يعنى اية الميكانيكى مركب كرسى للبوجى علشان انا اكتشفت ان الميكانيكى مركبلى كرسى للبوجى مع العلم انى لسة عامل نصف عمرة
عرض للطباعة
يعنى اية الميكانيكى مركب كرسى للبوجى علشان انا اكتشفت ان الميكانيكى مركبلى كرسى للبوجى مع العلم انى لسة عامل نصف عمرة
كرسي البوجيه ده عبارة عن وصلة مهمتها انها ترفع البوجيه شوية عن مستواه علشان ميعرقش زيت عليه
و الحركة ديه بتتعمل مع الموتور لما يكون خلصان المفروض ميحصلش عندك بما انك عامل لسة طقم شنبر
كلام سليم 100%
لما الموتور بيبدء ينتهي بنركب بوجيهات سن قصير ولما يودع بنركب كرسي للبوجيه.
أنصحك طالما أنك لسه عامل عمرة روح للميكانيكي وأفهم ركب هذا الكرسي لية؟
والله الموفق
شكرا على الرد وهشوف الباشا دة عمل ليه كدة
مع أحترامى لأراء الزملاء .......بس عندى تحفظ شويه وهو كالأتى .................................................. ....... هو طبعا كرسى البوجيه وظيفته زى ما أوضحتم .....وهو جعل الجزء الداخل من البوجيه فى غرفة الحريق قصير شويه .....علشان مايعرقش زيت وبالتالى المكنه حتنتش وتتلت وممكن تبطل كمان ............بس ماننساش أن الزميل عامل نصف عمره (يعنى مغير طقم شمبر ).......وكده المكنه كويسه .....بس واضح أن الميكانيكى معندوش ضمير .......غير الشنبر وخلاص .....ومنصحش أخونا بعمل روديه فى وقتها وتغيير سيلات (كاوتش ) الصبابات بالمره .....أثناء تغيير طقم الشنبر .......ومن هنا يتضح لنا أنه عمل كرسى للبوجيه اللى بيعرق .....علشان كاوتش صباب الغرفه دى بينزل زيت على البوجيه بتاعها من منطقة التاكيهات................وكل ده علشان يقلب ويدارى فشله فى نصح زبائنه .......وعاوز يخلص ويقلب وخلاص
دا حيكلف أخونا تانى .....جوان رأس سلندر للمره التانيه ....دا غير الفك مره تانيه .....لأنه لازم حيغير تانى كاوتش الصباب .......لأن موضوع الكرسى ده مجرد مسكن ......ومبيعمرش ........دا غير أستهلاك الزيت والمكنه اللى حدخن تانى وعزمها حيبقى تعبان ويمكن تبطل منه وهو ماشى ....وكمان ممكن عمل أخونا لطقم الشنبر كان سببه الأساسى كاوتش الصباب هو اللى مبوظ آداء المكنه قبل مايغير الشنبر والشنبر كان كويس مثلا ( فعلا مفيش ضمير ...........وحسبنا الله ونعم الوكيل )
thank`s basha
فى اضافه احب اضيفها على تعليقات الاساتذه الافاضل ان لو الشنبر بيهرب زيت هيدى نفس النتيجه حتا لو مغير اويل سيل الصباب و عامل روديه
من وجهة نظرى أن الشنبر اللى لوفرضنا أنه حيهرب زيت .....هو شنبر الزيت التحتانى على البستم ......لو كان راكب مش مظبوط مثلا ...أو شنبر الغرفه اللى راكبله كرسى دى أنكسر منه وهو بيغير مثلا ...........فى الحاله دى الزيت اللى على الشمايزمن الداخل الناتج من عمليات الطرطشه والبخر وخلافه حيتم كسحه لداخل غرفة الحريق .....يعنى كشطه على الجدار لفوق ...مع حركة البستم لأعلى ...._ وكل اللى ممكن يحصل أن المكنه حدخن والعزم يقل بسيط .....ولكن عمر البوجيه مابيعرق فى حالة زى دى ......ونضطر نعمله كرسى علشان نعليه مثلا ..............._ واللى ممكن يعرق أى بوجيه من خلال الشنابر .....دا لو كان بيكون فيه تفويت كبس من الشنابر الى الكرتير ....والتفويت ده بيشيل معاه شوية زيت من على وش الكرتير وهو فى طريقه الى خط الفايز ....._ وأعتقد ده صعب جدا فى الوقت الحالى ....لأن عندنا الشنابر جديده (ضغط وزيت ).........._ وبالتالى بنسبه أكبر من 90% ....البيه الميكانيكى ....لما غير الشنبر لأخونا ....حل رأس السلندر بحوض التاكيهات ( متجمعين مع بعضهما ......وحطهم جنب بليه ......على ماغير الشنابر ....ومكلفش نفسه حتى يبص على شكل تجميع أقراص الصبابات من تحت مع رأس السلندر ......ويمكن بص عليها .....ولما لقى الباب قافل كويس ( الصبابات مجمعه كويس على الرأس )........قال بركه ياجامع .......وأنا أتوقع ذلك بنسبه كبيره جدا ........يعنى من شكل تجميع الصبابات على الرأس من تحت ......قالك بس ( كده مش محتاجين روديه ............ونسى العمر الأفتراضى لكاوتش الصباب ....والدلايل والقواعد كمان ).........راجل خبره بقى ...................
يا شباب يا شباب كركبتم بطن الراجل
انتم نسيتم النوع التانى من كرسى البوجية
اللى بيركب فى حالة لو سن البوجية فوت و محتاج اعادة اصلاح
دة كمان اسمة كرسى بوجية و مابيركبش لو الموتو خفيف و لا حاجة فقط مهمتة اعادة اصلاح السن عشان البو جية يركب عادى و ينزل لغاية اخر مشوارة
ودة النوع العادى وما فيش منة خطورة على الموتور خالص
انا خراط مواتير و دى شغلتى عادى
يا جماعة طبعا شكرا الى كل عضو فى المنتدى تفضل فى المشاركة بس الجديد ان الموتور قفش تانى بعد اسبوع من العمرة وانا دلوقتى بعمل عمرة جديدة وفى مشاكل مع الحمار الميكانيكى وطبعا المرة دية معايا مهندس ميكانيكا فاهم هو اللى بيفصل بينا وبعد انتهاء المشكلة ان شاء الله سوف اكتب موضوع كامل عن النصب والسرقة من الميكانيكية لاصحاب السيارات اللى هم احنا لانى اكتشفت وسائل سرقة ونصب لم تكن فى بالى من قبل (هحتاج بودى جارد متبرعين لتكسير الورشة) وحسبنا الله ونعم الوكيل
اية اللى قفش تانى الكرنك و لا البساتم فى الشمايز
قوللىو احكيلى
بمكن اقدر اقولك العيب فين و عند مين؟
بص يابني هاقوللك كلمة واحدة روح اضرب الراجل ده ولو كتر في الكلام
كتفو وحطو في شنطة العربية وارمي في اي صحرا وهو ماحدش هايسال عليه علشان شكلو خروف
ماهو الصنايعي : هو كائن فاشل في كل حاجة ( ينطبق هذا الكلام علي الميكانيكي )