه حالتها وانها تساوى كدا او لا ؟؟؟؟؟؟؟؟؟؟
والسعر دا هو زى ما بيقولوا(توبها) فى الوقت دا يعنى دا سعرها دلوقتى فعلا انه موديل 87 ب 15 الف
وانا اصلا لسة مش اتعلمت سواقة ولا اعرف حاجة فى العربيات يعنى هتعلم فيها

فـ اية اول نصائح اعملها عشان طبعا لو اتعطلت منى فى البداية هتبقى ليصة ونفسوية متدمرة يعنى اعمل اية فى الاول عشان اقلل اعطالها على الاقل لحد ما اتعلم
واعدل فيها اية وكدا
وكمان موضوع الشاسية اركب له شداد علطول عشان اريح نفسى وهيتكلف كام اصلا؟؟؟؟؟؟؟ ولا احط ورده احسن احتياطى؟؟؟؟؟

معلش واسف جدا اسالتى كتيرة بس انا المفروض بكرا هشوفها خلاص والموضوع تم بسرعة اوى......فـ ارجوا الرد

**nicolass** · 26-05-2009 01:16 AM

اسف يا شباب حصلت غلطة فى العنوان
هى فيات 128 مش 126

**abdelmessih67** · 26-05-2009 12:04 PM

السعر غي حدود المعقول يا أخ نيكولاس و ان كان قليل بالنسبة لموديل 1987 لو كانت الحالة كويسة .

عادة السعر حسب الحالة بنسبة أكبر من بحسب الموديل , يعني ممكن موديل 80 أو 82 تبقى أفضل من 87

و لكن لو ثبتنا الموديل و الحالة يعني 87 بحالة جيدة المفروض تعمل من 17 الى 18 أو 19 .

ياريت تبتعد عن العربية اللي رشة دواخل و بالذات ال 128 لان شاسيه ال 28 علب و ليس كمر كا 125 و 124 و ال 132 و ال 131 و دائما بأسمع عن ال 128 أن شاسيهها بيفتح يعني لحاماته ضعيفة فمن الممكن أن يكون صاحب السيارة لاحم الشاسيه أو القوائم و بيقولك نظافة و ما الى ذلك من الاشتغالات .

أبعد عن الشر و غني له بدل ما تجيب سمكري و ممكن تفوت عليه حاجات شوف عربية فابريكة دواخل و برضه تجيب سمكري و ميكانيكي يكشف عليها .