لو حاطط في البنك 100000 جنيه كم تعتبر فوائدها في الشهر وماهي المعادلة التي يتم احتاسب النسبه بيها ؟
لو حاطط في البنك 100000 جنيه كم تعتبر فوائدها في الشهر وماهي المعادلة التي يتم احتاسب النسبه بيها ؟
شوفى ياسيدى نعرف الاول شهادات والا وديعه والا تحت اى بند
ثانيا تقسم الفايده الثانويه على 12 هيطلع الفايده فى الشهر
او على 4 لو الفايده كل 3 شهور او 2 لو 6 شهور وهكذا
يعنى مثلا فايده الشهاده البلاتينة ( البنك الاهلى) حاليا 9%
وتصرف كل 3 شهور
اذا كل 3 شهور هايخشلك 2250
على اساس 100 * 9% على 4
وده الصافى بتاعك كل 3 شهور
اللينك ده لاسعار الفائده فى البنك الاهلى
http://nbe.com.eg/SavingDepositeRates.aspx
صديقى مووضع الفايده ده بيحدده البنك المركزى ومحدش بيقدر يطلع وينزل عليه الا فى حدود ضيقه جدا ربع فى الميه او نص بالكتير
على قد معلوماتى ان اعلى فايده هى دفتر توفير البريد المصرى 9.25% بس العائد سنوى هل فيهه اكتر من كده فى البنوك ارجو الافادة....
لا
بس عيب البريد
اولا الفايده تنزل سنوى
ثاينا لو انتعايز تسحب مبلغ كبير لازم تبلغهم قبلها فى حاله لو انت حسابكمش فى مكتب رئيسى
طيب الفايد بتتحسب فى كل البنوك فى نفس شهر الايداع ولا الشهر التابع لشهر الايداع ؟ يعنى هل ده قاعدة عامة؟؟
للعلم اغلب البنوك بتحسب الفائدة باليوم
وباقل معدل للفائدة فى الشهر
ومتوسط اسعار فائدة فى السنه
شوف مش هاتعرف ابدا لانك لن تستطيع ان تراجعهم ابدا
فائدة البريد اعلى
الا لو شهادات استثمار
ودى عيبها انك لو كسرتها قبل ما مدتها تخلص
بيحسبوا لك فائدة اقل
بالنسبة للبنك الأهلي
في فوائد ب وأ والبلاتينية
البلاتينية بتتغير الفائدة وبيعلن عليها البنك وبتشتريها على الفائدة المعلنة ومدتها 3 سنوات وبتحسب من الشهر التالي
يعني لو حطيت في 9 تحسب من 10 ويكون ربحها في ( 10 - 1 - 4 - 7 ) وهكذا
ب ---- بتعطيك لالفائدة كل ست شهور ( حطيت في 7 ) تاخد في ( 1 - 7 ) ومدتها 10 سنوات
أ----- ابعد عنها ملهاش لازمة غير للفلوس المنسية ... بتاخدها مجمعة آخر العشر سنوات
أضرب الرقم المودع في سعر الفائدة على 4 شهور لو كل 3 شهور
أو على 2 لو كل ست شهور = الفائدة
ولو عاوز تقرب من سعر الخسارة لو فكيت قبل الموعد ... أضرب الرقم المودع في سعر الفائدة في عدد مرات استحقاقها
يعني حطيت 10 آلاف ب 10% بمدة 10 سنوات وقعدو اربع سنوات أخدت 4 مرات ربح
10x10x4= 400 تخسرهم من إجمالي المبلغ على الأربع سنوات أو زيادة على المبلغ ده حاجة بسيطة
وهكذا
لو حد خبير يصحح المعلومة .. أو يأكدها
لإني واقعة في نفس المطب ... وعاوزة أحسب الخسارة للسحب قبل الميعاد
وشكرا
[QUOTE=mramzy;868912]شوفى ياسيدى نعرف الاول شهادات والا وديعه والا تحت اى بند
ثانيا تقسم الفايده الثانويه على 12 هيطلع الفايده فى الشهر
او على 4 لو الفايده كل 3 شهور او 2 لو 6 شهور وهكذا
يعنى مثلا فايده الشهاده البلاتينة ( البنك الاهلى) حاليا 9%
وتصرف كل 3 شهور
اذا كل 3 شهور هايخشلك 2250
على اساس 100 * 9% على 4
وده الصافى بتاعك كل 3 شهور
اللينك ده لاسعار الفائده فى البنك الاهلى
http://nbe.com.eg/SavingDepositeRates.aspx[/QUOTE]
رجاء تصحيح الرابط.
