مفيش تعليق.
http://www4.0zz0.com/2009/05/27/10/597090939.jpg
عرض للطباعة
مفيش تعليق.
http://www4.0zz0.com/2009/05/27/10/597090939.jpg
كل واحد فى مصر الود وده يطلع عربيته البيت معاه
كل واحد بيبقى عاوز يقرب من السور على اد مايقدر
ويمكن عشان ضل الشجره
وعشان تبقى بعيده عن الشارع انتوا عارفين طبعا ان اى عربيه فى الشارع بيحصلها ايه
بس انا شايف انها مش مستاهله يعنى
للآسف الشديد كل واحد في مصر بمزاجه
اللي عايز يركن موازي بيركن
و اللي عايز يركن عمودي بيركن
و اللي عايز يركن على شكل مقص بيركن .
و اللي عايز يسيب عربيته في نص الشارع عادي خالص .
و اللي عايز يعمل غرزة بيعملها .
و اللي عايز يجري على 200 علشان يجرب اد ايه العربية اللي صنعها غيره خرافية .
و اللي عايز يحب في العربية و هو سايق بيحب و يمشي يطوح !!
و اللي عايز يمشي عكس الاتجاه ........ عادي خالص .
و كل ده علشان مفيش اولا
اخلاق .................... ثانيا مفيش عقاب .
كل دا علشان ضل الشجرة
ههههههههههههههههههههههههه ههه
ياجماعه الراجل مخبوط فى الرفرف والكبوت والفانوس مخبوط يعمل ايه بقى اكتر من انه يركنها فين
لو طال هيحطها فوق الشجره مش تحتها
وبعدين الدنيا حر وكل عام وانتم بخير و الفله فى الفانله
يابنى انت فى مصر المحروسه افعل ماتشاء اقف فى وسط الشارع وانزل سلم على واحد صاحبك او اى شئ يعجبك
اية يا جماعة (الراجل دة)
خايف علي لون البوية ليبهت شويةةةةةةةةةةة اصلها 2009
امال تعمل ايه بقى لما تبقى فى مكان زحمه جدا ومفيش شبر واحد تركن فيه العربيه وتلاقى واحد راكن موتوسيكل فى وسط العربيات وواخد مكان عربيتين :ma:
وبالنسبه للأخ اللى انت مصوره ده حاجه من اتنين:
1-هو معتقد انه راكب عربيه جيب 4*4 ومركب جنوط 21 ومش فارق معاه الرصيف.:36_3_10[1]:
2-يا اما هو مقتنع انه راكب موتوسيكل والمفروض ميركنش وسط العربيات.:POINTI~2[2]:
منظر غير حضاااااااري بالمرة
شعب عفريت امال لو كانت همر كان عمل ايه
انا ملاحظ انه مش لوحده وا فيه عربيه سوداء او كحلي بعد النيسان البيضاء ركنه بنفس الطريقة.....واضح ان بتاع النيسان هو الي شاذ عن القاعده :shyy:
الظل يا جماعة ... الظـــــــــــــل
( احنا عايزين خبراء من المريخ عشان يعاقبوا الناس بصراحة )
ركنة الاخ ده لسببين الاول عشان يقرف المشاة اللي على الرصيف ثانيا اتباع قاعدة خالف تعرف
[marq="3;right;3;scroll"]
مافى ناس غيره بتركن كده برده
[/marq]
اصله خايف علي ال5 الاف جنيه تمن العربيه امال احنا نعمل ايه
بسم الله الرحمن الرحيم
السبب : الظل
انا مش عارف ايه اللي مزعلك يا بيه بس ؟ طالما مش قافل على حد ولا واخد مكان عالفاضي
وبعدين الناس اللي مابتصدق وتشغل اسطوانة الهجوم على مصر والمصريين يهدوا اللعب شويه ... مانتو كمان منها ! مش لازم نعمل من الحبه قبه ... فينا اللي مكفينا
هدووووء يا جماعة بلاش خناقات ..
