الموضوع: تحب تاكل إيه النهاردة

المشاركة الأصلية كتبت بواسطة pop3

السلام عليكم ورحمة الله....

والله يا جماعه الموضوع ده كبير ومش هيخلص في كلمتين فإسمحولي أني أطول عليكم شويه :

تعالوا نبص على واحد نجار تلقيه جايب لو ح خشب ومسمار وشغال دق , لا الخشب قال أي من إختراق المسمار ليه و المسمار قال أي من دق الشاكوش فوق دماغه طيب كل ده ليه ... علشان يطلعونا كرسي جميل نعد عليه أو ترابيزه حلوه ناكل فوقيها.

المقصود هنا إن كل مخلوق في الكون ليه دور , هو الحقيقه إنه مكمل لدور مخلوق تاني لتكتمل الدائره .

فالزوجه إذا كانت بتتحمل ضغوط الحياة اليوميه من مأكل و ملبس و نظافه و رعايه أطفال ـــــــــــــــ
والزوج إذا كان بيتجمل ضغوط الحياة اليوميه من عمل وضرورة توفير المأكل و الملبس و الحياة الكريمة لأسرته ــــــــ

فكل ده علشان ينتجوا أبناء صالجين مشرفين جاهزين لخدمة المجتمع كلا حسب دوره علشان تكمل المسيره.

هو ده كل حاجه ؟ .... لأ

المهم في كل ده إن كل طرف يقوم بدوره إبتغاء مرضاة الله يعني ... يارب يا معين أعيني على الصحيان بدري و تجهيز أولادي و الإفطار إبتغاء مرضاتك وطاعة لزوجي التي هي طاعة لك.

يعني يارب أعيني على تحمل مشاق العمل وضغوط الحياة لكي أوفر الحياة الكريمه لرعيتي إبتغاء مرضاتك .

طيب حاجه تانيه.... تحبوا تعملوا عمل يضحك الله كما يليق بجلاله سبحانه وتعالى؟؟؟

لو استيقظ الزوج ليلا لصلاة الفجر وأراد إيقاظ زوجته فأبت فردخ على وجهها الماء " رش على وشها حبة ميه " فهذا يضحك الله عز وجل و العكس لو الزوجة هي الفاعله.

هي دي الموده بين الزوجين إذا كان فعل صغير زي ده يرضي الله بهذا القدر فما بال بفعل الزوجه الشقيانه طول اليوم وكيف حال الزوج إلي طلعان عينه طول اليوم هو كل ده لو نتيجته رضى الله سبحانه و تعالي يبقي يستاهل و لا لأ ؟

نصيحه من واحد متزوج بقاله 4 سنين وعنده من رزق الله بنتين وزوجته بتعمل ...

* حاولوا تخلوا تعبكم وأفعالكم كلها لوجه الله و ابتغاء مرضاته ... وهتشوفوا مرضاته سبحانه هتفرق قد ايه
* حاولوا تجربوا الكلام اللين وبلاش الردود الجاهزه والكلام المستفز فالكلمه الطيبه صدقه و الله العظيم
* حاولوا تسرقوا من الزمن لحظات تتشاركم فيها الذكريات السعيده والمواقف الطريفه وبلاش التريقه هه

للزوجه :

[overline] لا تؤذي زوجك فتدعوعليك الحورالعين

قال صلى الله عليه وسلم : "لا تؤذي امرأة زوجها في الدنيا إلا قالت زوجته من الحور العين
لا تؤذيه قاتلك الله فانما هو عندك دخيل يوشك أن يفارقك إلينا " . والسؤال : هل هناك أخت مؤمنة تؤذي زوجها؟أ أ . - بالطبع لا -. فاحرصي يا أختاه على إدخال السعادة والسرور على زوجك فان الغريب يأنس الى غريب مثله ونحن في غربة لا يعلمها إلا الله فعلينا أن نتراحم فيما بيننا لتكون المودة والرحمةبين الزوج وزوجه كما قال تعالى : { ومن اياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لآيات لقوم يتفكرون } (الروم : 21) .
[/overline]

للزوج :

رفقا بالقوارير

والحمد لله حمدا كثيرا طيبا مباركا فيه ملئ السموات و ملئ الأرض و ملئ ما بنهما و ملئ ماشئت بعد ذلك كما ينبغي لجلال وجهك و عظيم سلطانك

ما شاء الله على هذا الرد الجميل

جعله الله سبحانه و تعالى فى ميزان حسناتك

المشاركة الأصلية كتبت بواسطة zizo

بارك الله فيك احسنت الرد على الموضوع ...

المشاركة الأصلية كتبت بواسطة muslimah_dentist

ما شاء الله على هذا الرد الجميل

جعله الله سبحانه و تعالى فى ميزان حسناتك

ربنا يبارك في حضرانكم , ومتشكر لثنائكم على الرد , و الله ياجماعه إحنا مشكلتنا حاجه واحده بس هي إحنا إلي بنختار البعد عن ربنا وبعد كده بنشتكي .... يعني مثلا وبعيد عن سياق الموضوع , لما ربنا حرم علينا لحم الخنزير ربناه و عملناله مزارع و لم إبتلانه سبحانه بمرض مصاحب ليه أعدمناه بس مش علشان ده أمر إلهي لأ علشان ده أمر رئاسي
ولا حول ولا قوة إلا بالله

علي فكره مش كل الناس عامله كده ..فيه بيوت بتبقي متوازنه عن كده بكتير ...انا مثلاً عليا العشاء كل يوم ومعاه فطار يوم الجمعه
و يوم السبت بيبقي غدا من بره و دمتم ...وعلي قد مقدر بحاول ادخل المطبخ...بس الموضوع مش سهل برضه و محتاج مهاره

شكرا على مداخلاتكم بكل الآراء
الهدف مش أن الزوج يدخل المطبخ ويتعذب .. ده ممكن يعمل ولو بيض بالبسطرمة ويفتح علبة تونة .. أو مكرونة وبطاطس محمرة ... حاجات سهلة ... الهدف إنه يحب زوجته ويريحها ... ويحسسها إن دورها مش بس خدمته وخدمة البيت والولاد ... دي دورها أعظم من كدة بكتيير وغلاوتها عنده كبيرة ... وعشان خاطرها يعمل أي حاجة ... طبعا دخول الزوج المطبخ شيء يخوف ... لإنه حيعمل الأكل وقصاد كدة ... حيبقى فيه أشغال شاقة في المطبخ نتيجة للوقفة دي ... ههههههههههههههههههههههه ... وطبعا هي يا عيني إللي حتدبس
الرسول عليه الصلاة والسلام ... كان قدوة في كل حاجة .. وكان بيخدم زوجاته ويساعدهم ويعمل لنفسه وليهم ولولاده ... محدش يقوللي زمنه غير زمانا ... ده كان عليه حمل ميستحملوش حد فينا ... وهو حمل تبليغ الرسالة والنبوة....
على كل ........
مرسيه لكل واحد شارك بمداخلة... حتى ولو بلا تعليق
مرسيه لكل واحد بيعمل كدة فعلا وبيريح زوجته ولو عن طريق عزومة من برا برا
مرسيه لكل واحد فعلا بيساعد زوجته وبيشيل عنها وقت التعب والشدة
مرسيه لكلامك يا pop3

كان نفسي تطلبوا أكلات ونعمل خط ساخن هههههههههههههههههه
تحايل على المنتدى .... ونختلق قسم للمطبخ ههههههههههههه
عموما ... بالهنا والشفا