اقتباس المشاركة الأصلية كتبت بواسطة blazer مشاهدة المشاركة
الموضوع مبيتحسبش كدا
ممكن اقوللك ان هيونداى جينسيس خدت افضل سياره فى فئتها متفوقه على عربيات زى bmw series 5 -mercedes e-class
يعني نتا عشان هيونداي عملت الجينسس قمت قلت عليها شركة جامدة؟؟؟؟
احسن حاجة فيك ان نتا بتبص للجزء اللي مليان في الكباية حتى ولو كان شفطة
ومبتاخدش بالك من الجزء الفاضي خالص حتى لو كانت الكباية كلها تقريبا

ورغم اللي نتا قلتو ده انا متاكد ان نتا نفسك لو اتعرض عليك تركب جينسس ولا البي ام مثلا هتختار البي ام عشان كده مش هارد على الحتة دي


نتا بتقول ان هيونداي عملة عربيات محترمة
فنا بقلك تركب جلانت ولا سوناتا
وبقلك تركب كامري ولا سوناتا
بتقولي متتحسبش كده!!!!!!!!!!!!!!!!

نتا بتقارن الكوري بالياباني وبحماس كمان مش عارف ليه
طب ليه مش عايز ترد على سؤالين زي دول؟؟؟؟؟
مش دول عربيتين في نفس مستوى الكاتيجوري
ليه بقى مش عايز ترد

بلاش المقارنة دي
تركب سيفيك ولا نيو النترا
كرولا ولا نيو النترا
شارك ولا نيو النترا
ومتقليش دول اغلى من دي

عشان هما اغلى لان العربية مكلفة اكتر
شوف اسعارهم في العالم كلو هتلاقيهم طبعا باسيعار ارخص من مصر بس برضو الياباني اغلى

الياباني مش احسن عشان عقدة الياباني
الياباني احسن عشان جودة الصناعة
الناس دي ليها معايير في الجوده لسة كوريا محققتهاش
وبعدين هيونداي ايه اللي بتدافع عنها عشان عملت عربية كويسة واحدة وكمان عشان كاتيجوري عالي
ياراجل ده كفاية الفرنا اللي مفهاش اهم عنصر للامان اللي هوا الثبات تخليك تتف على هيونداي


نتاعارف امتى تقول على الصناعة عالية الجودة بجد
لما يعملولك عربية رخيصة ومحترمة
لان هنا نتا معطياتك ضعيفة لانك مرتبط بسعر قليل
فتبان بقى فرق الصناعة
اليابان مثلا
عملت هوندا 92 بمحركات قوية جدا جدا وثبات غريب
كريستالة 98 بمحركات قوية جدا جدا وثبات غريب
سوزوكي سويفت 90 نفس الموضوع
هاتلي بقى عربية عملتها هيونداي تكون رخيصة في السعر وجيدة الصناعة اصلا
او عربية كيا عملتها بجودة الياباني في العربيات ام سعر قليل

ده على كده بقى الواحد يشتري اسبرانزا 1600 بخمسة وستين الف ويقول دي احسن من الكوري عشان ارخص ونفس الامكانيات!!!
مهو برضو فيها موتور 1600 وفتيس كمان ومرايات كهربا وكاوتشات وكلاكس وثابتة كمان
اقول انها احسن من الالنترا مثلا عشان فرق السعر ونفس الامكانيات!!!!!!!!
طب ياراجل الصين كسبت هيونداي في الجتة دي
الاسبرانزا كفاية انها اثبت بكتير اوي من الفرنا اللي في سعرها
جاي بقى نتا تقارن شركة زي هيونداي بالعربيات الياباني لمجرد انها عملت عربية واحد ممتازة جدا بمبلغ مرعب
قارن هيونداي بالذات بالصيني
هتبقى المقارنة فيها تقارب الى حد ما