مقارنه وعايز رائيك فى فيات128 او ريجاتا ؟؟؟؟؟؟؟

**nicolass** · 28-05-2009 01:12 AM

السلام عليكم ورحمه الله وبركاته
انا بجد تعبت من كل الاختيارات 127 او 128 او ريجاتا
المهم عندى تكون الحاجة كويسة وقطع غيارها مش غالية وتستحمل لانى لسة بتعلم سواقة ومعرفتى بالعربيات زى معرفتى بالصينى
وحدود المبلغ الى معايا ممكن يوصل ل 18 او 19
يبقة الاحسن اجيب عربية اية ؟؟؟؟؟؟ وفى حدود المبلغ دا اجيب عربية موديل كام وحالتها اية ؟؟؟؟؟؟
ولو ريجاتا يبقة دا اختيار موفق وموديل كام وبسعر كام لان كتير شكر فيها وانه سهل يتحط فيها تكييف

**Qamar** · 28-05-2009 07:05 AM

لو 128 بالفلوس دي المفروض تكون موديل عالي و حالة علوة
لو ريجاتا.... ما أظنش

**مواطن مصرى** · 28-05-2009 11:54 AM

ممكن جدا تجيب عربيه 128 بحاله جيده فى حدود هذا المبلغ و ربما اقل كمان

لكن للاسف لن تجد ريجاتا بحاله جيده بأقل من 25-27 الف جنيه

مع مراعاه ان أسعار قطع غيار و صيانه الـ 128 اقل من الريجاتا

لو اردت النصيحه بغض النظر عن الفلوس انصحك بلا تردد بالريجاتا ليس لانها سيارتى و لكن اى شخص يعرف عن فيات و موديلاتها القديمه سألته نفس السؤال سيقول لك نفس الاجابه : الريجاتا افضل بمراحل من 128 و هى فئه اخرى مختلفه تماما عنها من حيث
التكنولوجيا (محرك ايطالى 1500 سى سى بقوه 85 حصان - كمبيوتر اعطال - تابلوه شبه ديجيتال)
و الاحتمال (مبنيه على شاسيه و ليس علب)
و الكماليات (يكفى التكييف)

مع خالص تحياتى و تمنياتى لك بالتوفيق فى الاختيار

**sab3aawy** · 25-06-2009 11:43 AM

المشاركة الأصلية كتبت بواسطة مواطن مصرى

و الاحتمال (مبنيه على شاسيه و ليس علب)

معلش اسمح لى اعلق ، حكاية شاسيه وعلب دى حكاية كان الكلام فيها عتيق جدا فى بدايات السبعينات من القرن الماضى ايام ما كان فيه لسة عربيات على شاسيه زى ال 1100 وال 125 والحاجات دى

لكن ال 128 على علب والريجاتا على علب والتمبرا على علب والسيينا على علب وكل العربيات اللى نعرفها حاليا على علب، معادش فيه عربيات على شاسيه غير عربيات ال 4*4 الكبيرة مثل اللاندكروزر والعربيات النقل، شاسيه(علب )الريجاتا ميفرقش اى حاجة عن شاسيه ال 128 ميفرقش كتير عن كل العربيات اللى موجودة ديلوقتى، الريجاتا اصلا معمولة على قاعدة عجلات(علب)الريتمو اللى هى صورة مكبرة قليل من قاعدة عجلات ال 128 مع بعض التحسينات، لكنها فى النهاية شاسيه الريجاتا نسخة مكبرة من شاسيه ال128

**nicolass** · 27-06-2009 09:13 AM

المشاركة الأصلية كتبت بواسطة sab3aawy

معلش اسمح لى اعلق ، حكاية شاسيه وعلب دى حكاية كان الكلام فيها عتيق جدا فى بدايات السبعينات من القرن الماضى ايام ما كان فيه لسة عربيات على شاسيه زى ال 1100 وال 125 والحاجات دى

لكن ال 128 على علب والريجاتا على علب والتمبرا على علب والسيينا على علب وكل العربيات اللى نعرفها حاليا على علب، معادش فيه عربيات على شاسيه غير عربيات ال 4*4 الكبيرة مثل اللاندكروزر والعربيات النقل، شاسيه(علب )الريجاتا ميفرقش اى حاجة عن شاسيه ال 128 ميفرقش كتير عن كل العربيات اللى موجودة ديلوقتى، الريجاتا اصلا معمولة على قاعدة عجلات(علب)الريتمو اللى هى صورة مكبرة قليل من قاعدة عجلات ال 128 مع بعض التحسينات، لكنها فى النهاية شاسيه الريجاتا نسخة مكبرة من شاسيه ال128