كش شغال....
مش عارف اقولكم ايه والله بس انتم اجدع ناس شوفتها هنا والله ربنا يخليكوا لينا يامظبطنا بس ياريت توضيح اكتر وده
عشان انا عاوز احط في البننك مايقارب 150000 جنيه وعاوز اسحب الفايدة كل شهر ده كل اللي في الموضوع
طب معلش
تعالى على نفسك ... واشتري البلاتينية حتى كل 3 شهور
وانت ابقى قسم فلوسها على 3 شهور واصرف كل شهر نصيب الشهر من المبلغ
ليه بقا بقولك كدة
عشان شهادات العائد الشهري ... فائدتها أقل ممكن تكون 7 % أو أكتر حاجة بسيطة
وانت أولى بالفرق
كدة . كدة الفلوس في البنك وهو المستفيد
وربنا يباركلك فيهم .. يارب
اسف ان بعدت عن الموضوع بس موضوع الشهادات البلاتينية كان محيرنى..هى بتتحسب فوايدها كل 3 شهور و لا كل 6 اشهر؟
لان عامل البلاتينية و فايدتها بتنزل على الرصيد مرة كل 3 شهور و مرة كل 6 شهور
هو المفروض ايه الصح؟
انا احترت مع البنك الهلى و قالى هى كدة مع ان مش مقتنع بالموضوع دة؟
ياريت لو انت عاملاها تفيدينى لان فعلا احترت!
كلام حضرتك مضبوط بالنسبة للودائع.
لكن بالنسبة للشهادات , دى بترجع لكل بنك على حدى.
لماذا؟
لان البنك المصدر للشهادات دة لانة يبقى محتاج سيولة سواء للدخول فى مشاريع أو لإستخدامها فى الإقراض - ودة غالباً فى كل البنوك - ولذلك البنك الذى يحتاج سيولة كبيرة يقوم برفع سعر الفائدة للشهادات لإغراء العملاء بإيداع اموالهم لدية والعكس صحيح فى حالة إكتمال السيولة المطلوبة أو زيادتها عن الحاجة يقوم البنك بتنزيل سعر الفائدة على الشهادات ( طبعاً للعملاء الجدد ).
ولذلك سعر الشهادات متفاوت بين البنوك والبنوك الحكومية فى الغالب بتبقى فائدتها أعلى نوعا ما من البنوك الاستثمارية أو الاجنبية وغالباً يكون العائد كل 6 شهور.
مثال : فى البنك عندى سعر الفائدة على الشهادات كالآتى :
شهادة مدتها 3 سنوات
الفائدة شهرى 8.75% - كل 6 شهور 8.80%
شهادة مدتها 5 سنوات
الفائدة شهرى 8.75% - كل 6 شهور 9.25%
شهادة مدتها 7 سنوات
الفائدة شهرى 9%
فى بعض الحالات - وفقا لحاجة العميل ممكن الفايدة تذيد عن كدة فى حدود 2% زيادة - دة فى حالة لو العميل مش محتاج الفائدة , فى الحالة دى بنستخدم عائد الشهادة فى برنامج آخر بنفس مدة الشهادة ويدى فايدة ثانية فى البرنامج التانى.
انا برضه كنت فاكر أن البنوك العامة بتدي أعلى من البنوك الخاصة...لكن لما عملت لفة عشان أعمل قرض بضمان وديعة أكتشفت أن ده كلام مش دقيق...
على سبيل المثال...بنك عودة بيدي فائدة 9.5 في المية على الشهادات اللي مدتها أربع أو خمس او سبع سنين..والأحسن من كده انك لو اتزنقت في فلوس ومش عاوز تفك الشهادة زي ما الاستاذه نور العمر عملت ممكن تعمل أوفر درافت بضمات الشهادة لحد خمسة وتمنين في المية من قيمتها وبحسبلك فايدة أعلى اتنين في المية من فايدة الشهادة لكن فايدة يومية يعني لور رجعت الفلوس بعد أسبوع واحد بس بيتحسب عليك فايدة الأسبوع مش فايدة الشهر زي ما البنوك العامة بتعمل...بعد لفة محترمة على البنوك أنا شايف ان ده افضل عرض موجود بين البنوك في حدود ما اعرف.
