استفسار لعمرة موتور

**Hany Hussain** · 01-10-2007 01:23 AM

السلام عليكم ورحمة الله وبركاته
انا عضو جديد يشرفني الانضمام للمنتدى الجميل والرائع جدا جدا والمفيد جدا
وكان ليا استفسار اذا سمحتو لي
انا حاليا برة مصر في دولة شقييقة ولدي سيارة لانسر موديل 98 1300 سي سي وعايز استفسر عن سعر قطع الغيار لعمرة كاملة للموتور في مصر لإني سمعت ان اسعارها ارخص بكتير من عندنا وهل القطع دي اصلية واللا تقليد وهاتعيش واللا لأ مع العلم ان الجو هنا حر جدا والمواتير بنفوت بسرعة
أرجو الإفادة ولكم خالص الشكر

**Hany Hussain** · 13-10-2007 07:53 PM

طيب أي رد ولو حتى ما أعرفش !!!!

**vooooo** · 13-10-2007 08:59 PM

للأسف فعلآ ماعرفش الأسعار ايه

بس من رايى اشترى موتور استيراد أحسن و يبقى 1600 CC

و برضه ماعرفش سعره كام

**Ahmed Anwer** · 13-10-2007 09:50 PM

رأي الشخصي
أدام حضرتك بره مصر ،،
شوف هتنزل العربية بكام و ترجعها بكام بالإضافة لتكاليف العمرة
يبقي الأفضل تعملها عمرة في البلد اللي عايش فيها بتهيألي فرق التكلفة مشهيعوض ، غير تضييع وقتك في الأجازة مثلآ عند الصنايعية
بخصوص الموتور الإستيراد ، معرفش ايه إجراءات تغيير ترخيص الموتور في البلد الآخري
فأعتقد هيبقي برده حل صعب لأن المواتير في مصر بتترخص بشهادة إفراج جمركي مصري ، أكيد ملهوش لازمة في البلد اللي عندكم
إلا لو عندكم مفيش ترخيص للموتور أساسا
اعتقد أفضل حاجة تشوفلها أحسن بيعة سواء في مصر أو في البلد الآخري و اللي أعرفه إن أسعار العربيات الزيرو في البلاد العربية مش عالي

**Hany Hussain** · 20-10-2007 01:31 AM

شكرا على الإجابات
عموما أنا كنت ناوي اعمل العمرة عندي طبعا مش في مصر بس كنت سمعت ان قطع الغيار في مصر ارخص بكتير بس فعلا فكرة موتور استيراد احسن من العمرة
شكرا على المساعدة وجزاكم الله خيرا