مش فاهم اوى الجزئية دى
بس معنى كدا انه شاسية ال128 والريتمو كويسيين
لانه قدامى كذا عربية ريتمو وكل بيقولى هى عيبها فى الشاسية وانها مش ثابته
الثبات ناس قولولى جنوط وهبطها وهيتحل معاك ان شاء الله انما الشاسية دا الى الكل قالى مشكلة ومش بتتحل وبيفتح بسرعة اسرع من ال 128

**ozy2026** · 28-06-2009 04:10 AM

انا شايف انك مينفعش تقارن الريجاتا مع ال 127 او ال 128 خاالص
الريجاتا احسن بكتيييييييير ومفيش وجه مقارنه
بس طالما انت قلقان من حكايه الشاسيه دى يبقى هات 131 وهتبقى احسن من الكل

**nicolass** · 28-06-2009 10:58 AM

المشاركة الأصلية كتبت بواسطة ozy2026

انا شايف انك مينفعش تقارن الريجاتا مع ال 127 او ال 128 خاالص
الريجاتا احسن بكتيييييييير ومفيش وجه مقارنه
بس طالما انت قلقان من حكايه الشاسيه دى يبقى هات 131 وهتبقى احسن من الكل

طيب اية احسن سنه صنع فى ال 131
وحدود االسعر كام
ولو فيها موديلات اية احسن موديل
لانى اوقات بلاقى حروف جنب رقم العربية يعنى مثلا(131sl)طبعا دا تأليف بس دا قصدى يعنى

**ghost** · 20-07-2009 08:24 PM

المشاركة الأصلية كتبت بواسطة مواطن مصرى

ممكن جدا تجيب عربيه 128 بحاله جيده فى حدود هذا المبلغ و ربما اقل كمان

لكن للاسف لن تجد ريجاتا بحاله جيده بأقل من 25-27 الف جنيه

مع مراعاه ان أسعار قطع غيار و صيانه الـ 128 اقل من الريجاتا

لو اردت النصيحه بغض النظر عن الفلوس انصحك بلا تردد بالريجاتا ليس لانها سيارتى و لكن اى شخص يعرف عن فيات و موديلاتها القديمه سألته نفس السؤال سيقول لك نفس الاجابه : الريجاتا افضل بمراحل من 128 و هى فئه اخرى مختلفه تماما عنها من حيث
التكنولوجيا (محرك ايطالى 1500 سى سى بقوه 85 حصان - كمبيوتر اعطال - تابلوه شبه ديجيتال)
و الاحتمال (مبنيه على شاسيه و ليس علب)
و الكماليات (يكفى التكييف)

مع خالص تحياتى و تمنياتى لك بالتوفيق فى الاختيار

انا مع الاخ الفاضل
ال128 افضل من ناحية مصاريف الصيانه القطع من عند البقال - بس اسئل مجرب و انا جربة العربيه شبابيه بتاعة ترويش من الدرجه الى فوق النمره واحد و ياسلام لو نزلت عليه ماتو ر الريجاته و شداد و باب شفط و سنتر و وحدة رفع و فاميه فى الزجاج الخلفى و شداد للكبالن لن عيب الحوض بتاع ال 128 بيفتح فيبوظ الكوبلن الامركانى لا لنه بيبوظ الكبلن كل ده اغراء فى 128 و القرار ليك ممكن اقوال على باقى الترويش الى كان فى اول عربيه عندنا قبل الله ما يرحمه
و تروح لصاحب المزاج لنه بتاعة الترويش شبابيه:10d5c8~1107:

**nicolass** · 28-05-2009 12:31 PM

شكرا جدا ليكم
وشكرا لمعلوماتك يا مواطن مصرى
والله ما بقيت عارف هشترى اية

**fepsceasar** · 07-06-2009 05:49 AM

يا باشا فى السعر ده خليك فى 28 لو هتزود شوية يبقى ريجاتا لأن حرام تدفع فلوس فى عربية وتبقى عايزلها 5 او 6 ألاف كمان علشان تتضبط ا

الموضوع: مقارنه وعايز رائيك فى فيات128 او ريجاتا ؟؟؟؟؟؟؟

LinkBack

أدوات الموضوع

عرض

العرض المتطور

-

-

-

-

المواضيع المتشابهه

نوكيا c3 ايه رائيك فيه..

ما رائيك بشراء ارض فى مدينة الشروق ؟

اشتريت عربيه فيات128 جديده وعايز انقلها باسمي

اشتريت موتور ريجاتا استيراد وعايز ابيع القديم

الكلمات الدلالية لهذا الموضوع

المفضلات

المفضلات

ضوابط المشاركة