اه نسيت أقول أن العائد ده شهري....
أيوه با ياشا 9.5 في المية على الشهادات وتصرف شهريا...البنك جديد فعلا في مصر..لكن طبعا كل البنوك في البلد بتعمل بترخيص من البنك المركزي...مش عارف موضوع فروع اسكندرية ده لكن على العموم الرقم المختصر بتاعهم 16555 كلمهم واسألهم...وربنا يوفقك لحاجه مناسبة
على فكرة انا اتصلت عليهم من خلال الرقم 16555 ورد عليها وقالى ان الشهادات ذات العائد الشهرى الفايده عليها 9.40 % و3 شهور 9.5%
بس عايز اسألك هو ممكن اطلع كريدت من عندهم اصرف بيه العائد؟
والحساب الى انت بتفتحه الى بينزل فيه العائد مصارفة السنوية كام؟؟
وكمان لو عملت شهادة وحبيت بعدين افكها ايه الى بيحصل بالضبط حخسر يعنى؟؟
تسلم ايدكم على الافادة الجامدي دي بس هحاول اكلم البنك ده 16555 واشوف كده واكلمكم تاني
احسن بنك هو البنك الاهلى فى اسعار الفائده
واسعار الفائده فى الاقراض وتقدر بضمان الشهاده تاخد اوف ردرفت حتى 80 % من قيمه الشهاده
وبيديك بيها كارت فيزا الكترون تدقر تسحب بيه فى اوقت واى مكان بدون اما تروح النبك
وبرضه ممكن تاخد فيزا كريدت بضمانها برضه
بلاش بنك عوده لانى سامع انه غسيل اموال
رابط اساعر الفوائد للبنك الاهلى تانى
http://nbe.com.eg/SavingDepositeRates.aspx
الله تعالى قد لعن آكل الربا وموكله وكاتبه وشاهديه ، كما قال صلى الله عليه وسلم : ( لعن الله آكل الربا وموكله وكاتبه وشاهديه ) رواه مسلم ، فتناول اللعن كل من له صلة أو علاقة بالربا ، و قال تعالى : {فأذنوا بحرب من الله ورسوله} وقال {يمحق الله الربا ويربي الصدقات} ، فهذا يدل على أن الربا خطره عظيم ، وضرره جسيم .
واليكم هذا الرابط وهو يشرح بالتفصيل مدى حرمانية الفوائد الربوية وكيف تتعامل البنوك مع الفوائد وهل هى ربا ام لا
http://www.islamway.com/?iw_s=Articl...article_id=207
حسام باشا...انا مجرد مواطن مصري (صالح) بيحاول يساعد...:):) لكن التفاصيل الدقيقة قوى دي بتاعة مصاريف فتح الحساب فمعنديش فكرة لكن تقدر تسألأهم عادي يعني..أعتقد مسألة الكريدت متوفرة عندهم..تحياتي..