فعلا انا شايف انه مادام مش سادد شارع او راكن على ناصية او قافل طريق يبقي حر خلاص يمكن فعلا الشجرة ترحمه من حرارة الشمس .
يمكن مختش باله
انا بلاحظ ان الناس بقت بتهين عربياتها بمنتهى البساطة في اوضاع كتير جدا
اولا تلاقي واحد زي اللي في الصورة اكيد علشان يطلع على رصيف عالي لازم يدخل فيه بقوة وبالتالي ده اهانة للعربية
ثانيا تلاقي واحد راكن عمودي على الرصيف بوشه ومدخل الرصيف تحت الاكصدام الامامي والرصيف حاكك الاكصدام من تحت بشكل بشع
ثالثا تلاقي واحد بيركن بين عربيتين يفضل يرجع لورا لغاية ما يخبط اكصدامه في اكصدام اللي وراه علشان يتأكد انه ماسبشي سنتي وبعد كدة يعدل العربية ويطلع قدام لغاية ما يخبط الاكصدام الامامي في العربية اللي قدامة وعادي جدا
تلاقي واحد طالع من ركنة بين عربيتين وبدل ما يرجع شوية لورا علشان يطلع من العربية اللي قدامه لأ يكسل ويحك طرف الاكصدام في طرف الاكصدام الخلفي بتاع العربية اللي قدامه ويعمل تبادل للبويات بين العربيتين ومش في دماغه
اللي بيضايقني انها عربيات غالية جدا وصحابها بيهينوها اقصى اهانة
الناس ما بقاش عندها اي مسئولية او حفاظ على ممتلكاتهم او ممتلكات غيرهم
البلد دي اللي يركن فيها صح اساسا يبقي هو الغلطان
شايفين؟
شايفين المجنون صاحب العربيه البيضا راكن بسوا الرصيف ازاي؟:k48:
مجنووووووووووووووووووووون
امسكوووووووووووووووووووه:P OINTI~2[2]:
سؤال بسيط .
هي الناس اللي أشارات لمصر ........
أتبلت عليها ؟؟؟؟؟؟؟؟؟؟ أو على أفعال المصريين ؟؟ اللي كلنا منهم !!!!!
الحديث و الإشارة عن الخطأ في مصر لماذا يتم مقابلته بدفاع شديد من جانبنا و كأنننا ملائكة لا نغلط أبدا ؟؟؟؟؟؟؟؟؟؟
كنت مرة في المطار و الناس وقفت طابور بالعافية على شباك مصر للطيران .
و كان معانا واحد أجنبي جابه حظه الأعثر أنه يقف طابور مع ناس مش بتطيق كلمة نظام .
كويس لحد كدا !!!
المهم ...... الراجل واقف في أخر الطابور بكل أحترام .
و كل ما مصري يدخل الطابور جديد
مش بيدخل من الأخر زي بقية خلق الله .
كله ييجي عايز يقف في أول الطابور !!!!!!!!
طيب يا جدعان هو أنتوا على رأسكوا ريشة و مش عاجبكم الناس اللي في الطابور !!!!!!!
المهم أنا الوحيد اللي بقى يكلمهم
يا جدعان أنتو مش شايفين الطابور ؟؟؟
طبعا كل واحد يزغر بعينه و كأني بشتمه .
و في النهاية بعد حوالي نص ساعة من هذا النظام .
الراجل طق و فتح بقه أخيرا .......... و قال
مصر بلد متخلفة .......... بالعنجليزي .
طبعا الراجل ما سلمش من الدفاع المستميت الشنيع من المصريين عن بلدهم المتقدمة ...........
ده شعب كاره لحاجة أسمها نظام و مش بيتبع أي نظام إلا لو هناك عصا فوق الرأس ......... غير كدا ......... هرجلة و فوضى .
و ده واضح قوي في حياتنا و الطرق و المرور .
