الموضوع: تحب تاكل إيه النهاردة

اتكلمنا كتيير
عن التعاسة الزوجية
والخلافات .. وأحلامك مع زوجة الخيال
ونفسك تصحى الصبح تلاقي جوليا روبرت ... وهكذا
تعالوا نحاول نوصل مع بعض لنقطة تلاقي
انت بتعمل إيه من أول ما تصحى لحد ما تنام
وزوجتك بتعمل إيه من أول ما تصحى لحد ما تنام
الزوجة = ( الفطار -السندوتشات - تحضير الاولاد للمدرسة - وتحضير حضرتك للخروج - تروح الشغل لو بتشتغل - ترجع تجيبب طلباتها وولادها - تحضر الغذاء -
وما بعد الغذاء - توضب في البيت غسيل مكوى تجهيز أكل جديد ترويق - مذاكرة للولاد - بتحب النت تدخل شوية تفك عن نفسها - تنزل تعمل مشوار مع الاسرة - ترجع تعشي - تلبس - تنيم ..................الخ )
المهم ... مفيش نسبة ولا تناسب
طيب ممكن تكون الزوجة الغلبانيتا دي بجانب كل ده محتاجة تبان أمام زوجها في أروق واحسن صورة ---- سهلة ---- مش مشكلة
بس عارف ممكن يكون نفسها في إيه

تيجي يوم جمعة تضحك معاها وتقولها ... نفسك تاكلي إيه النهاردة قوي ومش قادرة تعمليه .... وتقوم حضرتك متطوع بعمل ما تطلبه
واحنا دورنا نساعدك ... ادخل انت بس قوول عاوز تاكل إيه ... وعلينا الوصفات التمام ... واهو بردوا الزوجة الطيبة دي ... تلاقي زوجها مرة واحدة بيفكر يشيل عنها ... ويأكلها من إديه الحلوين دوووووول


هااااااا
قولتوا ايه
اتفقنا

ياجماعة انتو ليه متخيلين الموضوع صعب
من دافع الحب الواحد ممكن يعمل كده
انا عن نفسي لما بلاقي زوجتي تعبانة بادخل المطبخ و اعمل اللي يقدرني عليه ربنا
الحياة الزوجية عبارة عن مشاركة
من غير كده اكيد حيبقى في مشاكل كتير