كنت عايز اركب تكييف للابيزا ال 1000 سى سى هل هتتعب الموتور ولا مش قوى ويا ترى تكلفتة كام لو جديد ولو استيراد ومنين اجيبه
وشكرا:shyy:
عرض للطباعة
كنت عايز اركب تكييف للابيزا ال 1000 سى سى هل هتتعب الموتور ولا مش قوى ويا ترى تكلفتة كام لو جديد ولو استيراد ومنين اجيبه
وشكرا:shyy:
بص ياباشا هو عموما التكييف هيأثر جمد جدا لى الموتور وبالذات انه 1000 سي سي .. وهيبان طبعا في السحب وخلافه
وهو سعره بيكون في حدود 2500 جنيه
منصحكش لسبب لأنولو مش راكب من الأول ما بيبقاش معمول حسابه فى كهربه العربيه والكنترول ومش هيشتغل كويس معاك وهيخليك تكره نفسك والعربيه دا على لسان أحد مجربى الموضوع ده على فكره
فعلا لو هى نازله بالتكييف يبقى عادى و لو مكنتش مكيفه يبقى بالش احسن هتدخل نفسك فى متاهات
شكرا لكل من رد
شوف يا صديقى لازم تعرف ان انواع التكييفات كتيره و رغى و اقناع الصنايعية باى حاجه مالوش حل
العربيه ممكن و بسهولة يركبلها تكييف و العربيه ال98 فيها امكانية لتركيب التكييف بدون مشاكل و فية مكان مخصص فى الكنترول يونت لاستقبال التكييف
اولا لازم تركب التكييف الاصلى بتاع العربيه ال1000 مش بتاع 1300 او 1400 او غيره لان الكباس بيكون اكبر و بيعمل حمل كبير على الموتور الكباس الاصلى بيكون 5 -v مش اكبر من كده
و نصيحتى ليك ان تجيبة من بورسعيد او الحرفيين لانه احسن على العربيه من الجديد السوقى اللى مش ناجح مع العربيات دى
و التكييف الاصلى بتاع الابيزا مش بيفصل و يشتغل زى باقى العربيات لاء بيشتغل مستمر لكن متغيير الشده حسب درجه الجو و على حسب درجه حراره الكابينه و لما الحمل بتاعه بيخف العربيه بتجرى كانة مش شغال
هوا أصلا معايا على البولو 1000 سى سى مش أد كده وده الأصلى..
اخى العزيز
بالنسبه للاماكن فى بورسعيد مجدى البيومى هو مشهور جدا هناك اما فى الحرفيين هما كتار و الافضل فى شارع المرسيس المتفرع من جمال عبد الناصر
اما التكلفه هى مش قليله
يعنى الكباس فى حدود 800 جم بالقاعده
الكويل الداخلى فى حدود 1000 جم
سرابنتينة فى حدود 200 جم
علبة الفيوزات فى حدود 300 جم الخراطيم فى حدود 400 جم
وشويه حجات بصيطه تانيه يمكن تدخل فى 200 جم
و مصناعيات و شحن فى حدود 500 جم
ولو الريداتير بتاعك صغير الافضل انك تغيره باكبر حتى يمكن تركيب سرابنتينه اكبر لنها بتحسن التكييف بشكل كبير و انا شخصياً غيرتة بالاكبر وعدلت فى القواعد بتاعته . والريداتير الاكبر فيه 2 مروحه بسرعتين
و لو عاوز اى حاجه او معلومات اضافية انا تحت الامر
تحياتى محمد مصطفى
انا رايي طالما مش نازل في العربية يبقي بلاش تركبه احسن لأن عمره ما هيكون زي اللي نازل في العربية
انا متفق معاك يا صديقى اللى نازل م العربيه بيكون افضل بدون شك
بس عاوز افولك حاجه بالنسبه للابيزا ال 1000 حتى موديل 99 خصوصا هى فى مصر من معروفه من موديل 97 حتى 99
العربيات دى كانت بتنزل مش مكيفة و كان بيتركبلها التكييف فى التوكيل فى مصر و كان مش التكييف الاصلى و كان سعره فى وقتها لو انت جبتها من غيره التكييف وحبيت تركبة 3750 سعر الوكيل و كان مش اصلى
الاصلى بتاع العربيه لو عربيتك مستورده من بره و انا شوفته بيسقع زى العربيات اليابانى و احسن
و احد العيوب فى الموديلات اللى نزلت مصر ان الريداتير صغير جداً و بالتالى السربنتينة بتاعتها كمان صغيره و علشان كده اللى بيقولوا عليه اصلى مش كويس
انا عملت تعديل عندى و ركبت الريداتير و السربنتينة الكبار و معاهم المروحتين الاصلى بتوعهم واصبح التبريد فى العربيه فرق الضعف بدون ما اغير اى حاجه تانيه و حمل الكباس برده قل كتير و السرعه التانيه بتاعت المروحه مابقتش بتشتغل كاير
من الاخر ممكن تعدل و تركب اللى انت عاوزه فى العربيه و مش هيضر ابدا و هيكون كويس جداً بس المهم الصنايعى اللى يحافظ على العربية و ما يخربش يكون فاهم فى الموديل ده
تحياتى محمد مصطفى
الف شكر استاذ محمد مصطفي وجزاك الله خيرا علي الرد وان شاء لو نويت اركبه علي الصيف القادم اكيد هتصل بيك عشان افهم منك
احسنلك ركبه في اواخر الشتا كده لأن في الصيف بتوع التكييف بيكون عليهم ضغط في الشتا هايكون رايق و يشتغلك بمزاج
ايوا كده يا جماعة المنتدي بدأ يشتغل اهو