و تعيش مصر حرة مستقلة .......... هاي هيئ :ma(30):
هو صحيح ......... الرصيف معمول للمشاة ؟ و لا العربيات تركن عليه ؟؟؟؟؟؟؟
قولي يا دكتور سمارت ...
أيه رأيك في الصور دي ؟؟
[sor2]http://i21.tinypic.com/ddst4.jpg[/sor2]
[sor2]http://i21.tinypic.com/2qsmn48.jpg[/sor2]
[sor2]http://i22.tinypic.com/23semmb.jpg[/sor2]
[sor2]http://i22.tinypic.com/n4cdv8.jpg[/sor2]
[sor2]http://i20.tinypic.com/309tpvn.jpg[/sor2]
[sor2]http://i24.tinypic.com/25q7yhv.jpg[/sor2]
[sor2]http://i32.tinypic.com/de2psg.jpg[/sor2]
[sor2]http://i31.tinypic.com/s47wqe.jpg[/sor2]
[sor2]http://i25.tinypic.com/5n3lat.jpg[/sor2]
[sor2]http://i28.tinypic.com/2wfpk5t.jpg[/sor2]
[sor2]http://i31.tinypic.com/2h55rvk.jpg[/sor2]
[sor2]http://i32.tinypic.com/zn61p2.jpg[/sor2]
[sor2]http://i27.tinypic.com/34fl646.jpg[/sor2]
[sor2]http://i28.tinypic.com/apbm7b.jpg[/sor2]
[sor2]http://i25.tinypic.com/szd3sp.jpg[/sor2]
[sor2]http://i28.tinypic.com/2j4axd2.jpg[/sor2]
دي ناس مصرية ....... زيي و زييك . صح ....
ليه نزعل لما ننتقد غبائهم و أستعباطهم و إستهبالهم ؟؟؟؟؟؟؟
ليه بنزعل .......
طيب أنا لما ادخل على مركن ...... و الاقي خطوط للإرشاد علشان أركن عليها ........ ليه أتجاهلها و أركن في مكان أتنين و أرسق مكان غيري محتاجة ؟؟؟؟
تقول أيه على الناس دي ؟؟؟؟؟؟؟؟؟ و ما أكثرهم للآسف الشديد
هو دة تقريبا عامل كدة علشان الشمس بتبوظ التابلوة والفرش وبتسخن العربية ومفيش تكييف .
وانا شايف انة شارع جانبى يعنى مش الاوتوستراد ولا المحور مثلا فعادى يعنى يروش نفسة ويبعد عن الشمس الدنيا مش كلها اتصلح حالها وفاضل نعدلة ركنتة .
ما هو علشان كدا
مصر حالها عمره ما هاينصلح ........
هي جات عليا أنا ؟؟
هو أنا اللي هاصلح الكون ؟؟
ده طريق فرعي ... عادي يعني ؟؟
تابلوهي أهم من الشارع و اللي فيه ؟؟؟
عربتي أهم من أي حاجة في الوجود ؟؟
للآسف كل واحد بيفكر في نفسه فقط لا غير .
لو غيرنا طريقة تفكيرنا و بدأنا بنفكر في غيرنا قبل ما نفكر في نفسنا ......... الدنيا هاتبقى جميلة .
عموما التابلوه له حل ....... و هو يغطيه
أو يشتري عواكس لونها فضي و يحطها على التابلوه .
مش يسد طريق المشاة و يطلع على الرصيف !!!!!!!!!!
أعتقد والله أعلم انه ركن بالشكل دة لأنه لما جه يركن ملقاش ولا مكان يركن فيه غير المكان الضيق دة فإضطر يركن عمودي
بس طبعا دة مش مبرر
الشيروكى اللى راكنة بعد الصنى دية واقفة فى مدخل الفيللا بتاعتهم.
هو مش نهاية سور ولا حاجة و مفيش شوارع جنبة, الشارع يخلص بعد 100 متر.
مش معنى ان فية ناس بتعمل حاجة غلط ان دة يعطينى الحق انى اعملة.
