الموضوع: من اوبتراوى جديد الى خبراء الاوبترا

المشاركة الأصلية كتبت بواسطة just_magdy1

متشكر جدا ليك يا حسام ولكل الاخوه الى ردوا انا كنت اقصد فى المقارنة السيراتو القديمة ... والحقيقة انا كنت رايح سوق الحى العاشر ودماغى فى حاجتين السيراتو القديمة او الانسر بس للاسف ملقتش عربية حالتها تشدنى فى العربيات دول ولما حسيت بالياس والشمس وطبعا انتم عارفين شمس سوق السيارات قررت اجيب عربية من اتنين ماتريكس كنت شفتهم وعجبونى وفعلا رحت فى اتجاههم وسبحان الله علشان رايد الاوبترا تقدروا تقولوا اتكعبلت فيها مع انى عمرى ما فكرت فيها فعجبتنى ...بس بينى وبينكم دماغى لسه معلقة فى السيرلتو القديمة وفى نفس الوقت بتمنى حد يرد عليا ويقولى سيراتو ايه الاوبترا اعلى بكتير ,, بس علشان تطلع من دماغى وشكرا تانى ليكوا يا احلى منتدى

شوف يا استاذ مجدى

انا من سنه لما كنت بشترى كنت برضه بقارن بين الاوبترا والسيراتو

وكنت ميال لدرجه كبيره اوى للسيراتو عن الاوبترا

ولما نزلت واتفرجت على الاتنين

لقيت ان السيراتو تتميز فى ان موتورها اقوى 121 حصان وان شكلها الخارجى احلى

ولقيت ان الاوبترا تتميز فى ان قطع غيارها ارخص ومتوفره واعادة بيعها سهل وكويس

وكمان مستريحتش لما ركبت السيراتو من جوا مش عارف ليه

والكاسيت اللى كان راكب فيها مش الاوريجنال بتاعها متركب هنا فى مصر

غير ان السيراتو ساعتها كانت اغلى من الاوبترا ب 8 الاف جنيه

المهم انى اخترت الاوبترا فى الاخر والحمد لله مندمتش

ولو كنت جبت السيراتو مكنتش هاندم برضه لانها عربيه ممتازه

المشاركة الأصلية كتبت بواسطة just_magdy1

بس فى حاجه يا اشرف انا بعمل كيك داون من غير ما اكون دايس على زرار الهولد والعربية بتجرى ولا انا غلطان ؟؟؟
اخوكم اول مره يسوق اتوماتيك يا رجاله

الكيك داون ملوش دعوه بزرار الهولد

انت لما تكبس وتعمل كيك داون عادى العربيه هتجرى

انما الهولد استخدامه لما تكون ماشى وتدوس عليه يقوم مسقط نقله او حارق على النقله

فبيديك عزم اكتر