باشوفها كتير الركانات دى
عرض للطباعة
باشوفها كتير الركانات دى
في مناطق زي الدقي مثلا ( مكان شغلي ) مفيش فتفوتة مكان لاي حد يركن وجرب كدة مثلا تروح هناك ، قلازم تركن بأي شكل افقي رأسي عكسي غربي شمالي جنوبي والا تسيب مفتاحك لسايس يتصرف في عربيتك كما يشاء والموضوع ده شائع جدا
فياريت محدش يتريق فعلا لان ظروف الاماكن مختلفة :_Alshmokh11:
بصو في الصوره بالطول هاتلاقو ان ما فيش و لا عربيه راكنه موازي مع باقي العربيات واحد فوق الرصيف (تحت الشجره يا 27)
و التاني الجيب السودا تقريبا و اقف ادام بوابه جراج و في عربيه تقريبا نوبيرا و اقف صف تاني يبقا انتا اكيد في مصر
انا نفسي اصورلكم الجراج ألي جمب كليه التجاره في العباسيه وقت الامتحانات و اتفرجو علي المهزله ألي راكن و قافل علي تلات عربيات و شادد الهاند و ألي سايب عربيتو من غير هاند و رجع لاقاها اتحركت 10 متر و مخبوطا انا شفت الكلام ده بعيني و اسئلو اي حد بيركن هناك
انا مش فاهم إيه المشكلة او الكارثة اللى الراجل عملها ميمكن الشارع كلة مفيهوش اماكن ساعت مركن ومكنش فيه غير حتة تعدى العربية عشان تركن زى منتوا شايفين وبعدين لما الصورة ديه اتاخدت العربية اللى كانت ركنا وراه كانت مشيت هيعمل إيه صاحب العربية ده الواحد بيدور ويلف 7 شوارع عشان يلاقى مكان يركن فيه مبيلقيش وانا لو كنت فى نفس مكان الراجل ده ومش لاقى مكان وسط العربيات ومفيش غير حتة تعدينى هركن كده هعمل إيه يعنى هاخد العربية اخبيها فى جيبى واطلع بيها مكان منا رايح
معلش يا بيشوي لو بلدنا فيها نظام زي الدول ألي برا عمرنا ما هانشوف المنظر ده و انا موافقك الرأي علي صعوبه ايجاد مكان للركنه
الراجل سرق حقي في أستخدام المكان المخصص لي و هو الرصيف .
زيه زي كشك السجاير ........
زي المحلات اللي بتفرش نص البضاعة على الرصيف .
و كل التصرفات دي ......... يعني الناس دي سرقت حقي و حقك و حق كل مواطن أنه يمشي في مكان أمان بعيد عن العربيات .
دي ما تعتبرش جريمة في رأيك ؟؟؟؟؟؟؟؟؟؟؟؟؟؟؟؟؟؟؟؟