واخد حق المشاة, انا بحب امشى على الرصيف و بعلم بنتى كدة و دة المفروض الطبيعى مش المفروض انة الحاجة الغلط.
مش موضوع من الحبة قبة, لكن لو انت شايف انة مش بيعمل حاجة غلط بيقى دية مشكلة.
و لو حد تانى مكانش عارف ان دة غلط و عرف دلوقتى يبقى قدرنا نعمل حاجة و التغيير بيجى من جوانا مش من برة.
للاسف المشكلة دية بتواجهنى بردة فى اى مكان فية طوابير و لما تحاول تنظم الدنيا تلاقى اللى يقولك اصلى جاى اسال على حاجة او يا عم دية ثوانى او معلش اصلى مستعجل او راكن العربية صف تانى.
لازم الناس تعرف ان الدنيا مش بتدور حواليهم, انت مجرد واحد عايش فيها ليك حقوق و واجبات و لو كل واحد فكر و حكم ضميرة (بالحق) قبل ما يعمل الحاجة, اعتقد بلدنا هتختلف شوية.
للاسف, هى دية مشكلتنا, ملكش دعوة بحد و ابتدى بنفسك.
بالمناسبة الشارع دة بتاع بيت اهلى و هو فى مصر الجديدة فى حتة هادية يعنى لو ملقتش ركنة قدام باب بيتكم هتلاقى ركنة بعديها فى مسافة لا تزيد عن 50 متر (مش مبالغة).
ياراجل دا حتى ضل شجره ولا ضل سحس :)
مفيش تقدير,,,,,,,,,,,
يا جماعه انا معاكم انه غلطان ... بس اقصد انها غلطه تغتفر ... مش لازم نجلده عليها
القصد ... مش لازم لما نلاقي غلطه نقعد نعيد ونزيد في كلللللللللل حاجه غلط في البلد
نعالج حاجه حاجه بدل مايجيلنا احباط ونكره نفسنا
والتمس لاخيك سبعين عذرا ...
هي غلطته انه لغي الرصيف للمارة والناس
يعني الناس تنزل الشارع وتتخبط
طبعا هو خايف من اي خبطة تيجي في العربية بس بكده هو اعتدي علي حق غيره انهم يمشوا علي الرصيف (مع انهم ولا بيمشوا علي رصيف ولا حاجة وبردو مش خطاهم او مش خطا معظم لان الرصيف بيبقي مليان امثال هذا الموقف ومحلات وباعة وووووووووووو
من الاخر دي دائرة مغلقة لن تنتهي ابدا مهما عدلوا القانون
انا من يومين بالظبط شفت شاب ب 128 في زهراء مدينة نصر قبل مدخل الدائري اللي رايح المعادي
شاب اخر فل
الشارع ده فيه مطبين وهناك الصبح بتركن ميكروباصات المنيب علي اقصي اليمين (والله ملتزمين اكتر منه) وبكده يبقي فيه حارتين بس ان العربيات تعدي مستريحة
ده ركن صف تاني جنبهم عشان ينزل يفطر من عربية فول واقفة هناك وقفل العربية واخر تمام
تخيلوا بقي لما صف الميكروباصات اللي راكن مشي
بقت ال 128 لوحدها في نصف الطريق هو شايفاها وواقف يفطر اخر حلاوة ولا اكن فيه بشر
وبكده الطريق بي يفوت عربية عربية
بعد ما هو مشي جه اتوبيس نقل عام في نفس المكان ونزل السواق والكمسري وفتحوا الاتوبيس من ورا عشان يتهوا وسابوا الاتوبيس بردو في نص الشارع وراحوا يسلموا العهدة الناحية التانية من الرصيف في موقف الزهراء لمدة لا تقل عن 20 دقيقة
تخيلوا الشارع بعد ما كان مفيهوش وقفة غير عشان المطب بقي واقف لحد فين
وهي دي الركنات ولا بلاش
حسبي الله ونعم الوكيل