يا اخى العزيز هذا الموضوع قتل بحثا من فبل علماء الدين والفقه وهناك من هم مع البنوك فى جزئية ايداع الاموال فقط وليس الاقتراض منها وهناك من هم ضد هذا وكلا منهم له سنده الذى يستند اليه وانا لست فقيه حتا اجادل فى ذلك ولكن امامى امر من امور الدنيا اختلف فيها العلماء كشأن اى مسألة اخرى فى الدين وبأمكانى ان أخذ بأى من الامرين .. ولك جزيل الشكر
عندك حق ياحسام ده امر اختلف العلماء فيه
فالطبيعي الواحد يعمل اللي يمليه عليه ضميرة
على اساس انى مشترى البلايتنىة بس لما كانت 10 % ولما كانت 12 %
وحاليا 9 % وتقدر تخش الصفحه وتجيب منه الاسعار بتعتهم ودى عينه من الصفحه
دفتر التوفير بالإطلاع 7.75% دفتر التوفير ذو الجوائز 7% دفتر توفير المدخر الصغير 8% دفتر ادخار المعاش 8% شهادات ذات العائد الشهرى المتغير 7.5% شهادات الإيداع الثلاثية 7.25% شهادات الايداع الخمسية 7.25% شهادات المعاش ذات العائد الشهرى 9% الشهادات البلاتينية 9%
ولاسف اغلب حسابى على hsbc فرق كبير مابين اسعار الفائده وفى نفس الوقت المصاريف اللى بياخدها من تحت لتحت بس هو ميزته معملته مختلفه عن البنوك الوطنية
معلش المشاركه طلعت مرتين
ياريت تكون قرأت اللى فى الرابط كويس قبل ماترد ( وعلى فكرة انا مش هادخل فى جدال معاك ايضاً لأنى لا افقه شئ فى المسأله دى ) بس حبيت اجيبلك الاثباتات ان التعامل مع البنوك وفوائدها حرام وهذا ما اجمع عليه علماء كثيرون وليس بخلاف الا طبعاً الشيخ على جمعة مفتى الجمهورية اللى ماشى ورا الحكومة وطبعاً حللها وقعد يجيب حورات واثباتات مالها اى اساس وعلى فكرة الشيخ على جمعة قبل ما يمسك مهمة مفتى الجمهورية كان بيحرم فوائد البنوك وهذا ما قاله شيوخ الازهر فى هذا الرجل
لكن الاساس كما قلت ان الموضوع مافيهوش خلاف ولا يحتمل انك تؤول اللى يمليه عليه ضميرك لأنه امر واضح وبيين ومحرم شرعاً( كما اجمع علماء الامة )
اتمنى ان تقرأ ما فى الرابط وبتمعن
( وربنا يوجهك الى مافيه صواب ورضا لله عز وجل ويهديك الى الطريق الصحيح )
الـ 150 الف دول ممكن تشترى بيهم شقه مش كبيره فى منطقه مش غاليه وتستفيد من ميزة انخفاض الاسعار فى الوقت الحالى
هنصحك نصيحة لوجه الله
وهتتأجر فى الشهر فى حدود 650 جنيه وممكن أكتر من كده
ده غير الذياده السنوية الل ممكن تحددها فى عقد الايجار
المميزات :
1- ربح حلال 100% ومفهوش اى شبه
2- هتاخد الايجار او الربح كل شهر مش كل 3 او 6 شهور
3- لو احتاجت الفلوس فى اى وقت ممكن تبيع الشقه وتاخد الفلوس الل دفعتها ( ده ان مكسبتش فيها )
4- قيمة رأس المال (العقار) فى ذياده مستمرة عكس البنك الل الفلوس قيمتها فى نقصان مستمر
لو جيت تقارن لو حطيت نفس المبلغ فى شقه او شهادة بنك مدتها 5 سنوات
البنك : هيعطيك عائد سنوى حوالى 12.5 الف جنيه على فترات
الشقة : هتعطيك عائد سنوى حوالى 8 الف جنيه مقسمه على أشهر فى البداية
وفى الغالب القيمة الايجاريه بتزيد 10% فى تجديد العقد سنويا
يعنى بعد خمس سنين هسترتفع القيمة الايجارية الى 12883 جنية سنويا
بعد 5 او 7 سنوات
البنك : هتسترد 150 الف ( فى الغالب سيكون قد تم فقد 75% من قيمتهم ) من وقت الايداع
العقار : فى الغالب ستزيد قيمته ثلاث اضعاف عن وقت الشراء
