الفرنا احسن من اللانوس

26-05-2009 10:42 PM

يا بخت من زار و خفْ

**samirayad** · 26-05-2009 10:50 PM

انت بتتكلم مع واحد عايش فى السعوديه .....

ياباشا العربيات فى السعوديه ببلاش......أنا زوج أختى مقيم فى الدمام هو وأولاده .......ومعاه مرسيدس ب 10000ريال(عشرة آلاف ).......يعنى العربيه لو عاوز يرميها ويشترى غيرها ....فده عادى .......ولا قطع غيار ولا دياوله .......أنما عندنا العربيات ثمنها حراق جدا .........فدايما بنفضل العربيات اللى قطع غياره متاحه وبسعر معقول وبجوده جيده........ومش حقولك زى جودة الألمانى مثلا (بس خير الأمور أوسطها ).......................

**nasroo** · 27-05-2009 10:49 AM

المشاركة الأصلية كتبت بواسطة Col. Eng. Khaled

يا بخت من زار و خفْ

:k48::k48::k48:

27-05-2009 11:37 AM

الموضوع من بدايته مش فاهم إيه الفايدة منه
مثلا (و العياذ بالله) يكون عندي عربية ما و أدخل قسم ماركة غير ماركة عربيتي و أقول للناس ماركة عربيتي أحسن من بتاعتكم و مفيش غيرها , و عربيتكم فيها ما قال مالك في الخمر .
مش كده و بس و كمان أستشهد ببلد ناسها أساسا لبسهم الرجالي حاجة واحدة مفيهاش تغيير حتى في الألوان
و كذلك الحريمي .

**MMamdouh** · 27-05-2009 12:16 PM

معلش.... فيه ناس بتحب تعمل كدة و دة ان دل على شىء فهو يدل على ضعف موقفهم

MMamdouh

**dr.hany** · 27-05-2009 01:56 PM

مع احترامى للاخ صاحب المشاركه انت رجعتنى لفترة الطفوله لمما كنت انا واصحابي نتعمد نغيظ

بعض باى حاجه يعنى زى مثلا الدراجه انا كنت فاكر كان فيه نوعين تلاته كده نوع اسمه اطلس ونوع مش عارف صينى ونوع هندى وكنا نتبارى فى اثبات عجلة مين احسن وعجلة مين اسوء وذلك لمجرد الغيظ والاستفزاز ليس الا.ياعم نصحتى اشترى دماغك واللى انت مقتنع بيه

هاته وعلى البركه واكيد

اى حاجه فى الدنيا مهما كانت ليها مميزاتها وعيوبها.

**nasroo** · 27-05-2009 02:06 PM

يا جماعة الراجل مش بيقارن بين اللانوس والفيرنا
ده بيقارن بين الهيونداي وكل عربيات الدنيا وممكن تلاقوه بيقارنها بالطيارات والصواريخ كمان
ده قارف الناس في منتدى الرينو والسيراتو بيخش عندهم ويعمل مواضيع تنرفز
انا بشك انه شغال مندوب مبيعات في غبور ولا مهندس ولا يحزنون
وبقوله من مكاني هذا
ماتبقاش غبور وزن على خراب عشه
هههههههههه

**Samir Elshahawy** · 27-05-2009 02:25 PM

علي فكرة بمناسبة الشكل الحاد للفيرنا , لسه راجع دلوقتي من علي طريق السويس و شايف "فيرنا" واخدة خبطة قدام و متبهدلة أخر بهدلة , بصراحة حمدت ربنا علي "اللانوس" اللي يوم مادخلت بيها في عربية نقل يادوب الرفرف و حتة من الباب و علي طول رميتهم و ركبت جديد لأن لا الشاسيه و لا الحوض أتأثروا , لكن ياعيني بقي علي الفيرنا , الله يكون في عون صاحبها

**Ahmed Selim** · 27-05-2009 02:35 PM

المشاركة الأصلية كتبت بواسطة Drift_Lover

يا جماعه الموضوع مش فيرنا اول لانوس.
الموضوع ان الاخ أكرم عنده قناعه ان الهيونداي هي العربيه والباقي بعجلتين. وده لسبب بسيط وهو لأنه مهندس في شركة هيونداي.

أيه ده.......هو أنتو أول مرة تعرفوا ؟؟؟؟

بصوا كده الباشا بيقول أيه

المشاركة الأصلية كتبت بواسطة akram2010

ثقافه المصريين غير الدنيا كلها. وتجد الموازين مقلوبه وتجد الكيا افضل من الهيونداى وافضل من اليابانى . والصينى احسن من الالمانى وكله بيتكلم بلسان الاسطى الميكانيكى بتاعه ال مايعرف يكتب ولايقراء وهذا حال مصر والمصريين