مشكلتى مع بريدجستون و تظبيط الزوايا

**MoMohsen** · 27-05-2009 01:03 PM

انا كنت عامل شغل عفشة فى عربيتى ورحت اظبط زوايا فى فرع عباس العقاد.المهم الصنايعى قاس و قالى عندك درجة يمين و هنظبطها.المهم قعد 5 دقائق و قالى انا كدة ظبطها و دفعت الحساب و مشيت المهم و انا ماشى لقيت العربية بتحدف بردة.
رجعتلو تانى يوم قام قالى انا قولتلك هى فيها سنه صغيرة و هتظبط معاك مع الوقت.
كلمت العفشجى قام قالى الصنايعى دى بيشتغلك و المساعد فيه رجلاش كان ممكن يظبط منه بس هو ريح دماغة.

المشكله ان الناس دة انا كنت اشتريت منهم قبل كدة كاوتش بريدجستون لعربية لانسر و فعلا مهندس نجاد راجل محترم و معاملته تمام بس الحركة دة خلتنى هتعامل معاهم فى الشراء و بس لكن بلاش اى خدمات.

**A.samy** · 27-05-2009 10:49 PM

نفس الكلام حصل معايا

**MoMohsen** · 28-05-2009 12:25 AM

المشاركة الأصلية كتبت بواسطة astsaae

نفس الكلام حصل معايا

شكل الصنايعى دة بيريح نافوخة .بس الفكرة ان كدة هيبوظ سمعة المكان

**HeMa_LanCeR** · 28-05-2009 12:31 AM

ارجعله تاني ومتسبش حقك
قوله العربيه تمشي تمام
يا اما بقي لما مع الوقت تظبط تيجي تديله الفلوس اول ما تظبط زي ماقالك

**Ahmed Anwer** · 28-05-2009 12:38 AM

فرع عمارات العبور احسن

من فرع العقاد

و فعلا نفس الولد الشاب الصغير ده بتاع ضبط الزوايا

قلتله الطاره معوجه سنه ،، قاللي حاضر هاضبهالك

و مضبطهاش ،، رجعتله تاني

قعد يربط شوية حاجات

و برده مضبطهاش ،،

هابقي اعملها عند اي حد بره

**MoMohsen** · 28-05-2009 12:45 AM

المشاركة الأصلية كتبت بواسطة hema_lancer

ارجعله تاني ومتسبش حقك
قوله العربيه تمشي تمام
يا اما بقي لما مع الوقت تظبط تيجي تديله الفلوس اول ما تظبط زي ماقالك

انا اصلا روحت للعفشجى بص على الرجلاش و ظبطها مخدتش اكتر من 5 دقائق و المفروض اروح اظبط زوايا تانى بس مش هروح بريدجستون..محدش يعرف مكان كويس و يكون قريب من مدينة نصر؟

**MoMohsen** · 28-05-2009 12:47 AM

المشاركة الأصلية كتبت بواسطة ahmed anwer

فرع عمارات العبور احسن

من فرع العقاد

و فعلا نفس الولد الشاب الصغير ده بتاع ضبط الزوايا

قلتله الطاره معوجه سنه ،، قاللي حاضر هاضبهالك

و مضبطهاش ،، رجعتله تاني

قعد يربط شوية حاجات

و برده مضبطهاش ،،

هابقي اعملها عند اي حد بره

انا اصلا قفلت من ناحية بريدجستون و هروح لاى حد افضل برة

**umoussa** · 28-05-2009 07:00 AM

مفيش أفضل من بريدجستون على فكرة

الفرع بتاع عمارات العبور الي شغال فيه صنايعي اسمه محمد حسني وده كلامنجي على الفاضي

فرع عباس العقاد أفضل، بس لازم تسأل على الصنايعي الأول

الصنايعي المحترم اسمه محمد وبعديه مصطفى

غير كده لازم تكون عارف الترحيل الي في العربية سببه إيه

زوايا العربية 3 حاجات
كاستر وكامبر وتو

الكاستر فيه ترحيل
ورجلاش المساعد هو الكامبر
التو خاص بفتح وقفل العجل وصوت الصرخة بتاع الكاوتش
لازم أولاً حضرتك تكون عارف أبعاد عربيتك بتاعة الزوايا. بصفتي مهندس وعارف أبعاد عربيتي وقياسات الزوايا لما بروح عندهم في بريدجستون أنا إلأي بختار قياسات العربية من الجهاز بتاعهم علشان أنا عارف لو سبتهم يختاروا حيظبوطوا العربية على حاجة تانية وهما في الآخر معندهمش خلفية وبذات لو عربيتك جديدة وأبعادها مش موجودة عندهم على قاعدة بيانات الزوايا الموجودة على الكمبيوتر....

يعني أنا مش بدافع عنهم بس الناس دول انا بتعامل معاهم من زمان وعارفهم كويس

**ahmed452003** · 31-05-2009 01:39 AM

يا اخواني
الي حصل عنده مشكلة ياريت يتوجه للمهندس نجاد الشريف المدير و يروي شكوته له
هذا افضل من ان نتكلم ولا نحل مشكلة لان الزبون دايما على حق
لان هذه شركة محترمة جدا
ومن الافضل مواجهة المسئول بالمشكلة ....... المهندس نجاد انسان محترم جدا ومهذب الى اقصى درجه
وشكرا

**Ahmed Selim** · 31-05-2009 09:31 AM

المشاركة الأصلية كتبت بواسطة ahmed452003

يا اخواني
الي حصل عنده مشكلة ياريت يتوجه للمهندس نجاد الشريف المدير و يروي شكوته له
هذا افضل من ان نتكلم ولا نحل مشكلة لان الزبون دايما على حق
لان هذه شركة محترمة جدا
ومن الافضل مواجهة المسئول بالمشكلة ....... المهندس نجاد انسان محترم جدا ومهذب الى اقصى درجه
وشكرا

كلام مظبوط 100%

محمد لو مش هتعملها فى بريدجستون روح للمهندس نجاد و أحكيله اللى حصل

أنا أتعاملت مع واحد تانى بتاع زوايا كويس فى الحرفيين أسمه الأسكندرانى.
و كمان فيه واحد فى بنزينة التعاون اللى جنب موفينبيك المطار أسمه رابسو.....متعاملتش معاه بس واحد صاحبى و وكذا حد تانى بيشكروا فيه قوى.

الموضوع: مشكلتى مع بريدجستون و تظبيط الزوايا

LinkBack

أدوات الموضوع

عرض

مشكلتى مع بريدجستون و تظبيط الزوايا - انشر الموضوع فى :

-

-

-

-

-

المواضيع المتشابهه

العربية بتحدف يمين حتى بعد ضبط الزوايا في بريدجستون عباس العقاد!!

بريدجستون اندونيسى ام بريدجستون تايلاندى افضل؟؟؟

حكايتى مع تظبيط الزوايا و العفشة

تظبيط الزوايا

مشكلتى

الكلمات الدلالية لهذا الموضوع

المفضلات

المفضلات

ضوابط المشاركة