يعنى بالبلدى كده لو اتنين كل واح معاه نفس المبلغ واحد منهم حط فلوسه فى البنك والتانى اشترى شقه او عقار
بعد 5 او 7 سنين الل اشترى شقه هتجبله أد الل دفعه فيها تلات مرات
فى حين ان الل حط فلوسه فى البنك من سبع سنين مش هيقدرو يجبولو أوضه واحده من شقه صاحبه :_Alshmokh11:
ويارب اكون قد وفقت فى عرض وجهة نظري لتعم الفائدة
وشكرا
معلش ليا تعليق صغير على كلام حضرتك
البنوك العام فيها خاصية ان ممكن تاخد قرض بضمان الشهادة
حتى 80 % او 85 % مش متذكر بالظبط
ودا احنا عاملين وجايبين بية العربية
وبندفع 1 % بس زيادة على فايدة الشهادة
وبالعكس مش محددلى مدة معينة يعنى ممكن اسددة فى سنة او اتنين او عشر سنين كمان
وانا كنت جايب الشهادة البلاتينية من ايام ما كانت ب 11 %
فوئد البنوك ربا صريح بإجماع العلماء
ونفترض أنه مختلف فيه زي ما حضرتك بتقول ولو أنه مش صحيح، كفاية الوعيد اللي في القرآن لمن يتعامل بالربا يخليني أبعد عنه ولو للشبهه، ده ربنا بيقول: فَأْذَنُواْ بِحَرْبٍ مِّنَ اللّهِ وَرَسُولِهِ
الَّذِينَ يَأْكُلُونَ الرِّبَا لاَ يَقُومُونَ إِلاَّ كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُواْ إِنَّمَا الْبَيْعُ مِثْلُ الرِّبَا وَأَحَلَّ اللّهُ الْبَيْعَ وَحَرَّمَ الرِّبَا فَمَن جَاءهُ مَوْعِظَةٌ مِّن رَّبِّهِ فَانتَهَىَ فَلَهُ مَا سَلَفَ وَأَمْرُهُ إِلَى اللّهِ وَمَنْ عَادَ فَأُوْلَـئِكَ أَصْحَابُ النَّارِ هُمْ فِيهَا خَالِدُونَ (275) يَمْحَقُ اللّهُ الْرِّبَا وَيُرْبِي الصَّدَقَاتِ وَاللّهُ لاَ يُحِبُّ كُلَّ كَفَّارٍ أَثِيمٍ (276) إِنَّ الَّذِينَ آمَنُواْ وَعَمِلُواْ الصَّالِحَاتِ وَأَقَامُواْ الصَّلاَةَ وَآتَوُاْ الزَّكَاةَ لَهُمْ أَجْرُهُمْ عِندَ رَبِّهِمْ وَلاَ خَوْفٌ عَلَيْهِمْ وَلاَ هُمْ يَحْزَنُونَ (277) يَا أَيُّهَا الَّذِينَ آمَنُواْ اتَّقُواْ اللّهَ وَذَرُواْ مَا بَقِيَ مِنَ الرِّبَا إِن كُنتُم مُّؤْمِنِينَ (278) فَإِن لَّمْ تَفْعَلُواْ فَأْذَنُواْ بِحَرْبٍ مِّنَ اللّهِ وَرَسُولِهِ وَإِن تُبْتُمْ فَلَكُمْ رُؤُوسُ أَمْوَالِكُمْ لاَ تَظْلِمُونَ وَلاَ تُظْلَمُونَ (279)
[البقرة : 275-279]
يَا أَيُّهَا الَّذِينَ آمَنُواْ لاَ تَأْكُلُواْ الرِّبَا أَضْعَافاً مُّضَاعَفَةً وَاتَّقُواْ اللّهَ لَعَلَّكُمْ تُفْلِحُونَ [آل عمران : 130]
لو حتحتاج الفلوس قريب يعني مش مستغني عنهم لفترة 3 سنوات يبقي انت تحطهم في حساب توفير في اي بنك اما لو شهادات يبقي بلاتيني البنك الاهلي ,برضة بنك عودة عرضة كويس 9.4% ويصرف شهري عرض كويس,سمعت ان bnbعامل شهادة ب 14% وانا بقول سمعت ولست متاكد
انا توهت ياجماعة معاكوا والله
يعني من الاخر شكلي هعمل زي ما الاخ قال هحطها في مشروع او هسيبها في دفتر توفير
طيب يا باشا مش مختلفين ال 11 وال 12 في المية للبلاتينية مش موجودة حاليا عندهم تسعة في المية بس فيبقى لما يكون عودة بيدي 9,5 يبقى احسن...بالنسبة ل hsbc فهو متميز في قصة خدمة العملاء وكمان عاجبيني فيه قوى خدمة الانترنت بانكينج لكن اسعار فائدته مش منافسة خالص...
الى بيحدد الفايدة البنك المركزى
بنك bnb سألت فيه بيقول عنده شهادات خماسية تصرف شهريا العائد السنوى 9.5% وشهادات ثلاثية تصرف شهريا العائد السنوى 9%