عاجل بخصوص كومبريسور التكييف

**superkenwood** · 25-05-2009 11:16 PM

أنا عايز أركب كباس جديد علشان اللي عندي بااااظ..
عربيتي opel vectra 1600 cc, model 2000

رحت ديافيا .. اللي قي كوبري القبة .. قالولي :

- كومبريسور جديد ضمان سنة بـ 2650 جنيه .. سألته صناعة ايه ؟ قالي مش عارف بس اللي حيركب أخو اللي راكب !!
- فلتر بـ 440
- اكسبانشن بار بـ 440
- تنظيف دائرة + شحن فريون + مصنعية = 880

يعني الاجمالي 4410 جنيه ...

اتصلت بمقار مدينة نصر وسألت المهندس اللي هناك قالي :

- الكومبريسور كوري ضمان سنة بـ 2450
- أوعى تغير الاكسبانشن بار علشان الأصلي مايتعوضش
- فلتر بـ 350
-شحن وتنظيف ومصنعيات 450

يعني الاجمالي 3250 جنيه

مع العلم انه في التوكيل في خصم 15% على قطع الغيار والمصنعيات .. اتصلت بمنصور قاللي الكباس موجود بـ 2882 جنيه .. قبل الخصم .. وبعد الخصم بـ 2450 .. يعني بنفس سعر مقار .. سألته الكباس صناعة ايه ؟؟ قاللي مش عارف .. قلتله طيب مين اللي يعرف ؟ قاللي مش عارف بس اللي حيركب أخو اللي فيها !!

أنا محتار أعمل ايه ؟ كل الناس بيقولوا ان التوكيل مابيفهمش كويس في التكييف زي ديافيا ومقار .. بس أنا عايز كباس كويس .. هل الكوري اللي بيقول مقار عليه كويس ؟ .. حد عارف كباس الفيكترا الأصلي صناعة ايه ؟

**abdelmessih67** · 26-05-2009 11:03 AM

الاخ الفاضل سوبر كينوود

الكمبرسور الكوري أغلب الناس بتشكر فيه و فيه التقليد بيكون تايلندي بنصف الثمن حوالي 1300 جنيه و لكن مركز ديافيا اللي في كوبري القبة سألت عنه أكثر من مرة و الكل قال انهم حرامية و مغالين جدا في اسعارهم و كل واحد يروح لهم يقولوا له غير الكمبرسور فبرجاء التأكد من موضوع تغيير الكمبرسور من أي مكان آخر .

في المراكبي في جسر السويس و في أكثر من واحد في الحرفيين و كان فيه عدة مواضيع في المنتدى عن التكييف فبرجاء مراجعتها

في الموضوع ده طرحته أيام ما كنت بأشتري عربتي التمبرا من شهرين و نصف و كان عن التكييف

http://www.nilemotors.net/Nile/showthread.php?t=62678

هتلاقي فيه كلامي مفيد عن ورش التكييف بمصر الجديدة

**kh_talaat** · 26-05-2009 11:10 AM

ايه الأسعار الفلكية دي

- فلتر بـ 440 !!!!!!!!!!!
شحن وتنظيف ومصنعيات 450 !!!!!!!!!!

**abdelmessih67** · 26-05-2009 11:46 AM

الاخ الفاضل كينوود

الاخ خالد طلعت فكرني بحاجة مهمة , انا شحنت التكييف في التمبرا بتاعتي من اسبوع و الحمد لله ماكنش في التكييف حاجة غير الشحن و اشتغل بكفاءة بحوالي 100 جنيه و الصنايعي كان عنده ضمير ( أرجو ذلك ) و قاللي أن الشحن كامل بيبقى بحوالي 150 أو 160 جنيه للفريون r134 اللي هو أحسن فريون حاليا لانه لا يضر البيئة و لا السربنتينة سواء الامامية او الخلفية و لان كان عندي الفريون موجود أخذ 100 جنيه فقط .

يعني المفروض الشحن كامل r134 + التنظيف + المصنعية لا يتعدى 350 جنيه و يبوسوا ايديهم وش و ظهر
فمابالك بديافيا مصر الحرامية اللي عايزين 880 جنيه ؟؟؟؟؟؟؟؟؟؟
.